хүсэл

Монголоор

Үгийн дуудлага

[xьsel]

Үндэсний бичиг

ᠬᠥ᠊‍ᠰ‍‍ᠠ‍ᠯ

(хүсэл)

Галиглах зарчим

Үгийн утга

нэр.

1. Хүн, тархиныхаа үйл ажиллагаагаар бүтээх, голдуу итгэл, сэтгэлдээ горилсон ирээдүйн төсөөлөл, эрмэлзэл

===Ойролцоо үг===

Нийлмэл үг

эрмэлзэн мөрөөдөх сэтгэл -

Зөв бичихзүй

Үг хувилгах зарчим

Кирил бичгийн зөв бичихзүй

хү|сэл нэр. ~ мө­рөөдөл/тэмүүлэл хорш., хүслийн, хү­сэлд, хүслээр

Хоршоо үг

• бодол хүсэл - хувь хүний бодол санаа, эрмэлзэн мөрөөдөх сэтгэл
• дур хүсэл - хүсэл сонирхол
• санал хүсэл - хүний бодол санаа
• хүсэл зориг - хүссэнээ биелүүлэхийн төлөө шийдсэн санаа
• хүсэл найдвар - хүсч найдах сэтгэл
• хүсэл мөрөөдөл - сайн сайхны тухай эрмэлзэн санаашрах бодол
• хүсэл санаа - эрмэлзэн мөрөөдөх бодол
• хүсэл санал - аливаа зүйлийг мөрөөдөн бодох нь
• хүсэл сонирхол - аливааг шохоорхох сэтгэл
• хүсэл сэтгэл - юмыг эрмэлзэн мөрөөдөх сэтгэл
• хүсэл тачаал - шунан дурлах сэтгэл
• хүсэл тэмүүлэл - ямар нэг зүйлд дуршин бахдах эрмэлзэл, мөрөөдөл
• хүсэл шаардлага - хүссэнийг биелүүлэхийн төлөө гүйцэтгэвэл зохих зүйл
• хүсэл хясал - хүслэн хяслан
• хүсэл шунал - мөрөөдөл, хомхой сэтгэл
• хүсэл эрмэлзэл - хүний мөрөөдөн тэмүүлэх сэтгэл

Хэлц үг

Хэвшмэл хэлц

Хайр ихэдвэл хар ихэднэ

Хүсэл ихэдвэл хясал ихэднэ

Хүн биеэ голохгүй

Хүсэл зангаа голохгүй

Хүн богино

Хүсэл урт

Хүсэл байвал хүчрээс айхгүй

Зориг байвал зовлонгоос айхгүй

Хүсэл байвал цөхрөхгүй

Хүчин байвал сөхрөхгүй

Хүсэл их хүний хувь нь бага

Хөл их хүний гутал нь бага

Хүсэл ихийн заяа нь бага

Хөл ихийн гутал нь бага

Хүсэл ихтийн хувь бага

Хөл ихтийн гутал бага

Хүсэл ихтийн хүзүүг дар

Омог ихтийн омрууг дар

Хүсэл ихтэй хүний хувь нь их

Хөл ихтэй хүний гутал нь их

Хүсэл ихтэйгээрээ ноён болдоггүй

Хүч ихтэйгээрээ баян болдоггүй

Хүсэл ихэдвэл

Хясал ихэднэ

Аман зохиолд орсон нь

Зүйр үг

Хүсэл ихтийн хүзүүг дар

Омог ихтийн омрууг дар

Тайлбар: хэтэрхий их омог бардам зан хэрэггүй

Хүсэл байвал цөхрөхгүй

Хүчин байвал сөхрөхгүй

Тайлбар: зорьсноосоо бүү шантар

Хүсэлдээ хүлэгдэж

Хүлээсэндээ тэлэгдэх

Тайлбар: болж бүтэхгүй зүйл мөрөөдөн түүндээ хэт автан юу ч хийж чадахаа болих