санал

Монголоор

Үгийн дуудлага

[sanal]

Үндэсний бичиг

ᠰ‍ᠠ‍‍ᠨ᠋‍ᠠᠯ

(санал)

Галиглах зарчим

Үгийн утга

нэр.

1. Бодон санаж буй зүйл, хүсэл, эрмэлзэл
2. Олон нийтийн байгууллага, төрийн төлөөллийг сонгоход өөрийн бодлыг илэрхийлэх эрх
3. Бусдад илэрхийлсэн санаа

Нийлмэл үг

оновчтой санал - тухайн асуудлыг шийдвэрлэхэд тус болохуйц санаа оноо

өрөөсгөл санал - аливаад хандахдаа зөвхөн нэг талыг нь илүүтэй анхааран баримталсан үзэл бодол

санал авах - юу хүсч байгааг нь анхаарч мэдэх, хүслийг нь сонсох

санал асуух - хүсэл бодлыг нь асууж сонсох

санал гаргах - бодол хүслээ хэлэх

санал өгөх - бодож санаснаа бусдад хэлэх, хүслээ илэрхийлэн гаргах

санал дэвшүүлэх - а.тухайн асуудлын талаарх үзэл бодлоо илэрхийлэх; б.шинэ санаа оноо гаргах

санал илэрхийлэх - ямар нэгэн асуудлын талаар бодож санаснаа хэлэх

санал зөрөх - үзэл бодол таарахгүй зөрчилдөх

санал зөрөлдөх - санал үл нийлэх

санал хуваагдах - асуудалд өөр өөрийн байр сууринаас хандаж үзэл бодол нийлэхгүй байх

санал оруулах - ямар нэг газарт бодлоо илэрхийлэх

санал нийлэх - бодол санаа нь таарч тохирох

санал нэгдэх - илэрхийлэн дэвшүүлж буй үзэл бодол нийлэх

санал нэгтэй - бусдын үзэл бодолтой адил

санал хэлэх - өөрийн бодлыг хэлэх

санал тавих - өөрийн үзэл бодлыг бусдад дуулгах, илэрхийлэх

санал солилцох - аливаа зүйлийн талаарх өөрсдийн үзэл бодол, туршлага зэргээ хэлэлцэн ярилцах

саналаар нь болгох - хүссэнээр нь хийлгэх

саналаараа ирэх - хүслээрээ ирэх

санал алдах - а.гомдох; б.нэр дэвшигч сонгогчидгүй болох

санал алдагдах - урам хугарах

санал шүүмжлэл өрнөх - тухайн асуудлын хүрээнд үзэл бодлоо хуваалцан ярилцах

саналын эрхэт хуучир. - мэргэн ухаантан

саналын хуудас - санал бичсэн хуудас

олны санал - олон түмний үзэл бодол

санал хураалт - санал хураах явц

олонхын саналаар болох - тухайн асуудлыг шийдвэрлэхдээ олонхын саналыг баримтлан шийдэх

санал хураах - санал авах, санал цуглуулах

нууцаар санал хураах - саналыг бичгээр авах

санал хуваагдах - а.эргэлзэх тээнэгэлзэх; б.асуудлыг шийдвэрлэхэд хүмүүсийн бодол зөрөлдөх, ацдах

санал боогдуулах - санал бодлыг нь хяхан хавчих

Зөв бичихзүй

Үг хувилгах зарчим

Кирил бичгийн зөв бичихзүй

са|нал нэр. ~ын хайр­цаг, саналын, саналд, саналаар, о.тоо саналууд

Хоршоо үг

• санал асуулга - дэвшүүлэн тавьж буй асуудлын талаар олон нийт болон зохих албаны хүний үзэл бодлыг асууж хариу авах нь
• санал бодол - санаж бодож буй зүйл
• санал гомдол - ямар нэгэн асуудлын талаарх тухайн хүний хүсэл, гомдол
• санал хүсэл - хувь хүний санаа бодол, эрмэлзэн мөрөөдөх сэтгэл
• санал шүүмжлэл - тухайн асуудалд хандах үнэлэлт дүгнэлт, бодол санаа

Хэлц үг

Хэвшмэл хэлц

Санал үгүй үг хэлдэггүй

Саад үгүй үйл хийдэггүй