сургууль

Монголоор

Үгийн дуудлага

[surǧu̇:lĭ]

Үндэсний бичиг

ᠰᠣ᠊᠊ᠷᡍ‍ᠠ‍ᡍᠣ᠊᠊ᠯ᠊ᠢ

(сургагули)

Галиглах зарчим

Үгийн утга

нэр.

1. Ном эрдэм сурах газар
2. Танин мэдэж авсан зүйл, дадал
3. Дадлага, дасгал
4. Адгуус малд сургах ямар нэгэн хөдөлгөөн үйлдэл;
5. Дүрээ хувилгасан шорон

Нийлмэл үг

сургууль тарах - амралт эхэлж сурагч, оюутнууд гэр гэртээ харих

сургууль төгсөх - сургуулиа дүүргэх, суралцаад дуусах

сургууль цуглах - жил бүрийн есдүгээр сарын нэгэнд сурагч, оюутнууд хичээлдээ явж эхлэх

сургуульд багшлах - сургуульд хичээл заах

сургуульд орох - сургуульд элсэх

сургуульд суралцах - сургуульд сурч, мэдлэг боловсрол эзэмших

сургуульд хуваарилагдах - ямар сургуульд сурахыг нь оноон өгөх

сургуульд явах - сургуульд сурахаар явах

сургуулийн амралт - улирал бүрийн эцэст тодорхой хугацаанд амрах нь

сургуулийн багш - сургуульд ном заах хүн

сургуулийн захирал - сургуулийг удирдан зохион байгуулах хүн

сургуулийн захиргаа - сургуулийг удирдан зохион байгуулах, аж ахуй, санхүүг зохицуулах хэсэг

сургуулийн дүрэм - сурагчдын заавал мөрдөх журам

сургуулийн насны хүүхэд - 6-18 насны хүүхэд

сургуулиас гаргах - сургуульд сургахгүй болгох

сургуулиас хөөгдөх - сургуулиас зайлуулах, явуулах

багшийн сургууль - багш нарыг бэлтгэх сургууль

биеийн тамирын сургууль - биеийн тамирын мэргэжлийн хүн, биеийн тамирын багш нарыг бэлтгэх сургууль

дээд сургууль - дээд мэргэжилтэн бэлдэх сургууль

жолоочийн сургууль - жолооч нарыг бэлтгэх сургууль

зуны сургууль - зун хичээллэх сургууль

мэргэжлийн сургууль - мэргэжлийн ажилчин бэлтгэх сургууль

тусгай мэргэжлийн сургууль - тусгай мэргэжлийн ажилчин бэлтгэх сургууль

хөгжмийн сургууль - хөгжмийн төрөл бүрийн мэргэжилтэн бэлтгэх сургууль

хөдөө аж ахуйн дээд сургууль - хөдөө аж ахуйн салбарт ажиллах төрөл бүрийн дээд, дунд мэргэжилтэн бэлтгэх сургууль

амьдралын сургууль - ажил, амьдралаас олж авсан туршлага, мэдлэг

сургууль хийх - дасгал хөдөлгөөн, үзүүлбэр зэргийг сайн хийж чаддаг болтлоо дахин давтан хийх

байлдааны сургууль - байлдааны бэлтгэл

буудлагын сургууль - буудах дасгал

дайтах сургууль - дайтах бэлтгэл, дайтах дасгал

хөл гарын сургууль - хөл гарын дасгал

хээрийн сургууль - хээрийн бэлтгэл

Зөв бичихзүй

Үг хувилгах зарчим

Кирил бичгийн зөв бичихзүй

сур|гууль нэр. хээрийн ~, сургуулийн, сургуульд, сургуулиас, о.тоо сургуулиуд

Үндэсний бичгийн зөв бичихзүй

ᠰᠣ᠊᠊ᠷᡍ‍ᠠ‍ᡍᠣ᠊᠊ᠯ᠊ᠢ  ᠶᠢ‍᠊ᠨ
ᠰᠣ᠊᠊ᠷᡍ‍ᠠ‍ᡍᠣ᠊᠊ᠯ᠊ᠢ ᠳ᠋ᠣ
ᠰᠣ᠊᠊ᠷᡍ‍ᠠ‍ᡍᠣ᠊᠊ᠯ᠊ᠢ ᠊ᠢ᠊᠊ᠢ
ᠰᠣ᠊᠊ᠷᡍ‍ᠠ‍ᡍᠣ᠊᠊ᠯ᠊ᠢ ᠡᠴ᠊‍᠊ᠨ
ᠰᠣ᠊᠊ᠷᡍ‍ᠠ‍ᡍᠣ᠊᠊ᠯ᠊ᠢ ᠪᠡ᠊ᠷ
ᠰᠣ᠊᠊ᠷᡍ‍ᠠ‍ᡍᠣ᠊᠊ᠯ᠊ᠢ ᠲ᠋‍ᠠ‍᠊ᠢ
ᠰᠣ᠊᠊ᠷᡍ‍ᠠ‍ᡍᠣ᠊᠊ᠯ᠊ᠢ ᠡᠣ᠊᠊ᠷᠣ᠊ᡍᠣ
ᠰᠣ᠊᠊ᠷᡍ‍ᠠ‍ᡍᠣ᠊᠊ᠯ᠊ᠢ ᠪᠡ᠊‍᠊ᠨ
ᠰᠣ᠊᠊ᠷᡍ‍ᠠ‍ᡍᠣ᠊᠊ᠯ᠊ᠢ ᠨᠣ᠊ᡍᠣ᠊ᠣ᠊᠊ᠨ

/~ийн /~д /~ийг /~аас /~аар /~тай /~ руу /~аа /~ууд

Хоршоо үг

• ажил сургууль - сурлага хөдөлмөр
• сургууль соёл - а.эрдэм номд шамдаж соёлжих нь; б.эрдэм номын газар
• сургууль ном - сурч мэдэх ном болон түүнийг үзэх газар
• хичээл сургууль - а.тогтмол цагт батлагдсан хуваарийн дагуу хийх сургууль; б.эрдэм ном сурах газар
• дасгал сургууль - дахин давтан хийх дадлага

Этгээд үг

ГЭРЭЛТ ЗАМ н. сургуулиас гэртээ харих зам

• Чиний гэрэлт зам хол уу? –Үгүй дээ. Ойрхо н.
• Чи хаагуур харих юм бэ? –Өөрийнхөө гэрэлт замаар харина.

ДАЙН БА ЭНХ н. оюутны сурах хугацаа(зохиолын нэр)

• Дайн ба энхийн үе дуусах гэж байна шүү. –Тийм ээ. Баяртай ч юм шиг, гунигтай ч юм шиг.
• Бид дайн ба энхийн үеэ сайхан өнгөрүүллээ дээ.

ДАЙНЫ ТАЛБАР н. сургуулийн хувцасны өлгүүрийн газар

• Чи гадуур хувцасаа яасан бэ? –Дайны талбарт өлгөчихсөн юм. Одоо авах гэж нэлээд бужигнах байх.
• Сургуулийн дайны талбарыг засч өөрчлөхгүй бол энэ бужигнаан хэзээ ч дуусахгүй.

ДУНД ЧӨТГӨР н. хичээлийн эрхлэгч

• Чи жилийн чөлөө авах гэж байгаа бол дунд чөтгөртэй заавал уулзах ёстой.
• Би сургуулийнхаа дунд чөтгөрийн нэрийг одоо хүртэл мэддэггүй юм.

МАЛЫН ХӨЛИЙН ТООС н. Анги танхимд дэгдсэн шороо тоос

• Та хоёр юунд малын хөлийн тоос үүсгээд байна вэ?
• Ангийн шалыг засч өөрчлөхгүй бол малын хөлийн тоос огт арилахгүй байх.

ТОМ ЧӨТГӨР н. сургуулийн захирал

• Манай том чөтгөр оюутны төлөөлөгч нарыг хүлээн авч уулзаад дараах үүрэг даалгавар өглөө.
• Би оюутан гэсэн ч том чөтгөрийн санал санаачилгыг зөв гэж боддог.

ХОЁР ЧӨТГӨР н. захирал, хичээл эрхлэгч хоёр

• Манай сургуулийн хоёр чөтгөр сургуулийн сонинд ярилцлага өгснийг би уншлаа. Тэдний ярилцлага надад таалагдсангүй.
• Би хоёр чөтгөрийг хүндэтгэдэг юм.

ХОЁР ЭЗНИЙ (НЭГ) ЗАРЦ н. Ангийн ахлагч(зохиолын нэр)

• Хоёр эзний зарц сүүлийн үед тун завгүй байна.
• Энэ ажлыг хоёр эзний нэг зарц заавал зохицуулах ёстой байх.

Товчилсон үг

АССАЗТ Авто Сургууль, Сургалт Арга Зүйн Төв

Хэлц үг

Өвөрмөц хэлц

сургууль хөөх - сургууль дамжин сурах, дэвжих

Хэвшмэл хэлц

Сургууль ухааны булаг

Сургууль үгүй нь ухааны балаг

Сургууль чихрээс амттай

Сурвал түүнээс амттай