ажил

Монголоор

Үгийн дуудлага

[aʤil]

Бараа

Үгийн утга

I нэр.

1. Ямар нэгэн юмыг бүтээн бий болгох, бэлтгэх, боловсруулах биеийн болон оюуны үйл ажиллагаа
3. Ямар нэгэн байгууллага, үйлдвэрийн газар дахь алба, хөдөлмөр
5. Цалин хөлс авахын тулд гүйцэтгэж буй оюуны болон биеийн хүчийг үнэлсэн хөдөлмөр

II нэр.физик.

1. Ямар нэгэн биетийг тодорхой замд шилжүүлэх хүчийг замын уртаар үржүүлсэн үржвэр.

Нийлмэл үг

ажил хийлгэх - хөдөлмөр эрхлүүлэх

ажлын хэсэг - аливаа ажлыг хийж гүйцэтгэхээр томилогдсон хэсэг хүмүүс

бичгийн ажил - а.бичиг номын ажил; б.бичгийн шалгалт

бүтээлч ажил - үр дүн сайтай ажил

гэрийн ажил - а.гэр зуур хийх ажил; б.гэрийн даалгавар

ажлын байр - ажил албаны байр

ажилд орох - албанд орох

ажлын таван өдөр - европын орнуудын жишгээр мөрдөж эхэлсэн ажил амралтын горим

биеийн хүчний ажил - биеийн хүчээр болон машин, техникээр гүйцэтгэх хөдөлмөр

Зөв бичихзүй

Үг хувилгах зарчим

Кирил бичгийн зөв бичихзүй

а|жил нэр. ~ хэрэгч хүн, ажлын, ажилд, ажлаар, о.тоо ажлууд

Үндэсний бичгийн зөв бичихзүй

ᠡ‍ᠠ‍᠊ᠵ᠊ᠢ᠊ᠯ ᠤ‍᠊ᠨ
ᠡ‍ᠠ‍᠊ᠵ᠊ᠢ᠊ᠯ ᠳ᠋ᠣ
ᠡ‍ᠠ‍᠊ᠵ᠊ᠢ᠊ᠯ ᠊ᠢ
ᠡ‍ᠠ‍᠊ᠵ᠊ᠢ᠊ᠯ ᠡᠴ᠊‍᠊ᠨ
ᠡ‍ᠠ‍᠊ᠵ᠊ᠢ᠊ᠯ ᠢᠶᠡᠷ
ᠡ‍ᠠ‍᠊ᠵ᠊ᠢ᠊ᠯ ᠲ᠋‍ᠠ‍᠊ᠢ
ᠡ‍ᠠ‍᠊ᠵ᠊ᠢ᠊ᠯ ᠡᠣ᠊᠊ᠷᠣ᠊ᡍᠣ
ᠡ‍ᠠ‍᠊ᠵ᠊ᠢ᠊ᠯ ᠢᠶᠡ‍᠊ᠨ
ᠡ‍ᠠ‍᠊ᠵ᠊ᠢ᠊ᠯ ᠣ᠊ᠣ᠊᠊ᠨ

/~ын /~д /~ыг /~аас /~аар /~тай /~руу /~аа /~ууд

Хоршоо үг

• алба/алба ажил - ажил төрөл
• ажил мэргэжил - эрхэлж буй хөдөлмөр болон эзэмшсэн мэдлэг
• ажил хөдөлмөр - хийж бүтээх явдал
• ажил хэрэгч - цагийг үр бүтээлтэй ашигладаг, ажилсаг

Этгээд үг

БУДААНААСАА САЛАХ хэл. ажил албагүй болох, ажлаас халагдах

• Тэр даргадаа дургүй гэсэн ч ажилдаа дуртай учир будаанаасаа салахгүйг хичээж байв.
• Манай ах будаанаасаа салчхаад гэртээ ажилгүй байгаа гэсэ н.

БУДААНЫ САВНААСАА САЛАХ хэл. ажил албагүй болох, халагдах

• Та ажлаа хийж байгаа юу? –Хээ цэс. Будааны савнаасаа салчихса н.
• Ажил олдохгүй байгаа энэ үед будааны савнаасаа салахгүй байх нь дээр биз гэж би бодно.

БУДААНЫ САВНААС (НЬ) САЛГАХ хэл. ажил албагүй болгох

• Үйлдвэрийн дарга нь энэ сард хоёр ч ажилчнаа будааны савнаас нь салгасан ажээ.
• Би хэдий эрх мэдэлтэй ч хэн нэгнийг будааны савнаас нь салгая гэж бодохгүй байна.

ВИЗ ӨГӨХ тбү. ажил албагүй болгохА.vis (виз, зөвшөөрлийн бичиг)

• Манай дарга надад виз өгөөд байна. Би эсэргүүцэж байгаа.
• Ажлаа сайн хийхгүй байгаа хүмүүст визийг нь өгсөн нь зөв байх.

ЛААЗ ӨШИГЛӨХ тбү. Ажил албагүй болох, гудамжинд тэнэх

• Хүү тань ажлаа хийж байгаа юу? –Х н. Лааз өшиглөсөн хүн л байна.
• Дүүрэгт олон хүн гудамжинд лааз өшиглөж байгааг бид анхаарах хэрэгтэй байна.

ЛААЗ ӨШИГЛҮҮЛЭХ тү. ажил албагүй болгох

• Улс төрийн намууд сонгуульд ээлжлэн ялж, албан тушаал авсны дараа олон хүнийг лааз өшиглүүлж байгаа нь буруу тогтолцоо юм.
• Намайг лааз өшиглүүлэх гэж байгаа бол санасны гарз болно.

НҮХЭЭ ОЛОХ тбү. ажил алба олох

• Чи аль нэг газар нүхээ олсонуу? –Одоогоор үгүй байна.
• Би энэ байгууллагад нүхээ олох гэж нэлээд зовсо н.

УНАГАХ тү. ажил албанаас нь буулгах, огцруулах

• Бид шударга бус ийм хүнийг заавал албан ажлаас нь унагах хэрэгтэй.
• Тэр хүнийг дээд газраас унагасан байх.

УНАХ тбү. ажил албанаас буух, халагдах

• Би газрын даргын албанаасаа уначихаад байгаа. Иймд танд тусалж чадахгүй.
• Тэр хүн их өндрөөс унасан болохоор сэтгэлээр унадаг байх.

ХООЛНООС НЬ САЛГАХ хэл. ажилгүй болгох

• Тэр залуу чиний саналыг дэмжихгүй байгаа бол хоолноос нь салгажболно шүү дээ.
• Хүнийг хоолноос нь салгаж нүгэл хийгээд яах вэ.

ХООЛНООСОО САЛАХ хэл. ажилгүй болох

• Чи хоолноосоо салах гээгүй бол даргатайгаа тэрслээд хэрэггүй.
• Би юунд хоолноосоо салахыг бодох вэ дээ.

ХУСАГДАХ тбү. (ажлаас) халагдах

• Би сайн ажиллаж байгаа болохоор арай хусагдахгүй байх гэж бодож байна.
• Манай яамны сайд удахгүй хусагдах юм шиг байна.

ХУСАХ тү. (ажлаас) халах

• Ажлаа хийж чадахгүй байгаа хүнийг толгойгий нь илэхгүй хусаад хаячихгүй юү дээ.
• Намайг ажлаа сайн хийгээд байхад ажлаас хусчихса' н.

Товчилсон үг

АГТ Ажил Гүйцэтгэх Төсөл

МАОЭНХ Монголын Ажил Олгогч Эздийн Нэгдсэн Холбоо

МАХХМХ Монголын Ажил Хэрэгч Хүмүүсийн Мэдээллийн Холбоо

МТББУАЭУК Малын Тэжээл Бэлтгэх, Бэлчээр Усжуулах Ажил Эрхэлсэн Улсын Комисс

Хэлц үг

Өвөрмөц хэлц

ажил төрлийн дүлий - хүнд суртал, их зан~Энэ намын гишүүд чинь бүгд л их зантай ажил төрлийн дүлий гэмээр хүмүүс.

ажлын дөр мэдэх - ажлын аргыг олох, юманд эвтэйхэн хандах~Өөрөө ажилд сүрхийгээс гадна бусдыг ажил хийлгэж чаддаг, уран нарийн ажлын ухаантай, бас олз олох ажлын дөр мэднэ (Ч.Лодойдамба, Тунгалаг тамир).

ажлын мал - зарц, боол~Хөдөлмөрлөхөөс бус тэмцэж чадахгүй үндэстэн гэдэг барлаг, энгийн номхон иргэн, ажлын мал төдийхөн гэсэн үг (Зян Рун, Чонон сүлд).

Хэвшмэл хэлц

Аага ихдэж

Ажил багадах

Аадар борооны сүүлд

Агаар ариун байдаг

Ажил хөдөлмөрийн сүүлд

Амьдралд ариун байдаг

Ааш муутайдаа гологдоно

Ажил муутайдаа хожигдоно

Адуу мал хариулвал ам тосдох

Ажил хөдөлмөр хийвэл ар дулаацах

Ажил алтыг хайлуулна

Ажил болоход наашаа

Ашиг болоход цаашаа

Ажил болоход цаашаа

Ашиг болоход наашаа

Ажил гэвэл бөгсөө чирч

Ашиг гэвэл хүзүүгээ сунгах

Ажил гэвэл ёолно

Айл гэвэл тойрно

Ажил гэвэл толгой ширгээж

Ашиг гэвэл хүзүү сунгах

Ажил гэвэл хударга

Ашиг гэвэл шодрог

Ажил гэж алгын чинээ

Тайлан гэж талын чинээ

Ажил гэхэд “-Ой”

Архи гэхэд “-Аль”

Ажил жаргал хоёр

Ах дүү хоёр

Ажил нь өөдрөг бол

Ам хэл нь дорой ч яах вэ

Ажил сайтын

Амьдрал сайн

Ажил төрлийн дүлийгээс

Төрөлх дүлий дээр

Ажил үгүй бол амьдрал үгүй

Ам үгүй бол аяга үгүй

Ажил үгүй бол амьдрал үгүй

Аяга үгүй бол ам үгүй

Ажил үртэй бол

Ашиг ихтэй

Ажил хийвэл ам хөдөлнө

Алжуурч суувал амьдрал доройтно

Ажил хийвэл дуустал

Давс хийвэл уустал

Ажил хийвэл цатгалан болно

Амаа цангатал яривал өлсгөлөн болно

Ажил хийвэл ясчин ч яах вэ

Хувь байвал хуяг ч яах вэ

Ажил хийж хүн болдог

Арьс элдэж дээл болдог

Ажил хийж эр болдог

Ар давж хүлэг болдог

Ажил хийсэн хүн амандаа тостой

Ажилгүй суусан хүн амандаа устай

Ажил хийсэн хүн хөрөнгө цуглуулах

Арилжаа хийсэн хүн хараал цуглуулах

Ажил хийх гэж хүн болдог

Ачаа тээх гэж мал болдог

Ажил хийх хүсэлгүй бол хүч байхгүй

Хоолонд давсгүй бол амт байхгүй

Ажил хөдөлмөр гэхэд хүний хойно

Архи мах гэхэд хүний өмнө

Ажил хөдөлмөр нь аз жаргалын зүүн гар

Арвич гамч нь зол жаргалын баруун гар

Ажил хөдөлмөр эрдэм

Аав ээж – эрдэнэ

Ажил – эрхэм

Архи – адаг

Айж явбал аминд тустай

Ажил сурвал амьдралд тустай

Айл гэхэд арвага хийх

Ажил хийхэд татга хийх

Алмайрсан хүний

Ажил нь задгай

Алс явахад сэтгэл сэргэнэ

Ажил хийхэд зүтгэл сэргэнэ

Алт гэвэл ухас

Ажил гэвэл гохис

Ам нь бардам

Ажил нь палдам

Ам нь дүүрэн

Ажил нь дульхан

Ам нь хүчтэй

Ажил нь бачтай

Ам нь цагаан

Ажил нь бараан

Ам нь чадалтай

Ажил нь бачтай

Ам нэг хэлтэй

Ажил нэг голтой

Ам нэг хэлтэй

Ажил нэг чигтэй

Ам хэлдээ итгэхээр

Ажил үйлсдээ итгэ

Ам хэлний хурцаас

Ажил хэргийн завч

Ам хэлний хурцаас

Ажил хэргийн бүтээлч

Ам хэлээрээ айхавтар

Ажил хэргээрээ сулавтар

Аман дээрээ ачтай

Ажил дээрээ бачтай

Аман дээрээ бурхан шиг

Ажил дээрээ могой шиг

Арга чадал хоёр

Ажил дээр олддог

Аргал түүхийн өмнө

Араг савраа урьтуул

Ажил хийхийн өмнө

Арга ухаанаа урьтуул

Ард түмэнд мөхөл байдаггүй

Ажил тэмцэлд хязгаар байдаггүй

Аз жаргалд төгсгөл байдаггүй

Аж амьдралд дуусгал байдаггүй

Ард хүчтэй

Ажил бүтэмжтэй

Арилжаа хийсэн хүн хараал цуглуулах

Ажил хийсэн хүн хөрөнгө цуглуулах

Архи гэвэл өрвөс

Ажил гэвэл ухас

Архи гэхээр арааны шүлс нь гоожно

Ажил гэхээр оройн үс нь босно

Архи хэмтэй сайн

Ажил дэмтэй сайн

Ах нь ухаантай бол дүү нь цэцэн

Ажил нь сайн бол амьдрал нь баян

Ах сайтын дүү өөд

Ажил сайтын гэр өөд

Ах сайтын дүү цэцэн

Ажил сайтын гэр цэмцгэр

Ах сайтын дэгжрэл өөдөө

Ажил сайтын амьдрал өөдөө

Аяга үгүй бол ам үгүй

Ажил үгүй бол амьдрал үгүй

Аяга шанага хагардаг

Ажил хийгчид хэлэлцдэг

Будаа идэхэд хүн цөөн нь сайн

Ажил хийхэд хүн олон нь сайн

Давс хийвэл уустал

Ажил хийвэл дуустал

Оёдол бага боловч зүү хэрэгтэй

Ажил бага боловч арга хэрэгтэй

Ус хийвэл уустал

Ажил хийвэл дуустал

Аман зохиолд орсон нь

Зүйр үг

Гэрийн ажил (а.гэр зуур хийх ажил; б. даалгавар); ажлаа голохоор аашаа гол

Тайлбар: аливаа ажилд ялгаваргүй хандаж сур

Ажил хийж хүн болдог

Ар давж хүлэг болдог

Тайлбар: хүүхдийг ажил хөдөлмөрт сайн сургах хэрэгтэй