хөдөлмөр

Монголоор

Үгийн дуудлага

Эзэн

Үндэсний бичиг

ᠬᠥ᠊ᠳ᠋‍ᠠ‍᠊ᠯ᠊ᠮᠣ᠊᠊ᠷ᠊ᠢ

(хөдэлмүри)

Галиглах зарчим

Үгийн утга

нэр.

1. Хэрэгцээгээ хангах зорилгоор байгалийн юмсыг өөрчлөх, тохиромжтой болгох, бүтээгдэхүүн үйлдвэрлэх зэрэг хүний зохистой үйл ажиллагаа, ажил

Нийлмэл үг

хөдөлмөр өдөр - нэгдлийн гишүүдийн хөдөлмөрийг бүртгэх нэгж

хөдөлмөр хамгаалал - ажилчдын хөдөлмөрлөх нөхцөл, эрүүл мэнд, амьдралын аюулгүй байдлыг хангах техник ариун цэврийн хэм хэмжээг чанд сахин биелүүлэх үйл ажиллагаа

хөдөлмөрийн бүтээмж - үйлдвэрлэлийн явц дахь хөдөлмөрийн үр ашиг

хөдөлмөрийн гавьяаны улаан тугийн одон - үйлдвэр, хөдөө аж ахуй, соёл, шинжлэх ухааны салбар хийгээд улс нийгмийн үйл хэрэгт гавьяа байгуулсан хүмүүст олгох одон тэмдэг

хөдөлмөрийн гэрээ - нэг талаас ажилтан хөдөлмөрийн дотоод журмыг чанд сахиж, тодорхой мэргэжил, мэргэшил, албан тушаалын үүрэгт ажил гүйцэтгэх, нөгөө талаас захиргаа ажилтанд хөдөлмөрийн хууль тогтоомж болон өөртэй нь тохиролцсоноор хөдөлмөрийн хөлс олгох, хөдөлмөрлөх нөхцлөөр хангах тухай харилцан үүрэг авсан хэлэлцээр

хөдөлмөрийн дэвтэр - ажилчин албан хаагчдад өгөх дэвтэр, засаг захиргааны байгууллагаас хийсэн ажил, ажилласан жил, шагнал урамшил, ажилд орох ба гарах, халагдах зэргийг уг дэвтэрт тэмдэглэнэ

хөдөлмөрийн зах - хүн амын хөдөлмөр эрхлэлтийг зохицуулах, ажиллах хүчний өртгийг тодорхойлох байгууллага

хөдөлмөрийн зах зээл - ажлын орон тооны хэрэгцээт мэргэжилтэн ажилчдыг сонгон авч ажиллуулах боломж бүхий салбар

хөдөлмөрийн зохион байгуулалт - материал, хөдөлмөрийн нөөцийг хамгийн үр ашигтай ашиглах, хүний эрүүл мэндийг хамгаалахын зэрэгцээ хөдөлмөрийн бүтээмжийг дээшлүүлэх явдлыг хангадаг зохион байгуулалт, техник эдийн засаг, ариун цэврийн цогцолбор арга хэмжээ

хөдөлмөрийн нөхцөл - үйлдвэрлэлийн явцад хүний бие организмын хэвийн ажиллагаанд шууд, шууд бусаар нөлөөлөх гадаад орчны болон үйлдвэрлэлийн янз бүрийн нөлөөлөл

хөдөлмөрийн сахилга - ажилчдаас хөдөлмөрлөх эрх, үүргээ хэрэгжүүлэхдээ заавал биелүүлбэл зохих тогтоосон журам

хөдөлмөрийн хөлсний доод хэмжээ - тодорхой боловсрол, тусгай мэргэжил үл шаардагдах энгийн ажил гүйцэтгэсэн ажилтанд олговол зохих хөлсний хамгийн бага хэмжээ

хөдөлмөрийн хүмүүжил - нийгмийн тустай хөдөлмөрт хүүхэд багачуудыг дуртай болгох, хүндэтгэх, бас тэдэнд хөдөлмөрийн дадлага олгох хүмүүжил

хөдөлмөрийн хүч - а.хүний оюуны болон биеийн хүч; б.хөдөлмөрийн чадвартай хүн

хөдөлмөрийн хуваарь - хөдөлмөрийн үйл ажиллагааны ялгарал, төрөлжилт

хөдөлмөрийн хууль - ажилчин албан хаагчдын хөдөлмөрлөх эрх, үүргийн тухай хууль

хөдөлмөрийн хэвийн бус нөхцөл - хөдөлмөрийн аюулгүй ажиллагаа, эрүүл ахуйн шаардлагын хүрээнд сөрөг нөлөөллийг нь арилгах боломжгүй, хөдөлмөрийн стандартад нийцээгүй ажлын байрны нөхцөл

хөдөлмөрийн хэрэгсэл - а.ажиллах хүч; б.эд материал; в.үйлдвэрлэлийн багаж хэрэгсэл

хөдөлмөрийн чадвар - аливаа үйл ажлыг амжилттай хийж чадах нөхцөл, чадал

биеийн хөдөлмөр - бие махбодын хүчин чадалд тулгуурлан хийх ажил

оюуны хөдөлмөр - оюун ухаан, бодолд тулгуурлан хийх ажил

Зөв бичихзүй

Үг хувилгах зарчим

Кирил бичгийн зөв бичихзүй

хө|дөл|мөр нэр. оюуны ~, хөдөлмөрийн, хөдөлмөрт, хөдөлмөрөөс

Үндэсний бичгийн зөв бичихзүй

ᠬᠥ᠊ᠳ᠋‍ᠠ‍᠊ᠯ᠊ᠮᠣ᠊᠊ᠷ᠊ᠢ  ᠶᠢ‍᠊ᠨ
ᠬᠥ᠊ᠳ᠋‍ᠠ‍᠊ᠯ᠊ᠮᠣ᠊᠊ᠷ᠊ᠢ ᠳ᠋ᠣ
ᠬᠥ᠊ᠳ᠋‍ᠠ‍᠊ᠯ᠊ᠮᠣ᠊᠊ᠷ᠊ᠢ ᠊ᠢ᠊᠊ᠢ
ᠬᠥ᠊ᠳ᠋‍ᠠ‍᠊ᠯ᠊ᠮᠣ᠊᠊ᠷ᠊ᠢ ᠡᠴ᠊‍᠊ᠨ
ᠬᠥ᠊ᠳ᠋‍ᠠ‍᠊ᠯ᠊ᠮᠣ᠊᠊ᠷ᠊ᠢ ᠪᠡ᠊ᠷ
ᠬᠥ᠊ᠳ᠋‍ᠠ‍᠊ᠯ᠊ᠮᠣ᠊᠊ᠷ᠊ᠢ ᠲ᠋‍ᠠ‍᠊ᠢ
ᠬᠥ᠊ᠳ᠋‍ᠠ‍᠊ᠯ᠊ᠮᠣ᠊᠊ᠷ᠊ᠢ ᠪᠡ᠊ᠨ

/~ийн /~т /~ийг /~өөс /~өөр /~тэй /~өө

Хоршоо үг

• ажил хөдөлмөр - хийж бүтээх явдал
• хүч хөдөлмөр - хүний хийж бүтээх тэнхээ тамир
• хөдөлмөр зүтгэл - үйл ажлын төлөө гаргасан хичээл чармайлт
• сурлага хөдөлмөр - сурч мэдэх болоод хийж бүтээх явдал
• хичээл хөдөлмөр - юмыг хийж бүтээх, сурах идэвх оролдлого

Товчилсон үг

МӨСЭМХМТ Мэргэжлийн Өвчин Судлал, Эрүүл Мэнд, Хөдөлмөр Магадлалын Төв

МҮЭТЗХХХХ Монголын Үйлдвэрчний Эвлэлийн Төв Зөвлөлийн Хөдөлмөр Хамгаалалт, Хуулийн Хэлтэс

МЧХЭХ Монголын Чөлөөт Хөдөлмөр Эрхлэгчдийн Холбоо

СХНХХУА Санхүү, Хөдөлмөр, Нийгмийн Хамгааллын Хяналтын Улсын Алба

ХБХБ Хөдөлмөр, Батлан Хамгаалахад Бэлэн

ХБХТН Хөдөлмөр, Батлан Хамгаалахад Туслах Нийгэмлэг

ХЗА Хөдөлмөр Зохицуулалтын Алба

ХНХУХ Хөдөлмөр, Нийгэм Хангамжийн Улсын Хороо

ХНХУХА Хөдөлмөр, Нийгэм Хамгааллын Улсын Хяналтын Алба

ХНХХ Хөдөлмөр, Нийгэм Хангамжийн Хэлтэс

ХНХХА Хөдөлмөр, Нийгэм Хамгааллын Хяналтын Алба

ХНХЯ Хөдөлмөр, Нийгэм Хамгааллын Яам

ХОК Хөдөлмөр Оролцооны Коэффициент

ХХС Хөдөлмөр Хүмүүжлийн Сургууль

ХХҮГ Хөдөлмөр, Халамжийн Үйлчилгээний Газар

ХХҮХ Хөдөлмөр, Халамжийн Үйлчилгээний Хэлтэс

ХХЭХ Хувиараа Хөдөлмөр Эрхлэгчдийн Холбоо

ХЦХУХ Хөдөлмөр, Цалин Хөлсний Улсын Хороо

ХЭА Хөдөлмөр Эрхлэлтийн Алба

ХЭДС Хөдөлмөр Эрхлэлтийг Дэмжих Сан

Хэлц үг

Хэвшмэл хэлц

Хөдөлмөр сайтай бол хөгжихийн тэмдэг

Хөнгөмсөг зантай бол дэвшихийн тэмдэг

Хөдөлмөр хийвэл цатгалан

Хөнжлөө нөмөрвөл дулаан

Хөдөлмөр хийхийг нь хараад хүргэн минь бол гээрэй

Хөдөс оёхыг нь хараад бэр минь бол гээрэй

Хөдөлмөр хүнийг чимэглэдэг

Хүмүүжил билгийг чимэглэдэг

Хүмүүжил сайтай гэрээс

Хөдөлмөр сайтай үрс