сааль

Монголоор

Үгийн дуудлага

[sa:lĭ]

Үндэсний бичиг

ᠰ‍ᠠ‍ᡍ‍ᠠ‍᠊ᠯ᠊ᠢ

(сагали)

Галиглах зарчим

Үгийн утга

I нэр.

1. Сүү, цагаан идээний ерөнхий нэр
2. Саадаг мал

III нэр.

1. Хулгавч нумтай адил оньс торгож, шижим уяад гөрөөсний явах замд тавих агнуурын зэвсэг, урхи

IV нэр.

1. хуучир. Хуримын өмнө хүргэний талаас хүүхний талд өгдөг мал;
2. Хуримын бэлэг, сүй.

Нийлмэл үг

сааль авах - сүүгээ боловсруулан, цагаан идээ бэлтгэх

сааль саах - үнээ, малаа саах

сааль дэлгэрэх - мал сүү орж цагаан идээ элбэг болох

саалийн үнэр ханхлах - сүү, цагаан идээний үнэр үнэртэх

оройн саалинд гарах - малаа оройн цагаар саах

сааль хураах - үхэр, мал саан цагаан идээ базааж авах

саалийн хувин - мал саахад хэрэглэдэг сав

саалийн цаг - а.мал саах үе; б.мал сүү орж, идээ цагаа элбэгших зун цаг

саалийн архи - айраг, таргаар нэрж гаргасан архи, шимийн архи

саалийн аварга - их сүү сааж түрүүлсэн хүн

сааль олонтой - саах мал ихтэй

саалийн мал - сааж сүүг нь авдаг эх мал

саалийн үнээ - а.саадаг үнээ; б.шилж. төсөвт ихээхэн хэмжээний ашиг орлого оруулдаг улсын байгууллага, аж ахуйн нэгж зэрэг

саалийн гүү - а.унагатай гүү; б.саамыг нь авдаг гүү

сааль бэхлэх - сааль зүүх, тавих

сааль зүүх - сааль тавих

сааль тавих - амьтныг агнах нэгэн зүйл хэрэгсэл тавих

сааль эргэх - саалинд ан орсон эсэхийг шалгах

Зөв бичихзүй

Үг хувилгах зарчим

Кирил бичгийн зөв бичихзүй

сааль нэр. саалийн үе/үнээ, саалийг, саальд, саалиас

Үндэсний бичгийн зөв бичихзүй

ᠰ‍ᠠ‍ᡍ‍ᠠ‍᠊ᠯ᠊ᠢ  ᠶᠢ‍᠊ᠨ
ᠰ‍ᠠ‍ᡍ‍ᠠ‍᠊ᠯ᠊ᠢ ᠳ᠋ᠣ
ᠰ‍ᠠ‍ᡍ‍ᠠ‍᠊ᠯ᠊ᠢ ᠊ᠢ᠊᠊ᠢ
ᠰ‍ᠠ‍ᡍ‍ᠠ‍᠊ᠯ᠊ᠢ ᠡᠴ᠊‍᠊ᠨ
ᠰ‍ᠠ‍ᡍ‍ᠠ‍᠊ᠯ᠊ᠢ ᠪᠡ᠊ᠷ
ᠰ‍ᠠ‍ᡍ‍ᠠ‍᠊ᠯ᠊ᠢ ᠲ᠋‍ᠠ‍᠊ᠢ
ᠰ‍ᠠ‍ᡍ‍ᠠ‍᠊ᠯ᠊ᠢ ᠪᠡ᠊ᠨ

/~ийн /~д /~ийг /~аас /~аар /~тай /~аа

Хоршоо үг

• сааль идээ - цагаан идээ
• сааль сүү - сүү, цагаан идээ
• сааль саам - гүү болон бусад малын сүү
• сааль шим - сүү, сааль
• сааль занга - ан амьтны явах зам дээр тавьсан агнуурын хэрэгсэл

Хэлц үг

Хэвшмэл хэлц

Сааль сүү зуны идээний дээж

Сархад дарс найрын ширээний дээж

Сав нь их бол

Сааль нь арвин

Савыг нь соливч

Сааль нь хэвээрээ

Сайжран дээшлэхийг залуугаас эрдэм сур

Сааль олохыг хүсэгчид эртнээс үнээ тэжээ

Сайн явъя гэвэл эрдэм сур

Сааль идье гэвэл үнээ тэжээ

Санаа сайтны морь цагаан

Сааль сайтны хот цагаан

Аман зохиолд орсон нь

Цэцэн үг

Саалиа зэхэхээр саваа зэх

Тайлбар: үйл ажлыг зөв дарааллаар хийх нь чухал