цаас

Монголоор

Үгийн гарал

Үгийн дуудлага

[ʦa:sʌ]

Үндэсний бичиг

ᠴ‍ᠠ‍ᡍ‍ᠠ‍‍ᠰ‍ᠣ

(чагасу)

Галиглах зарчим

Үгийн утга

нэр.

Химийн болон механик боловсруулалтаар бичих, зурах, хэвлэх, хулдах зүйлд хэрэглэхээр хийсэн, нимгэн хуудсан эд
Цаасаар хийсэн зүйл
Цаас мэт
шилж.яриа. Мөнгө төгрөг

Ойролцоо үг

Нийлмэл үг

цаас зүсэгч - цаас жижиглэн хуваах зориулалттай хутга

цаас хийх машин - цаас хийх зориулалттай хатаах, индүүдэх, боловсруулах, хуйлах, ороох үндсэн ажиллагаатай төхөөрөмж

цаасны зуурмаг - цаас, картоныг бэлтгэхээр модлог ургамлыг нарийн ширхэгтэй болгон буталж, ширхэгийн дагуу цуулж жижиглэн, эслэг эд, будагч, цайруулагч наалдуулагч гэх мэт бодостой холиод зуурч бэлтгэсэн зуурмаг

цаасны цавуу - цаас наахад зориулсан цавуу

цаасны үйлдвэр - цаас боловсруулан гаргах үйлдвэр

гин цаас - нимгэн болоод бат бэх нэг зүйл цаас, гингийн цаас

бичгийн цаас - бичихэд зориулж, үйлдвэрлэсэн цаас

хортой цаас хуучир. - бичих, машиндах, зурах зүйлийн ард давхарлан тавьж, хуулбарлан гаргах будаг бүхий цаас

цаасан буу - цаасыг ягштал боож, моголцог болгоод дотор нь дарь дагтаршуулан имэрч, гал ноцоож дуугаргах тоглоом

цаасан мөнгө - жинхэнэ мөнгө болох алт, мөнгө, үнэт эдлэлийг гүйлгээнд орлодог мөнгөн тэмдэгт

цаасан пай хуучир. - хөзөр

цаасан сум - цаасаар хийсэн, хор хөнөөлгүй, байлдааны сургууль хийхэд хэрэглэдэг сум мэт зүйл

цаасан хайрцаг - цаасаар хийсэн хайрцаг

цаасан хэв - тугалгаар үсэг, зургийн хэв цэтгахад хэрэглэдэг цаасаар хийсэн хэв

цаасан шувуу тогл. - цаасаар хийсэн эрвээхэй, шувууны дүрс бүхий хэлбэртэй, урт утсаар уяж, салхинд дэгдүүлэн нисгэж наадах тоглоом

цаасан малгай - цаасаар хийсэн малгай

цаасан алт - маш нимгэн цаастай адил боловсруулсан, зурах будахад наалдуулан хэрэглэх алт

арван цаас - арван төгрөг

хорин цаас - хорин төгрөг

Зөв бичихзүй

Үг хувилгах зарчим

Кирил бичгийн зөв бичихзүй

цаас нэр. ~ зүсэгч шилж. (мөнгө) үнэт ~, цаасны, цаасанд, цааснаас

Үндэсний бичгийн зөв бичихзүй

ᠴ‍ᠠ‍ᡍ‍ᠠ‍‍ᠰ‍ᠣ᠊᠊ᠨ ᠊ᠣ
ᠴ‍ᠠ‍ᡍ‍ᠠ‍‍ᠰ‍ᠣ᠊᠊ᠨ ᠳ᠋ᠣ
ᠴ‍ᠠ‍ᡍ‍ᠠ‍‍ᠰ‍ᠣ ᠊ᠢ᠊᠊ᠢ
ᠴ‍ᠠ‍ᡍ‍ᠠ‍‍ᠰ‍ᠣ᠊᠊ᠨ ᠡᠴ᠊‍᠊ᠨ
ᠴ‍ᠠ‍ᡍ‍ᠠ‍‍ᠰ‍ᠣ ᠪᠡ᠊ᠷ
ᠴ‍ᠠ‍ᡍ‍ᠠ‍‍ᠰ‍ᠣ ᠲ᠋‍ᠠ‍᠊ᠢ
ᠴ‍ᠠ‍ᡍ‍ᠠ‍‍ᠰ‍ᠣ ᠡᠣ᠊᠊ᠷᠣ᠊ᡍᠣ
ᠴ‍ᠠ‍ᡍ‍ᠠ‍‍ᠰ‍ᠣ ᠪᠡ᠊‍᠊ᠨ
ᠴ‍ᠠ‍ᡍ‍ᠠ‍‍ᠰ‍ᠣ ᠨᠣ᠊ᡍᠣ᠊ᠣ᠊᠊ᠨ

/~ы /~д /~ыг /~аас /~аар /~тай /~руу /~аа /~ууд

Орчуулга

Англи - paper

Хоршоо үг

бийр цаас - бичгийн хэрэглэл, цаас
бичиг цаас - бичиг номын зүйл
бичиг эрдэм - эрдэм ном

Товчилсон үг

Хэлц үг

Өвөрмөц хэлц

бичиг цаастай ноцолдох - бичиг номын ажил хийх

цаасан буу тавих - худлаа ярьж явах

цаасан малгай өмсгөх - сайхан үгээр онгироож, худал магтах, хөөргөх

цаасан барс - үзэхэд сүрхий ч үнэндээ юу ч биш зүйлЦасан буурал чамаас айв хөө. Цицяагийн хүрдэнд чинь будраад л байх юм. Цаасан барс гэж ёстой тэр дээ, цаглашгүй манай халуун зоригт цаадах мөс нь ч хайлж байна (Баянаа, Жолоочийн алдар).

цаасан буу тавих - худлаа ярих~Зарим нэгэн хүн намайг цаасан буу тавьж, энд тэнд явах гэх нь бий (Б.Ринчен, Үүрийн туяа).

цаасан малгай өмсгөх - сайхан үг хэлж худал магтах, сайхан үгээр онгироох, хөөргөх~Надад ингэж цаасан малгай өмсгөөд яана вэ? (П.Лувсанцэрэн, Гавьяа). ~Манай Сүхбаатар малчин болох нь гэж багшийн хэлэхэд урамшсангүй, харин цаасан малгай өмсгөлөө гэж эгдүү нь хөдлөөд... (С.Лочин нар, Галтай залуу нас).

↑ нүглийн нүдийг цаасаар хуурагч

↑ цааз цаас болох

Хэвшмэл хэлц

Хүн хэдий мэргэн боловч хэлэхгүй бол мэдэхгүй

Цаас хэдий нимгэн боловч чичихгүй бол цоорохгүй

Хүн хэлэхээс наана мэддэггүй

Цаас чичихээс наана цоордоггүй

Цаас нимгэн боловч чичихгүй бол цоорохгүй

Цэцэн мэргэн боловч хэлэхгүй бол мэдэхгүй

Цаас нимгэн боловч чичихээс нааш

Хүн цэцэн боловч хэлэхээс нааш

Цаас хэдий нимгэн боловч бичгийн хуудас

Цай хэдий шингэн боловч идээний дээж

Цаг зэвүүн

Цаас нимгэн

Цай шингэн гэж бурхан голохгүй

Цаас нимгэн гэж хаан голохгүй

Аман зохиолд орсон нь

Зүйр үг

Цаасан дээр нэртэй

Цасан дээр мөртэй

Тайлбар: хожим үлдэх алдар гавьяатай, нэр төртэй