энгэр

Монголоор

Үгийн дуудлага

[eŋger]

Үндэсний бичиг

ᠡᠩ‍ᠭᠡ᠊ᠷ

(энггэр)

Галиглах зарчим

Үгийн утга

нэр.

1. Дээл хувцасны бүснээс дээших өвөр тал
2. Уул хярын өвөр тал

Нийлмэл үг

энгэрийн зүүлт - энгэрт хатгах эмэгтэй хүний гоёл

энгэрийн товч - дээл хувцасны энгэр хэсэгт хадсан товч

энгэрийн хараа - дээлийн гадаад энгэрийн дээд талын товч хадах дүгрэглэсэн хэсэг

энгэрийн цаг - энгэрт зүүгээд өвөртөлж явдаг оосортой цаг

энгэрийн шилбэ - дээл хувцасны энгэрийн хараанд хадах товчийг торгох гогцоо

гадаад энгэр - монгол дээлийн дотоод энгэрийн дээгүүр давхацсан товч бүхий хэсэг

дотоод энгэр - монгол дээлийн гадаад энгэрийн дотуур давхцах хэсэг

энгэр бэл - уулын өмнө хэсгийн доод тал

энгэр өвөр - а.уулын наран тал; б.уулын нөмөр хэсэг

Зөв бичихзүй

Үг хувилгах зарчим

Кирил бичгийн зөв бичихзүй

эн|гэр нэр. энгэрийн, энгэрт, энгэрээр

Үндэсний бичгийн зөв бичихзүй

ᠡᠩ‍ᠭᠡ᠊ᠷ ᠤ‍᠊ᠨ
ᠡᠩ‍ᠭᠡ᠊ᠷ ᠲ᠋ᠣ
ᠡᠩ‍ᠭᠡ᠊ᠷ ᠊ᠢ
ᠡᠩ‍ᠭᠡ᠊ᠷ ᠡᠴ᠊‍᠊ᠨ
ᠡᠩ‍ᠭᠡ᠊ᠷ ᠢᠶᠡᠷ
ᠡᠩ‍ᠭᠡ᠊ᠷ ᠲ᠋‍ᠠ‍᠊ᠢ
ᠡᠩ‍ᠭᠡ᠊ᠷ ᠡᠣ᠊᠊ᠷᠣ᠊ᡍᠣ
ᠡᠩ‍ᠭᠡ᠊ᠷ ᠢᠶᠡ‍ᠨ᠋

/~ийн /~т /~ийг /~ээс /~ээр /~тэй /~ рүү /~ээ

Хоршоо үг

• энгэр хормой - дээл хувцасны дээд өвөр хэсэг болон доод хэсэг
• энгэр заам - дээлийн энгэр харааны уулзвар

Хэлц үг

Өвөрмөц хэлц

энгэрээ мялаах - одон медалиар шагнуулах

энгэр газарт гарах - нас барах

энгэр газар дэрлэх - ↑энгэр газарт залрахнас барах

энгэр газарт залрах/энгэр гэртээ залрах - нас барах~Яана гэнээ хө чи. Миний энгэр гэртээ заларсан хойно хөлөөрөө толгой хийгээрэй (Б.Нямаа, Араараа модтой Биндэрьяа).

энгэр газрын дуудлага - үхэл, үхэл дуудах~Сүүлийн хэдэн өдөр олон юм бодоод гиюүрч хэвтээд... энгэр газрын дуудлага юм болов уу?

энгэр султай - замбараагүй, завхай зайдан~Дарьзав гэж... мөрийтэй тоглоом тоглож, худлаа наймаа ярьсан, дотуураа бол эдийн сонирхолтой, дэл сул энгэр султай бүсгүйчүүдэд тун ч халгаатай нэгэн (Т.Бум-Эрдэнэ, Хувь заяаны хэлхээ).

энгэр цоолох - шагнал авах~Энгэрээ цоолсон гурван жанжин, бараа бологчдынхоо хамт өргөөний гадаа ирж буух нь сүртэй бахтай байлаа (С.Удвал, Их хувь заяа).

энгэрийг нь мялаах - одон медалиар шагнах~Алдарт Лениний одонгоор энгэр юугий нь мялааж

Аугаа зөвлөлтийн баатар цолоор - '

Алдрыг нь дуурсгаж шагнасан юм - '

(Ч.Жигмэд, Огторгуйн баатарт). - '

энгэрийн зөрүү сонирхох - өөр хүйстэн хүсэх зэргийн~Хар нүдэн ч энгэрийн зөрүү сонирхох ид насны гэмээр түүнийг бусдаас илүү сонирхож, хэдий амандаа эс дурсавч сэтгэлээсээ бас салгалгүй (М.Гаадамба, Хөдөө талын баясгалан).

энгэрээ мялаах - одон медалиар шагнуулах~За гайгүй дээ. Энэ цагны нүүр шиг юмаар энгэрээ мялаах цаг ирнэ дээ гэж Янсан бас л шивэгнээд асаагуураа хайрлаж унтраав (Л.Түдэв, Хоёр өмчийн нэг эзэн).

Хэвшмэл хэлц

Энгэр дүүрэн нулимстай

Өвчүү дүүрэн заналтай

Энэ бие үжирч

Энгэр газар ойртох

Эсгий гэр холдож

Энгэр гэр ойртох

Эх эцгээсээ салаагүй

Энгэр захаа хатаагаагүй

Аман зохиолд орсон нь

Зүйр үг

Энгэрийн бөөс

Эгэмний өргөс

Тайлбар: сэтгэл санааны зовлон болсон ялимгүй зүйл