хүрээ

Монголоор

Үгийн дуудлага

[xьre:]

Үндэсний бичиг

ᠬᠥ᠊᠊ᠷ᠊ᠢ᠊᠊ᠢ᠎ᠠ
ᠬᠥ᠊᠊ᠷ᠎ᠠ

(хүрий-э)

Галиглах зарчим

Үгийн утга

I нэр.

1. Гэр, барилга зэрэг юмны гадуур тойруулж барьсан хашаа
2. Байран суурин төв газар
3. Юмны хөвөө, зах ирмэг, гадуур тойрсон зүйл
4. Хэмжээ хязгаар
5. Байрлан төвлөх газар, байгууллага
6. Амьд бодсын ангиллын нэг нэгж;

II нэр.хуучир.

1. Цэргийн цайз, хуаран, шивээ
2. Цэргийн их бага;

III амьт.

1. Толгой болон хамар хүртлээ битүү хайрстай нэг зүйл загас.

Нийлмэл үг

хүрээ барих - гэр, байшингийн гадуур хүрээ хороо босгох

чулуун хүрээ - чулуугаар хийсэн хашаа маягийн зүйл

шалны хүрээ - шалны янз мод

Богдын хүрээ түүх. - Богдын нэрээр нэрлэсэн суурин газар

Да хүрээ түүх. - Нийслэл хүрээ

Их хүрээ түүх. - Нийслэл хүрээ

Нийслэл хүрээ түүх. - Богд хаант Монгол улсын төв хот, одоогийн Улаанбаатар

хүрээ ав - хоморгот ан ав

хүрээ зурах - юмны захаар тойрог татах

хүрээ угалз - юмны гадар хөвөөгөөр хүрээлэн зурсан буюу оёсон хээ угалз

хүрээ татах - бичиг болон зургийн гадуур тойрог шугам татах

аяганы хүрээ - аяганы дээд амсрын ирмэг

мөөгний хүрээ - мөөг ургах голдуу тал дугариг хэлбэртэй тод ногоон харагдах хэсэг газар

цэцгийн хүрээ - цэцгийн мандал

шархны хүрээ - хүн амьтны биед гарсан идээт шархны хэмжээ

зургийн хүрээ - зургийн жааз

сарны хүрээ - сарыг тойрсон мананцар

тоононы хүрээ - тононы даага, унийг тогтоох дугуй

ажлын хүрээ - тухайн ажил хэргийг гүйцэтгэх, эрх үүрэг, хариуцлага

бичиг шашдир зохиох хүрээ - ном судар бичих хэмжээ

мэдлэгийн хүрээ - оюун ухаан, боловсролын түвшин

хориглолтын хүрээ - бэхлэлтийн тойрог, хэмжээ

цэргийн хүрээ цэрэг. - цэрэг дайчдын байрлах газар

аймаг аймгаар нь нэгжилж тойруулан тавьсан мянган тэргийг нэг хүрээ гэдэг байв -

цэргийн хүрээ - цэргийн цайз, шивээ

Зөв бичихзүй

Үг хувилгах зарчим

Кирил бичгийн зөв бичихзүй

хү|рээ нэр. ~ хийд хорш. (зах ирмэг) аяганы ~, хүрээний, хүрээнд, хүрээнээс

Хоршоо үг

• гэр хүрээ - хашаа хүрээ
• хашаа хүрээ - гэр, байшин зэргийн гадуур тойруулан бэхэлсэн зүйл болон малын хашаа хороо
• хороо хүрээ - юмны гадуур хороолж, хүрээлж хийсэн юм
• гандан хүрээ - гандан хийд
• хүрээ хийд - шашны ном, зан үйл явуулах газар
• хот хүрээ - төв суурин газар
• хүрээ хороо - а.юмыг тойруулан хашаалан барьсан юм; б.хүн ам олноор суурьшсан суурин газар
• хүрээ жааз - юмны зах ирмэгийг дагуулж хийсэн хүрээ

Хэлц үг

Хэвшмэл хэлц

Хүн алж

Хүрээ талаагүй

Хүн гэдэг олон

Хүрээ гэдэг өргөн

Хүн нэмэгдэж

Хүрээ ихдэх

Хүрээ гэгч хол л юм байна

Хүний амь гэгч бөх л юм байна

Хүрээ гэдэг бас хол юм

Хүний амь гэдэг бас бөх юм

Хүрээ нүүхийн төлөө

Хоёр гавж хэрэлдэнэ

Хүрээ нүүхийн төлөө

Хоёр чавганц хэрэлдэх

Хүүхэн байвал

Хүргэн хаа мундах вэ

Хүрээ байвал

Маймаа хаа мундах вэ

Аман зохиолд орсон нь

Зүйр үг

Хүрээ нүүхийн төлөө хоёр чавганц хэрэлдэх

Тайлбар: өөрт хамааралгүй юмнаас болж муудалцах

Хүрээний шавхайг хүйтний хяруу арилгах

Хүний мууг хуулийн гэсгээл арилгах

Тайлбар: хууль муу үйлийг хязгаарладаг