хорвоо

Монголоор

Үгийн дуудлага

[xorwo:]

Үндэсний бичиг

ᠬᠣ᠊᠊ᠷᠸ᠊ᠨ

(хорва)

Галиглах зарчим

Үгийн утга

нэр.

1. Дэлхий ертөнц, орчлон ертөнц
2. Хүний ертөнц, хүний нийгэм

Нийлмэл үг

хорвоод хосгүй - хүн ба юмны олноос цойлсон, гоцлосон нь

хорвоод явах нас нь хоногийн төдий болох - хариугүй үхэх дөхөх

энэрэлгүй хорвоо - яаж ч болдоггүй, өршөөлгүй хорвоо

Зөв бичихзүй

Үг хувилгах зарчим

Кирил бичгийн зөв бичихзүй

хор|воо нэр. ~ дэлхий хорш., хорвоогийн, хорвоод, хорвоогоос

Үндэсний бичгийн зөв бичихзүй

ᠬᠣ᠊᠊ᠷᠸ᠊ᠨ  ᠶᠢ‍᠊ᠨ
ᠬᠣ᠊᠊ᠷᠸ᠊ᠨ ᠳ᠋ᠣ
ᠬᠣ᠊᠊ᠷᠸ᠊ᠨ ᠊ᠢ᠊᠊ᠢ
ᠬᠣ᠊᠊ᠷᠸ᠊ᠨ ᠡᠴ᠊‍᠊ᠨ
ᠬᠣ᠊᠊ᠷᠸ᠊ᠨ ᠪᠡ᠊ᠷ
ᠬᠣ᠊᠊ᠷᠸ᠊ᠨ ᠲ᠋‍ᠠ‍᠊ᠢ
ᠬᠣ᠊᠊ᠷᠸ᠊ᠨ ᠪᠡ᠊ᠨ

/~ийн /~д /~г /~оос /~оор /~той /~оо

Хоршоо үг

• ертөнц/орчлон хорвоо - бидний амьдарч буй дэлхий ертөнц
• хорвоо дэлхий - бидний амьдарч буй гараг ертөнц
• сансар хорвоо - дэлхийн бөмбөрцөг хийгээд бусад одон гарагсийг багтаасан хязгааргүй огторгуй

Хэлц үг

Өвөрмөц хэлц

өнгөрсөн хорвоо - бүтэхгүй болсон, бүтэхээсээ нэгэнт өнгөрсөн ажил хэрэг

хорвоо өнгөрөх/хорвоо нөгчих - хүний нэг насны амьдрал дуусах

өнгөрсөн хорвоо - бүтэхгүй юм

хорвоо өнгөрөх/нөгчих - хүний нэг насны амьдрал дуусах~Буцаад явчхаар нь за энэ бид хоёрын хорвоо өнгөрлөө гэж би бодов. Сар шахуу хугацаа өнгөрөөд байтал түүнээс минь нэг томоо дугтуйтай захиа ирэв (Б.Бааст, Хаш аяга).

хорвоо дуусах - үхэх~Айж ичиж явсаар алагхан хорвоо дуусах нь ээ.

хорвоод хосгүй - хүн юмны олноос ондоо, онцгой, орчлонд үгүй гоц~Данзан, өндөр Жанрайсэгийн дуганыг ширтэн явахдаа дотор нь наян тохой өндөр, ёстой орчлон хорвоод хосгүй сайхан алтан Жанрайсэг бурхан байдаг гэж сонссоноо санан түүнд одоо мөргөх гэж яваадаа баярлана (Д.Намдаг, Цаг төрийн үймээн).

хорвоогийн шороо хөдөлгөх - амьд явах~Дэлхийн оршин суугч бүр өөрийн гэсэн хувь тавилантай, хорвоод шороо хөдөлгөх хугацаатай.

↑ өнгөрсөн хорвоо

Хэвшмэл хэлц

Алтан дэлхий атирсан биш

Хорвоо дэлхий хумирсан биш

Хоолны дараа зуун алхам алхвал

Хорвоо ертөнцөд ерэн ес насална

Хорвоо арвин гээд хоёр зуу насалсангүй

Хоолой урт гээд олс дээс залгидаггүй

Хорвоо гэдэг өргөн

Хотол гэдэг олон

Хурмаст тэнгэр бүрхэгтэй

тунгалагтай

Хорвоо дэлхий самуунтай

тайвантай

Аман зохиолд орсон нь

Зүйр үг

Хорвоо арвин гээд хоёр зуу насладаггүй

Хоолой урт гээд олс дээс залгидаггүй

Тайлбар: юмс үзэгдэл тогтсон хэм хэмжээтэй

Хорвоогүй хүн байхгүй

Хормойгүй дээл байхгүй

Тайлбар: юм бүхэн учиртай, учир зүйгээс гажих аргагүй