хонго

Монголоор

Үгийн дуудлага

[xoŋǧŏ]

Үндэсний бичиг

ᠬᠣ᠊‍ᠠ‍ᢉᡍᠣ

(хонггу)

Галиглах зарчим

Үгийн утга

нэр.

1. Гуяны арын зузаан махтай хэсэг

Нийлмэл үг

хонгоны хар мах - гуяны зузаан хар мах

хонгоны шөрмөс татах - гуяны шөрмөс татах

хонгыг нь ухах хуучир. - анз банзаар жанчих

хонгыг нь шулах - а.амьтны хонгоны махыг шулж авах; б.шилж. хонжих, шулах; в.шилж. зодох

хонго шаант - хонт шаант

Зөв бичихзүй

Үг хувилгах зарчим

Кирил бичгийн зөв бичихзүй

хон|го нэр. *~ нь загатнах (хүүхэд үй­мүүлэх), хонгоны, хонгонд, хонгоноос

Хоршоо үг

• хонго борви - хонгоны хэсэг
• хонго хас - хүн, амьтны гуяны дотор болон арын зузаан мах

Хэлц үг

Өвөрмөц хэлц

хонго нь загатнах - бага хүүхэд үймүүлэх, сахилгатүйтэх, шийтгүүлэх хэрэг хийх

хонго нь загатнах - бага хүүхэд үймүүлж сахилгагүйтэх, шийтгүүлэх хэрэг хийх~Адуун дээрээ очмогц юу болсныг мэдээд “хонго нь загатнахаар хааныгаа хараав” гэгч болж байна уу… гээд хүйтэн инээмсэглэв (Ч.Лодойдамба. Тунгалаг тамир).

хонго нь загатнахаар хааныгаа хараах - ял шийтгэх авах хэрэг хийх~Адуун дээрээ очоод юу болсныг мэдээд “хонго нь загатнахаар хааныгаа хараав” гэгч болж байна уу … гээд хүйтэн инээмсэглэв (Ч.Лодойдамба, Тунгалаг тамир).

хонгоны мах хорсох - зодуулах~Да Шин, Гүйгээс хойшлуулахыг гуйхаар очиж, учраа гаргавал, нэг омогтой хятад “чи өгөхгүй бол хонгоны мах чинь хорсоно шүү!“ гэж хэлээд дооглон инээхэд нь уур нь хүрээд, түүнийг хоёр цохиод “Монголоос идэж ханадаггүй, мангас гэдэс чинь хагарна” хэмээн... (Ч.Лодойдамба, Алтайд).

Аман зохиолд орсон нь

Цэцэн үг

Хонго нь загатнахаар хааныгаа хараах

Тайлбар: ял шийтгэл авах хэрэг хийх