сүв

Монголоор

Үгийн дуудлага

[sьw]

Үндэсний бичиг

ᠰᠣ᠊᠊ᠢ᠊ᠪᠡᠡ᠋

(сүбэ)

Галиглах зарчим

Үгийн утга

I нэр.

1. Нарийхан нүх, гуурс
2. Хүн, амьтны хүйс; эм сүв (а.эм хүйстэй хүн; б.амьтны бэлгэ эрхтний нүх), эр сүв (а.эр хүйстэй хүн; б.амьтны бэлгэ эрхтний нүх), ам сүв хорш. (а.хоёр уруулын завсрын нарийн нүх; б.уут сав зэргийн ам, онгорхой хэсэг
3. Нэвтэрч болох газар

II нэр.

1. Арга чарга, ухаан бодол

Нийлмэл үг

зүүний сүв - зүүний нүх

есөн сүв - дов тойрсон долоон нүх, доошоо харсан хоёр сүв

шар үсний сүв - хөлсний сүв

хөлсний сүв - хүний арьсны шар үс гарах нүх

хавцал сүв - хавцал нүх

сүв орох - бага зэрэг ухаан орох

сүв нь битүү - мунхаг, юм сурдаггүй

сүв нь нээгдэх - юмны учир зүй ойлгодог болох, ухаан суух

сүвийг нээгдүүлэх - юмны учир ойлгодог болгох

сүв онгойх - ухаан орох

ухааны сүв - ухаан бодол

арга сүв олох - арга чарга олох, ухаан бодлоо дайчлах

Зөв бичихзүй

Үг хувилгах зарчим

Кирил бичгийн зөв бичихзүй

сүв нэр. нүх ~ хорш., сүвний, сүвэнд, сүвнээс, о.тоо сүвнүүд

Хоршоо үг

• ам сүв - а.хоёр уруулын завсрын нарийн нүх; б.уут сав зэргийн ам, онгорхой хэсэг
• нүх сүв - юман дээрх их бага цоорхой
• арга сүв - арга чарга

Хэлц үг

Өвөрмөц хэлц

сүв нээгдэх - ухаан суух, учир начрыг ойлгодог болох~Одоо миний сүв нээгдэж, Ло бэйс чамайг залуучуудын гишүүн болоход дургүй байсны учрыг мэдэхчээн болж байна гээд хүүгийн хацрыг үнсэж, гарыг аяархан илжээ (Б.Ринчен, Үүрийн туяа).

сүвийг нээгдүүлэх - юмны учрыг ойлгодог болох~Үүнд таны биеийг гэрийн газар хорьсон сураг ноёдын чихэнд хүрч, бас тэр голын сохорт миний сурган ухуулах зүйл ноёдын сүвийг нээгдүүлж, надтай ямар байдлаар харьцвал зохихыг мэдэхэд дөхөм болох бий (Б.Ринчен, Үүрийн туяа).