соёо

Монголоор

Үгийн дуудлага

[sojo:]

Үндэсний бичиг

ᠰᠣ᠊ᠶᠣ᠊᠊ᠭ᠎᠎ᠠ

(сойуг-а)

Галиглах зарчим

Үгийн утга

I нэр.

1. Үүдэн шүд, арааны хооронд байх ганц ёзоортой шовх шүд
2. Соёотой адил хэлбэртэй зүйл; соёо сахал (хоёр жигүүр нь дээшээ эргэсэн дээд уруулын сахал), соёо мөс (гоожсон уснаас хөлдөж тогтсон үзүүр тийшээ шувтан хэлбэр бүхий гозгор мөс), тэмээний соёо бөх (тэмээний босоо хэвтээ хоёр бөх
3. Гаанс сэтгэх махир төмөр
4. Сур дээсний зангилаа тайлахад хэрэглэдэг ооно, гур зэрэг амьтны эврийн үзүүрээр хийсэн багаж, шор.

II нэр.

1. Ургамлын дөнгөж цухуйж буй нахиа найлзуур

III.

1. оёо соёо хорш. (энд тэнд, оочин цоочин, жигд бус байдал).

Нийлмэл үг

зааны соёо - зааны шовх үзүүртэй шүд

чонын соёо - чонын ганц ёзоортой хурц шүд

соёо сунгах нас - адуу, тэмээний бие гүйцэх нас буюу зургаан нас

гаансны соёо - гаанс цэвэрлэх сэтгүүр

соёо сүүл - монгол бичгийн таталган бичсэн сүүл

буудайн соёо - буудайн найлзуур

ногооны соёо - ногооны үзүүр найлзуур

хулс модны соёо - хулс модны нахиа найлзуур

соёо гарах - өвс ургамлын нахиалах, ургаж эхлэх

Зөв бичихзүй

Үг хувилгах зарчим

Кирил бичгийн зөв бичихзүй

соёо нэр. соёо­ны, соёонд, соёоноос, соёогоор, о.тоо соёонууд

Үндэсний бичгийн зөв бичихзүй

===Орчуулга===соёо

Хоршоо үг

• араа соёо - үүдэн шүднээс хойших шүд
• оёо соёо - энд тэнд, оочин цоочин, жигд бус байдал

Хэлц үг

Хэвшмэл хэлц

Соёо ургаж яваа би байтугай

Шүд зэрэгцэж байгаа барс ч даахгүй

Аман зохиолд орсон нь

Цэцэн үг

Соёогүй ирвэс туулайнаас айна

Тайлбар: хүчтэн ч цаг нь болж сүр хүч нь буурвал өчүүхэн юманд ч дийлэгддэг