онгоц

Wiktionary-с
Jump to navigation Jump to search

Монголоор[засварлах]

Үгийн утга[засварлах]

Ерөнхий утга: Аливаа зүйлийг агуулах, тээвэрлэх зорилгоор ухаж хонхойлсон зүйл. Мөн онгичиж хонхойлсон гуалин модыг хэлдэг. Модыг хонхойлохын тулд тухайн ухах хэсэгтээ гал түлж шатаагаад, хар нүүрс болсон хэсгийг цавчиж авдаг байжээ. Өөрөөр хэлбэл модыг онгичоод онгоц болгодог. Энэхүү онгичиж хонхойлсон модондоо:
  1. Ус хийгээд малаа усалбал, худаг дээр байдаг мал усалдаг онгоц болно.
  2. Тариа будаа хийгээд малдаа өгвөл тэжээлийн онгоц болно.
  3. Ус хийгээд дотор нь биеэ угаавал бие угаадаг онгоц болно.
  4. Урсгал усанд тавиад дээр нь суугаад явбал хөвдөг онгоц болно.
  5. Хөвдөг онгоцныхоо хэмжээ, чадлыг нь ихэсгэвэл хөлөг онгоц болно.
  6. Нисгэвэл нисэх онгоц болно.
I нэр.
  1. Юмыг дотор нь агуулах ховил бүхий урт гонзгой хэлбэртэй сав
  2. Малд тэжээл, ус өгөх гонзгой хэлбэртэй хэрэгсэл, сав
  3. Дотор нь орж бие угаах хэрэгсэл;
II үйл.
  1. Усанд хөвөгч тээврийн хэрэгсэл
  2. Далавч бүхий тээврийн нисэх хэрэгсэл

Үгийн гарал[засварлах]

Үгийн дуудлага[засварлах]

[oŋǧoʦʌ]

Үндэсний бичиг[засварлах]

ᠡᠣ᠊‍ᠠ‍ᢉᡍᠣ᠊ᠴ᠊ᠨ
(онггуча)

Галиглах зарчим

Ойролцоо үг[засварлах]

Нийлмэл үг[засварлах]

сумны онгоц - сум хийх урт, нарийхан ховилт сав
худгийн онгоц - худгийн ус хийх урт гонзгой хэлбэртэй модон сав
хүжний онгоц - хүж агуулах сав
мал услах онгоц - мал услах модон сав
тэжээлийн онгоц - малд тэжээл тавьж өгөх гонзгой хэлбэртэй сав
чулуун онгоц - чулууг хашиж хийсэн гонзгой хэлбэртэй хэрэгсэл
онгоцны дэр - мал услах онгоцны ивүүр
онгоц татах - ногоо тарихаар мөр татах
усан онгоц - усанд хөвөгч тээврийн хэрэгсэл
далбаат онгоц - дал­бааг салхинд хийсгэн явах тээврийн хэрэгсэл
галт онгоц - далай тэнгис, гол мөрөнд явах уурын хөдөлгүүртэй онгоц
уурын онгоц - уурын хөдөлгүүртэй онгоц
гуя онгоц - ухмал гуалинг холбож хийсэн онгоц
сал онгоц - холс мод зэргийг зэрэгцүүлэн холбож хийсэн усны урсгал дагуу хөвөх, голдуу мод, түлээ тээвэрлэх хэрэгсэл
гар онгоц - бүхэл модыг ухаж хийсэн цөөн хүн сууж явдаг бяцхан хөлөг онгоц
шумбагч онгоц - усны мандал болон усан доогуур шумбан явах онгоц
шувуун онгоц - хамар шуумгай, хойд тал нь тэгш хэлбэртэй усны онгоц
нисэх онгоц - агаарын тээврийн хэрэгсэл
бөмбөгдөгч онгоц - агаараас бөмбөг хаядаг нисэх тээврийн хэрэгсэл
байлдааны онгоц - дайн байлдааны үед агаарын тулалдаанд зориулан бүтээсэн тээврийн хэрэгсэл
онгоцны байр - нисэх онгоц, нисдэг тэрэг засварлах, техникийн үйл-чилгээ хийх, хадгалах байгууламж
онгоцны буудал - а.онгоц буух, нисэх зориулалтын талбай; б.онгоцоор зорчигчид, ачаа барааг хүлээн авах, үдэх газар
онгоц унах - онгоц хүч алдан ойчих
онгоц сүйрэх - агаарын тээврийн хэрэгсэл ямар нэгэн шалтгааны улмаас унаж ойчих

Зөв бичихзүй[засварлах]

Үг хувилгах зарчим

Кирил бичгийн зөв бичихзүй[засварлах]

он|гоц нэр. хөлөг ~ хорш. (нисэх хэрэгсэл) нисэх ~, онгоцны, онгоцонд, онгоцноос, о.тоо онгоцнууд

Үндэсний бичгийн зөв бичихзүй[засварлах]

ᠡᠣ᠊‍ᠠ‍ᢉᡍᠣ᠊ᠴ‍ᠠ‍᠊ᠨ ᠊ᠣ
ᠡᠣ᠊‍ᠠ‍ᢉᡍᠣ᠊ᠴ‍ᠠ‍᠊ᠨ ᠳ᠋ᠣ
ᠡᠣ᠊‍ᠠ‍ᢉᡍᠣ᠊ᠴ᠊ᠨ ᠊ᠢ᠊᠊ᠢ
ᠡᠣ᠊‍ᠠ‍ᢉᡍᠣ᠊ᠴ‍ᠠ‍᠊ᠨ ᠡᠴ᠊‍᠊ᠨ
ᠡᠣ᠊‍ᠠ‍ᢉᡍᠣ᠊ᠴ᠊ᠨ ᠪᠡ᠊ᠷ
ᠡᠣ᠊‍ᠠ‍ᢉᡍᠣ᠊ᠴ᠊ᠨ ᠲ᠋‍ᠠ‍᠊ᠢ
ᠡᠣ᠊‍ᠠ‍ᢉᡍᠣ᠊ᠴ᠊ᠨ ᠡᠣ᠊᠊ᠷᠣ᠊ᡍᠣ
ᠡᠣ᠊‍ᠠ‍ᢉᡍᠣ᠊ᠴ᠊ᠨ ᠪᠡ᠊‍᠊ᠨ
ᠡᠣ᠊‍ᠠ‍ᢉᡍᠣ᠊ᠴ᠊ᠨ ᠨᠣ᠊ᡍᠣ᠊ᠣ᠊᠊ᠨ

/~ы /~д /~ыг /~оос /~оор /~тай /~руу /~оо /~ууд

Орчуулга[засварлах]

Хоршоо үг[засварлах]

  • хөлөг онгоц - тусгай багаж, тоног төхөөрөмжөөр үйлдвэрлэсэн хүчин чадал ихтэй усанд хөвөгч тээврийн хэрэгсэл

Товчилсон үг[засварлах]

Хэлц үг[засварлах]

Өвөрмөц хэлц[засварлах]

Хэвшмэл хэлц[засварлах]

Ухаан муутай бол олны шившиг
Онгоц муутай бол усны шившиг

Аман зохиолд орсон нь[засварлах]