ойр

Монголоор

Үгийн гарал

Үгийн дуудлага

[oir]

Үндэсний бичиг

ᠡᠣ᠊᠊ᠢ᠊᠊ᠢ᠊᠊ᠷ᠎ᠠ

(ойир-а)

Галиглах зарчим

Үгийн утга

тэм.

Хол гэдгийг эсрэг утга, алс зайтай биш, дөт, холгүй
Цаг хугацааны хувьд төдий удахгүй, даруйхан
Төрөл садны холбоо хол бус
Хүмүүсийн харилцаа холбоо нягт, дотно
шилж. Ялгаа зөрүү багатай

Ойролцоо үг

- Яг дэргэд - хажууд -зэргэлдээ, хөрш

Нийлмэл үг

голын ойр - голоос холгүй

хотод ойр амьдрах - хотоос хол биш амьдрах

худагт ойр буух - худгаас холгүй буух

ойр ойрхон алхах - алхмын хэмжээ бага байх

ойр ойрхон утасдах - байн байн утасдах

ойр газар - алс биш газар

ойр зэргэлдээ - хөрш саахалт амьдарч байгаа нь

ойр тойрноор явах - эргэн тойрноор явах

ойрд харагдахгүй байх - орчин тойронд харагдахгүй байх

ойр зуурын ажил - аар саар ажил

ойр зуурын аян - холгүйхэн гадагшаа гарах нь

ойрын харалган - дэргэдээ ойр байгаа зүйлийг сайн хардаг боловч хол байгаа зүйлийг муу харах харааны эмгэг

ойрыг үзсэн холыг сонссон - ойр байгаа зүйлээ үзчихсэн, хол байгаа зүйлийг сонсоод мэдчихсэн амьдралын туршлага ихтэй

ойрын өдрүүд - а.өнгөрөөд удаагүй өдрүүд; б.удахгүй болох өдрүүд

ойрын жил - а.сая өнгөрсөн жилүүд; б.ирэх жилүүд

ойр болох - удахгүй, даруйхан болох

ойр ойрхон утасдах - байн байн утасдах

ойрын ирээдүй - алс хэтэд бус даруйхан болох ирээдүй

ойрын хамаатан - төрөл садны холбоо төдий л хол бус хүн

ойр төрөл - цус, ясан төрлийн холбоо төдий л холдоогүй байгаа хамаатан хүмүүс

ойр төрлийн хүн - садан төрлийн холбоо хол бус хүн

ойр удам - төрөл ургийн холбоо холдоогүй хүмүүс

ойр харьцах - дотно, найрсаг харьцах

эх зурагтайгаа ойр байх - эх зурагтайгаа адилхан байх

Зөв бичихзүй

Үг хувилгах зарчим

Кирил бичгийн зөв бичихзүй

ойр орон. ~ ~хон, ойрын, ойрд, ойроос

Үндэсний бичгийн зөв бичихзүй

ᠡᠣ᠊᠊ᠢ᠊᠊ᠢ᠊᠊ᠷ‍ᠠ‍‍ᠠ‍‍ᠠ‍‍ᠠ‍᠊ᠨ

/~хон

Орчуулга

Хоршоо үг

ойр ойрхон - юмны хоорондын зай холгүй
oйр дөт - холгүй
ойр дөхөм - дөт, хол биш
ойр орчим - а.алс хол бус; б.эргэн тойрон
ойр төсөг - а.холгүй; б.ойрмогхон, саяхан
ойр тойрон - өгүүлэгчид ойр хүрээлэн буй газар
ойр хавь - тухайн газрын эргэн тойрон
хол ойр - а.өөр хоорондын зай их болон бага байх нь; б.газар бүр
ойр дотно - санаа сэтгэл таарсан их дотно харилцаа бүхий
ойр шадар - хоорондоо дотно, нөхөрсөг байдал
ойр төсөр - а.ялгаа бага, нэлээн адил; б.хоорондын зай бага; в.цаг хугацаа алслаагүй байгаа нь

Товчилсон үг

ОТП Ойр Тусгалын Пуужин

Хэлц үг

Өвөрмөц хэлц

Хэвшмэл хэлц

Ойр байвал мөргөлдөнө

Хол байвал мөөрөлдөнө

Ойр гэж бүү суу

Хүнд гэж бүү ай

Ойр суувал шахав гэнэ

Хол явбал орхив гэнэ

Ойр харцтай

Охор бодолтой

Ойрын айлын нохой таатай

Ойр зуурын ноён баатай

Хол байдаг боловч миний газраас ирж учирна

Ойр байдаг боловч нүүр учраад хэлэлцдэггүй

Хол биш хормой (салхивчин) дор

Ойр биш уулан (гар) дор

Хол бодохгүй бол

Ойр зовлон ирнэ

Хол бол уснаас айж

Ойр бол чөтгөрөөс айх

Аман зохиолд орсон нь

Зүйр үг

Ойр гэж бүү суу

Хүнд гэж бүү ай

Тайлбар: алгуурлан удаашрах