нутаг

Бүгдээ

Монголоор

Үгийн дуудлага

[nutag]

Үндэсний бичиг

ᠨᠣ᠊ᠳ᠋ᠣ᠊᠊ᠬ

(нутуг)

Галиглах зарчим

Үгийн утга

нэр.

1. Төрж өссөн, оршин суух газар орон
2. Буурь, бууц

Нийлмэл үг

төрөлх нутаг - төрж өссөн нутаг

төрсөн нутаг - эхээс төрсөн газар орон

уг нутаг - оршин суух, харьяалагдах газар орон

эх нутаг - төрж өссөн газар орон

нутгийн ард иргэд - а.нэг нутагт төрж өссөн хүмүүс; б.тухайн газар оронд байнга оршин суугч хүмүүс

нутгийн аялга - тухайн газар орны хүн ардын аман ярианы өвөрмөц ялгаа

нутгийн захиргаа - тухайн орон газрын захиргаа

нутгийн идээ - а.харьяалагдах газар орноос авчирсан хүнсний зүйл; б.өөрийн амьдарч ахуй газар орны хүнсний зүйл

нутаг буцах - а.амьдарч буй газар орон руугаа явах, харих; б.шилж. нас барах

нутгийн хүн - нэг газарт амьдардаг хүмүүс

харийн нутаг - гадаадын улс орон

хүний нутаг - а.харийн нутаг; б.амьдарч байгаагүй газар нутаг

нутаг усныхан - тухайн хүнийхээ нэг газар амьдарч буй хүмүүс

нутаг нутгийн хүн - газар газрын хүн, амьдран суудаг орон нутаг өөр хүмүүс

нутаг сахих - а.төрсөн газартаа насаараа амьдрах; нүүдэл хийлгүй буйран дээрээ удаан суух; б.шилж. бүсгүй хүн хадамд гаралгүй гэртээ өтлөх

нутаг дархлах хуучир. - феодлын төрд онцгой хүчин зүтгэгсдэд олгосон газар

айлын нутаг - айлын гэрийн бууц)

Зөв бичихзүй

Үг хувилгах зарчим

Кирил бичгийн зөв бичихзүй

ну|таг нэр. ~ дэвсгэр хорш., нутгийн, нутагт, нутгаас

Үндэсний бичгийн зөв бичихзүй

ᠨᠣ᠊ᠳ᠋ᠣ᠊᠊ᠬ ᠤ‍᠊ᠨ
ᠨᠣ᠊ᠳ᠋ᠣ᠊᠊ᠬ ᠲ᠋ᠣ
ᠨᠣ᠊ᠳ᠋ᠣ᠊᠊ᠬ ᠊ᠢ
ᠨᠣ᠊ᠳ᠋ᠣ᠊᠊ᠬ ᠡᠴ᠊‍᠊ᠨ
ᠨᠣ᠊ᠳ᠋ᠣ᠊᠊ᠬ ᠢᠶᠡᠷ
ᠨᠣ᠊ᠳ᠋ᠣ᠊᠊ᠬ ᠲ᠋‍ᠠ‍᠊ᠢ
ᠨᠣ᠊ᠳ᠋ᠣ᠊᠊ᠬ ᠡᠣ᠊᠊ᠷᠣ᠊ᡍᠣ
ᠨᠣ᠊ᠳ᠋ᠣ᠊᠊ᠬ ᠢᠶᠡ‍᠊ᠨ
ᠨᠣ᠊ᠳ᠋ᠣ᠊᠊ᠬ ᠣ᠊ᠣ᠊᠊ᠨ

/~ийн /~т /~ийг /~аас /~аар /~тай /~руу /~аа /~ууд

Хоршоо үг

• газар нутаг - эх нутаг
• нутаг ус - төрж өссөн, амьдарч буй орон нутаг
• нутаг дэвсгэр - тухайн улс орны эзэмшил газар
• эх нутаг - төрж өссөн харьяат орон
• буурь нутаг - нутаг бууц
• нутаг бууц - амьдран суух газар, бууц
• нутаг бэлчээр - мал бэлчих газар

Этгээд үг

ДОШ н. тухайн нутаг, газар(тарвага бүлээрээ өвөлжих нүх)

• Баттулга бид хоёр нэг дошных байгаа юм. –Тийм байх аа. Даан ч Баттулга чамайг сайн мэдэж байсан юм.
• Тэр чинь манай дошны овгор шүү дээ.

ХАЛХЫН ХАВТГАЙ н. монгол нутаг, монголын тал хээр

• Би тэгэхэд халхын хавтгайгаас гарч үзээгүй нэгэн байв.
• Хүний нутагт чи бид хоёр хэрэлдээд яах вэ? Ядахдаа халхын хавтгайд байсан бол өөр хэрэг.

Товчилсон үг

НДҮЦ Нутаг Дэвсгэрийн Үйлдвэрлэлийн Цогцолбор

Хэлц үг

Өвөрмөц хэлц

нутаг заагдах - хэргийн шийтгэл болгон амьдрах газрыг нь зааж өгөх, цөлөгдөх

нутгийн нуруу түших - өсч төрсөн газар орондоо амьдрах

нутаг буцах - нас барах, үхэх~Тэр гурав ийнхүү аж төрөхчөөн болж байтал эмгэн үйлийн үрээс хаашаа ч зайлсангүй нутаг буцлаа (Б.Дариймаа, Шар хондын намаржаа).

нутаг заагдах - хэргийн шийтгэл болгон амьдрах газрыг нь зааж өгөх, цөлөгдөх~Та хүрээнд нутаг заагдсан гэл үү? (Д.Маам, Газар шороо).

Хэвшмэл хэлц

Нугалуур идвэл

Нутаг сахина

Нуган төрвөл

Нутаг дарна

Нутаг алдвал

Гутамшиг болно

Нутаг дунд номтон сайн

Нутаг элс боловч өлгий

Номин чулуу боловч эрдэнэ

Нууран дундах нугас сайхан

Нутаг дундах номтон сайхан

Нууцалж хэлсэн

Нутаг даяар тардаг

Ус мэдэхгүй хүн цуваа дагана

Нутаг мэдэхгүй хүн гөрөөс дагана

Хүн хүн сурснаа гэдэг

Нутаг нутаг заншсанаа гэдэг

Аман зохиолд орсон нь

Зүйр үг

Нэг усанд нутагтай

Нэг бэлчээрт бараатай

Тайлбар: айл аймаг байх

Ноён нутагтаан л хүндтэй

Номтой лам газар болгонд хүндтэй

Тайлбар: эрдэм мэдлэгтэй хүн хаа ч хэрэгтэй

Нутгаа голох хүн үгүй

Эхээ голох хүүхэд үгүй

Тайлбар: муу ч гэсэн өөрийн юм сайхан

Цэцэн үг

Нэрийн хор

Нутгийн бузар

Тайлбар: нэр хүнд сэвтээх зүйл