магнаг

Монголоор

Үгийн дуудлага

[magnag]

Үндэсний бичиг

ᠮ‍ᠠ‍‍ᠠ‍ᢉ‍ᠨ᠋‍ᠣ᠊᠊ᠬ

(мангнуг)

Галиглах зарчим

Үгийн утга

нэр.

1. Алт, мөнгөн утас оруулж нэхсэн луу хээтэй торго

Утга зохиолын жишээ

Магнаг үсэгтэй тугийг, магнай дээрээ мандуулсан юм аа хө. Ардын журамт цэргийн дуу “Магнаг үсэгтэй туг”.,

Магнаг үсэгтэй тугийг, магнай дээрээ мандуулсан юм аа хө. Ардын журамт цэргийн дуу “Магнаг үсэгтэй туг”.,

Сайн бэлэгт бэйл хоргой магнаг хатгаастай, хүрэн торгон шилүүс дээл, гадуур нь урт хүрэм өмсч, морин дээр түшүүлэн мордлоо. С.Удвал. Их хувь заяа.,

Нийлмэл үг

хамба магнаг - тачир үстэй нэгэн зүйлийн магнаг торго

шаа магнаг - алт, мөнгөн утас оруулж нэхсэн сиймхий торго

магнаг дээл - магнаг торгоор хийсэн дээл

магнаг үсэг - магнаг торгоор оёж хийсэн үсэг

магнаг чулуу эрдэс. - хөнгөн дэгдэмтгий бодос /ус, фтор, бор, хлор зэрэг/, заримдаа ховор болон сарнимал махбод ихээр агуулдаг, эрдэс бүхий бүдүүн ширхэгтэй, ихэвчлэн судал, үүр, мэшил хэлбэрээр байрладаг магмын чулуу

Зөв бичихзүй

Үг хувилгах зарчим

Кирил бичгийн зөв бичихзүй

маг|наг нэр. торго ~ хорш., магнагийн, магнагт, магнагаар

Хоршоо үг

• магнаг таж - алт мөнгөн утас оруулж нэхсэн луу хээтэй торго болон өнгө дотрыг өөр өөр өнгийн утсаар ялгаруулан нэхсэн торгомсог бараа
• торго магнаг - алт мөнгөн утсаар нэхсэн гоёмсог хээтэй нарийн бөс бараа
• хоргой магнаг - сайн чанарын торго, хоргой

Хэлц үг

Өвөрмөц хэлц

магнаг өмсөх - гоёх

магнаг болох - ховордох, хомсдох~Мах магнаг болсон энэ цагаар малчид илгээлтийн эзэд бүгдээр хоолны бүтэц найрлагаа өөрчлөх нь сонин байж мэдэх боловч Чэнь Жэнь бэлтрэг хоёр л хамгийн ихээр хэцүүдэх болов (Зян Рун, Чонон сүлд). ~Зуны улиралд мах магнаг болохоор талын ноход өлөн зэлмүүхэн өдөр хоногийг өнгөрөөдөг (Зян Рун, Чонон сүлд).

магнаг дээр цэцэг нэмэх - сайнаас сайн болгож, сайхнаас сайхан болгох~Жию Юүн бас одож, Шин, Ван хоёр Фү Лин-ий өмнө магнаган дээр цэцэг нэмтэл хэлсэнд Ван Фү Лин-ий чихэнд оровч ганц дэмий итгэхгүй (Цүү Шиувай Цин, Улаан асрын зүүдэн).

Хэвшмэл хэлц

Магнаг биш үс боловч

Мах халхлах чадалтай

Мэргэн биш мунхаг боловч

Биеэ тэжээх чадалтай

Магнаг өмссөн хүн зүс орно

Мах авсан мал сүр орно

Малгай өмсөөд зохихгүй толгой нь шувтан

Магнаг өмсөөд тохирохгүй бол мөр нь шувтан

Малтай бол

Магнаг хямд авна

Аман зохиолд орсон нь

Зүйр үг

Торго өмссөн хүнд магнаг хүргэгч олон

Турсага нөмөрсөн хүнд нөхөөс өгөгч цөөхөн

Тайлбар: дээдэст долигонон бэлэг сэлт өгөх, харин доодост үл туслах