загас

Монголоор

Үгийн дуудлага

[ʣaǧasʌ]

Үндэсний бичиг

ᠵ᠊ᠢ᠊ᡍ‍ᠠ‍‍ᠰ‍ᠣ

(жигасу)

Галиглах зарчим

Үгийн утга

I нэр.

1. амьт. Заламгайгаар амьсгалдаг, хүйтэн цус­тай, хайрсан бүрхүүлт арьстай, усанд оршдог сээр нуруутан амьтны ерөнхий нэр
3. шилж. Загастай төстэй; загас мэт

II.

Нийлмэл үг

загасан цавуу - загасны хайрс буцалгаж хийсэн нэгэн зүйл цавуу

загасан цар - загасны хайрсаар хийсэн шанз, хуучир хөгжмийн цар

загасны далбаа - загасны өехийд жигүүрийн адил ургасан хойдох том сэлүүр

загасны заламгай - загасны амьсгалын эрхтэн

загасны сүүл - онгоцыг хөндөн сэлж явуулах загасны сүүл хэлбэртэй зэвсэг

загасны талх - загасны нунтагласан мах

загасны тос - зарим загасны элэгнээс боловруулж авдаг тос; А, D амин дэм ихтэй тул сульдах, ядрахад сайн

загасны түрс - загасны үр саг

загасны хайрс - загасны арьсны гадуурх нимгэн эвэрлэг, жижигхэн олон ялтсаас бүрдэх бүрхүүл

алтан загас амьт. - гурван салаа сүүлтэй, их бага адилгүй, зүйл бүрийн өнгөтэй гэрийн тэжээвэр загас

буу загас амьт. - халим загас

мөнгөн загас амьт. - мах нь маш амттай, уртаараа сөөм илүүхэн, ус хөлдсөн хойно гол нуураас олддог нэгэн зүйл загас

загас мах - хүн, малын зоо нурууны дагуух хоёр талын булчин мах

загасан нуруу хатгах - нэгэн зүйл оёдол, түүнийг хатгасан утасны байдал нь загасны нуруутай төстэй

загасан сүүл - онгоцыг хөндлөн сэлж явуулах загасны сүүл мэт залуур

загасан талх - загас маягийн зуувгар хэлбэртэй талх

загасан тамга - загасны дүр сийлсэн малын тамга

загасан гүрвэл амьт. - эрт үед далай, тэнгист амьдарч байсан загасны хэлбэртэй, дөрвөн мөч бүхий мөлхөгч амьтан

загасан үхэр амьт. - халимтай төстэй, арьс нь зузаан, үсгүй гилгэр нэгэн зүйл хөхтөн; үхэр загас

хуягт загас амьт. - эрт дээр цагт амьдарч байсан, цээжин биедээ ясан хуягтай нэг зүйл загас

хүн загас амьт. - усанд амьдрагч нэг зүйлийн хөхтөн

загасан хор урга. - уртавтар зууван жижиг навчтай, маш хатуу хавтгай буурцагтай ургамал; үндсээр нь шавж устгах хор хийнэ

загасан од нэр.од.орон. - молын хойдох тэнгэрийн оёдолд байх одны нэр

Зөв бичихзүй

Үг хувилгах зарчим

Кирил бичгийн зөв бичихзүй

за|гас амьт.. ~ны хайрс, загасанд, за­гаснаас, загасаар, о.тоо загаснууд

Үндэсний бичгийн зөв бичихзүй

ᠵ᠊ᠢ᠊ᡍ‍ᠠ‍‍ᠰ‍ᠣ᠊᠊ᠨ ᠊ᠣ
ᠵ᠊ᠢ᠊ᡍ‍ᠠ‍‍ᠰ‍ᠣ᠊᠊ᠨ ᠳ᠋ᠣ
ᠵ᠊ᠢ᠊ᡍ‍ᠠ‍‍ᠰ‍ᠣ ᠊ᠢ᠊᠊ᠢ
ᠵ᠊ᠢ᠊ᡍ‍ᠠ‍‍ᠰ‍ᠣ᠊᠊ᠨ ᠡᠴ᠊‍᠊ᠨ
ᠵ᠊ᠢ᠊ᡍ‍ᠠ‍‍ᠰ‍ᠣ ᠪᠡ᠊ᠷ
ᠵ᠊ᠢ᠊ᡍ‍ᠠ‍‍ᠰ‍ᠣ ᠲ᠋‍ᠠ‍᠊ᠢ
ᠵ᠊ᠢ᠊ᡍ‍ᠠ‍‍ᠰ‍ᠣ ᠡᠣ᠊᠊ᠷᠣ᠊ᡍᠣ
ᠵ᠊ᠢ᠊ᡍ‍ᠠ‍‍ᠰ‍ᠣ ᠪᠡ᠊‍᠊ᠨ
ᠵ᠊ᠢ᠊ᡍ‍ᠠ‍‍ᠰ‍ᠣ ᠨᠣ᠊ᡍᠣ᠊ᠣ᠊᠊ᠨ

/~ы /~д /~ыг /~аас /~аар /~тай /~руу /~аа /~ууд

Хоршоо үг

• загас жараахай - том, жижиг загас
• загас хясаа - усны амьтад

Хэлц үг

Өвөрмөц хэлц

загас наадуулах - хурьцах

загасаа бариад алгаа мартах - аливаа хэргээ бүтээгээд тус болсон юмаа мартах гэсэн санаа~Хүний тус мэддэггүй түүнийг загасаа бариад алгаа мартдаг хэмээн хүмүүс үздэггүй юм билээ.

↑ манжиргаар ятуу цохиж, шанагаар загас хутгах

↑ ус дэлсэж загас айлгах

Хэвшмэл хэлц

Далай амар байвал

Загас амар байдаг

Жанжин хэдий чадалтай ч жагсаалд унавал баригдана

Загас хэдий бүдүүн ч уснаас гарвал үхнэ

Загас алдвал шүгэлдэж болдоггүй

Зар гарвал хожигдож болдоггүй

Загас тархинаасаа гутах

Залхуу тавагнаасаа гутах

Загас усаа хайрладаг

Жигүүртэн ойгоо хайрладаг

Загас усны гүнийг

Хүн амьдралын сайныг

Загас усныхаа хэрээр туйлдаг

Хүн хүчнийхээ хэрээр амьжирдаг

Загас үхвэл яс нь үлддэг

Залуу үхвэл нэр нь үлддэг

Загас хэвтэн жаргадаг

Залхуу хэвтэн хоцордог

Заншил заншилдаа

Загас усандаа

Уулыг зааж

Тээрэм худалдах

Усыг зааж

Загас маймаалах

Хөл норгохгүй хүн

Загас барьж чадахгүй

Хүн хүний хүчинд

Загас усны хүчинд

Хүн ашгийг мэдэвч зовлонг мэдэхгүй

Загас идшийг мэдэвч гохыг мэдэхгүй

Аман зохиолд орсон нь

Зүйр үг

Усгүй газар загасгүй

Тайлбар: амьдрах нөхцөлгүй газар хүн, амьтан тогтохгүй гэсэн санаа

(амьдрах нөхцөлгүй газар хүн

Амьтан тогтохгүй гэсэн санаа); загасны мах завсартай

Тайлбар: хүний өөрийн хоёр ялгаатай гэсэн санаа