аюул

Монголоор

Үгийн дуудлага

[aju:l]

Үндэсний бичиг

ᠡ‍ᠠ‍ᠶᠣ᠊ᠯ

(айул)

Галиглах зарчим

Үгийн утга

I нэр.

1. Гамшиг зовлон учруулж болох хор хөнөөл, гай
2. Саад, бэрхшээл, доголдлын улмаас системийн зорилгыг хэрэгжүүлэх үйл ажиллагаанд сөргөөр нөлөөлж, хэвийн системийн хэв шинжүүдийг алдагдуулах өөрчлөлт
3. шилж. Шившиг, ичгүүр; наадаж байгаад уйлахын аюул, найтааж байгаад унгахын аюул цэцэн
4. шилж. Алив зүйлийн овоо дориун байдал

II нэр.од.орон Ангараг гарагийн дагуулын дотоод талын одны нэр.

.

Нийлмэл үг

аюул агуулах - хөнөөл агуулах

аюул дайрах - гамшиг болоод өнгөрөх

аюул нөмрөх - гай нөмрөх, гай учрах

галын аюул - түймэр

гэнэтийн аюул - гэнэтийн осол

аюулын сайхан - дориун сайхан

аюулын хүүхэд - овоо дориун хүүхэд

аюулын хүчтэй - овоо хүчтэй

Зөв бичихзүй

Үг хувилгах зарчим

Кирил бичгийн зөв бичихзүй

а|юул нэр. аюулд, аюулаас

Хоршоо үг

• аюул гамшиг - аюул зовлон
• аюул занал - айдас түгшүүр
• аюул зовлон - гай түйтгэр, зовлон гамшиг
• аюул осол - гэнэт тохиолдох амь насанд халтай хэрэг явдал
• аюул сүйрэл - гамшиг зовлон тохиолдож хохирох нь
• аюул тохиол - гай тохиол
• аюул түгшил - аюул түгшүүр
• аюул түгшүүр - айж эмээх, аюул осол болох зэргээс үүдэх сэтгэлийн зовинол
• аюул түйтгэр - гай түйтгэр
• аюул хөнөөл - ямар нэг муу явдлаас гарах хор хөнөөл
• аюул эмээл - айж эмээх нь
• хор аюул - гэм уршиг болох зүйл

Этгээд үг

АВААРТАЙ н. аюултайО.авария (аюул, осол)

• Уулын энэ замаар машин явахад аваартай байдаг.
• Чиний үг надад авартай санагдаж байна.

ГАЛ ДУУДАХ хэл. өөртөө аюулыг бий болгох

• Улс төрч: –Би таны асуултанд хариулснаар өөр дээрээ гал дуудаж байж болох юм. Сэтгүүлч: –Тэгвэл өөр асуулт асууя.
• Гал дуудсан үг би хэлмээргүй байна.

ГАЛ УНТРААХ хэл. аюулыг намжаах, болиулах

• Намын дотор байгаа санал зөрөлдөөнийхөө галыг унтраахаар намын дарга нь ирэх сард Их хурлаа хийе гэсэн санал гаргаад байна.
• Манай хоёр байгууллага хэрүүл маргааныхаа гал унтрааж байж л бид түншилж чадна.

ДАРЬТАЙ ТОРХ н. аюултай зүйл

• Тэр энэ их мөнгийг анх хадгалж байхдаа дарьтай торх хадгалж байгаа юм шиг санадаг байв.
• Энэ эрхмийн хэлэх үг бидэнд дарьтай торх шиг ойлгогдлоо.

Хэлц үг

Хэвшмэл хэлц

Айлын нохой хэрэлдэвч

Аюул ирэхэд нэгддэг

Алсын моринд дөрөөлөхгүй бол замын холыг мэдэхгүй

Аюул зовлонг туулахгүй бол сайн мууг танихгүй

Архи уухад оройлдог

Аюул болоход арилдаг

Архины дэргэд анд олон

Аюул ирэхэд ад олон

Аюул аюулд

гал усны аюул

Амар амард

сэтгэл санааны амар

Аюул болоход тэвдсэнээс

Аргаа бодсон нь дээр

Аюул ирэхдээ амархан

Алга болохдоо ярвигтай

Аман зохиолд орсон нь

Цэцэн үг

Хор аюул ш. (гэм уршиг болох зүйл); #шилж. Шившиг

Ичгүүр; наадаж байгаад уйлахын аюул

Найтааж байгаад унгахын аюул

Тайлбар: тоглоом даахгүй бол олны шившиг