улс

Wiktionary-с
Шууд очих: залуурдлага, хайлт

Flag of Mongolia.svg Монголоор


Дуудлага

[ulas] (улус)


Үгийн утга

улс I нэр 1Нэгэн орны ноёрхох ангийн эрхэм ашгийг хамгаалсан, зохион байгуулалт бүхий орон, тусгаар тогтносон төрийн эрхэт ёс бүхий гүрэн: гүр их улс (хамаг улс, бүх ард түмэн), улсын аюулгүй байдал (улс орны тусгаар тогтнол, бүрэн эрх, нутаг дэвсгэрийн бүрэн бүтэн байдал, улсын хилийн халдашгүй дархан байдал, уг улс үн-дэстний үндсэн хуулиар бататгасан төр, нийгмийн байгууллагын аюулгүй оршин тогтнох нөхцөл), улсын баяр (а.бүх нийтээрээ тэмдэглэх баяр; б.монголчуудын 7 сарын 11-нд тэмдэглэдэг үндэсний баяр), улсын байнгын онцгой комисс (улс орныг хамарсан байгалийн онцгой аюулын үед эрчимтэй үйл ажиллагаа явуулах байгууллага), улсын далбаа (төрийн далбаа), улсын дуулал (төрийн дуулал), улсын нууц (задруулснаас болж эх орон, ард түмний эрх ашигт ноцтой хөнөөл учруулах учир байдлыг харгалзан төрөөс олон түмэнд зарлан тунхаглахгүйгээр хамгаалсан онц чухал мэдээ), улсын ойн нөөц (байгалийн жамаар ургасан, тарьж ургуулсан бүх ойн нийлбэр), улсын өмч (улсын мэдлийн өмч хөрөнгө), улсын сахилга (төрийн байгууллага, үйлдвэрийн газар, албан тушаалтнаас ажил хэргийг эрхлэн явуулах талаар тогтоосон журмыг хэрэгжүүлэх журам), улсын судар (нэгэн төрийн хэрэг явдлыг тэмдэглэсэн бичиг), улсын сүлд (төрийн сүлд), улсын хил (бүрэн эрхт, тусгаар тогтносон улсын зааг хязгаарыг тодорхойлсон шугам), улсын хөрөнгө (албаны хөрөнгө), Улсын их хурал (төрийн дээд эрхийг барих төлөөлөгчдийн хурал), улсаар тэтгүүлэх үйлдвэр (ашигтай болон ашиггүй ажилласан байдлыг үл харгалзан улсаас эдийн засгийн болон бусад дэмжлэг авч байдаг үйлдвэр), улс аймаг хорш. (а

орон; бнэг ноёнд хамаарагдах бүлэг хүмүүс), улс гүрэн хорш. (улс орон), улс гэр хорш. (улс орон), улс иргэн хорш. (олон түмэн), улс албат хорш. (тодорхой нутаг дэвсгэр, хэл яриа, соёл, ёс заншил, нийгэм байгуулал бүхий орон болон түүний ард иргэн), улс нийт хорш. (нэгэн улсын бүх хүн ард), улс орон хорш. (улс төрийн хувьд тусгаар тотносон, өөрийн гэсэн нутаг дэвсгэр, хэл соёл зан заншил бүхий хүмүүсийн нэгдэл), улс төр хорш. (улсын гадаад, дотоод төрийн бодлого), улс төрийн нам (нам байгуулах Монгол улсын үндсэн хуулийн шаардлагыг хангасан гишүүнчлэл бүхий улс төрийн байгууллага), улс төрийн өөрчлөлт (ямар нэгэн хувьсгал, эргэлт хийж тухайн улс орны төр засгийн тогтолцоог өөрчлөх үйл явц), улс төрийн суулт (төр засгийн төвшинд тодорхой асуудал дэвшүүлэн түүндээ нааштай хариу авахыг хүссэн нэг төрлийн эсэргүүцлийн хэлбэр), улс төрийн хүчин (улс төрийн нам, эвсэл холбоо), улс төрийн хямрал (улс төрийн хүчнүүдийн гадаад болон дотоод бодлогын хооронд эрс ялгаатай зөрчилтэй байдал), улс угсаатан хорш. (нэгэн улсад харьяалагдах нэгэн угсааны хүмүүс), улсгүй удирдагч усгүй онгоц адил зүйр. (ард түмэнгүй удирдагч гэж байхгүй); 2Хүн, хүмүүс: баахан улс (баахан хүн, олон хүн), улс амьтан хорш. (олон хүн, ард түмэн), улс зон хорш. (нийт ард иргэд), улс хүмүүс хорш. (олон хүн)

II нэр Гутал улладаг, үсийг нь зумлаж элдсэн гөрөөсний арьс.


'

'

'

'


Шилжсэн утга

Холбоо үг

  • гүр их улс - хамаг улс, бүх ард түмэн
  • улсын аюулгүй байдал - улс орны тусгаар тогтнол, бүрэн эрх, нутаг дэвсгэрийн бүрэн бүтэн байдал, улсын хилийн халдашгүй дархан байдал, уг улс үн-дэстний үндсэн хуулиар бататгасан төр, нийгмийн байгууллагын аюулгүй оршин тогтнох нөхцөл
  • улсын баяр - а.бүх нийтээрээ тэмдэглэх баяр б.монголчуудын
  • баахан улс - баахан хүн, олон хүн
  • улс амьтан хорш. - олон хүн, ард түмэн
  • улс зон хорш. - нийт ард иргэд
  • улс хүмүүс хорш. - олон хүн.улс II нэр. Гутал улладаг, үсийг нь зумлаж элдсэн гөрөөсний арьс.


Хоршоо үг


Эсрэг үг

Этгээд үг хэллэг

УЛС ТӨР ХИЙХ тбү. ямар нэгэн хэрэг явдлыг улс төрийн зорилгоор ашиглах - Улсын Их Хурлын гишүүд бид ч гэсэн улс төр хийх ёсгүй. - Та нар энэ шийдэвэрээр улс төр хийж байна.

Зүйр цэцэн үг

улсгүй удирдагч усгүй онгоц адил - ард түмэнгүй удирдагч гэж байхгүй



Хэвшмэл хэлц

Уянгатай хөгжим Удамтай бөхчүүд Уралдааны хурд Улс ардын зугаа

Өвөрмөц хэлц

Зөв бичих зүй

  • м.к.б улс нэр 1 (орон) хаант ~, ~ орон, ~ төр, ~ төрийн бодлого, улсад, улсаас, о.тоо улсууд 2 (хүмүүс) ~ амьтан хорш., баахан ~ хүрч ирэх
  • м.б улс I. (~ ~ хийх) II. (гутал улладаг, үсийг нь зумлаж элдсэн гөрөөсний арьс) III (~ гүрэн)

Ертөнцийн гурав

Монгол бичиг

Folo_


Товчилсон үг

Хуучирсан үг