хүдэр

Монголоор

Үгийн дуудлага

[xьder]

Үндэсний бичиг

ᠬᠥ᠊ᠳ᠋‍ᠠ‍᠊ᠷ᠊ᠢ
ᠬᠥ᠊ᠳ᠋‍ᠠ‍᠊ᠷ

(хүдэр) ~ чийрэг (хүдэри) ~ийн заар

Галиглах зарчим

Үгийн утга

I амьт.

1. Бие бага, эвэргүй, дээд соёо нь урт, эрийнх нь хүйсний орчимд заарын булчирхайтай, дэлэнт туруутан, жижгэвтэр гөрөөс

II тэм.

1. Хүч тэнхээ сайтай, бие бялдар чийрэг том
2. Дуу хоолойны бүдүүн баргил байдал

III тэм.

1. Эд зүйлийн бат бэх, чанар эдэлгээ сайтай байдал

IV нэр.эрдэс.

1. Үйлдвэрлэлийн ач холбогдол бүхий аливаа эрдэс бодос гарган авах боломжтой байгалийн материал, ашигт малтмалын хольцтой чулуу

Нийлмэл үг

хүдрийн заар - эр хүдрийн хүйсний дэргэд хуралдсан, арьсан дор байрласан тусгай булчирхайн ялгаруулдаг өвөрмөц үнэртэй бөөм

хүдэр шивүүрдэх - хүдэр агнахад урьж исгэрэх

зусаг хүдэр амьт. - хоёр настай хүдэр

хүдэр бие - бадриун чийрэг том бие

хүдэр гар - баргил том гар

хүдэр царай - хөрслөг бор эрүүл царай

хүдэр цээж - ханхар өргөн цээж

хүдэр эр - бие бялдар сайтай, эрүүл чийрэг залуу

хүдэр дуу - баргил бүдүүн дуу

хүдэр сав - эдэлгээ сайтай сав суулга

хүдэр ширээ - бат бэх, чанартай ширээ

хүдрийн давхарга - хүдэр агуулсан чулуулгын үе давхарга

хүдрийн нөөц - ашиглахуйц нэгдэл бүхий бодос, бодосын хуримтлал

хүдрийн орд - газрын гадарга дээр болон хэвлийд байршилтай, төмөрлөг ашигт малтмалын хүдрийн бөөгнөрөл, хуримтлал

Зөв бичихзүй

Үг хувилгах зарчим

Кирил бичгийн зөв бичихзүй

хү|дэр амьт.. хүдрийн, хүдэрт, хүдрээс, о.тоо хүдрүүд

Хоршоо үг

• хүдэр бүдүүн - бие том бөгөөд бяр ихтэй чийрэг
• хүдэр чийрэг - бие бялдар сайтай, эрүүл чийрэг

Хэлц үг

Хэвшмэл хэлц

Хүдэр байвал заартай

Хөгшин байвал залуутай

Хүдэр бие нь үзэгдэхгүй ч

Хүчит заар нь үнэртэх

Хүдэр гавшгайгаараа

Хүн чадлаараа

Хүдэр их арсланг

Хүч нэгтэй шоргоолж барина

Хүлэг морь (эрийн) хүний нөхөр

Хүдэр нум зоригийн нөхөр

Хүн нэртэй

Хүдэр замтай

Хүн явмаажин зам гардаг

Хүдэр хайлмаажин болд болдог

Хүрэн морины хүч сайн

Хүдэр чөдрийн мэх сайн