хуур

Монголоор

Үгийн дуудлага

[xu:r]

Үндэсний бичиг

ᠬᠣ᠊ᡍᠣ᠊᠊ᠷ

(хугур)

Галиглах зарчим

Үгийн утга

#хөгжим.

1. Арал, цар, чих, тэвх, утас зэргээс бүтсэн, хөвчит нумаар хөрөөдөн дуугаргах хөгжмийн зэмсэг
2. шилж. Үлээдэг, дардаг, татдаг хөгжмийн ерөнхий нэр

Нийлмэл үг

аман хуур - олон жижиг нүхэнд, төмөрлөгөөр хэл тааруулан хадсан бөгөөд, нүхээр нь үлээвэл, төмөрлөг хэл нь доргиж дуугарах хөгжмийн зэмсэг

баян хуур - а.нэгэн зүйл авсаар бадралт баг бишгүүр; б.гурван эгнээ даралт бүхий нэгэн зүйл хөгжмийн зэмсэг

най хуур - баруун гартаа төгөлдөр хуурын даралт бүхий нэг зүйл баян хуур хөгжим

няслаа хуур - аман хуурын нам, янгирын эврэн иштэй, гадагш угалзлан эргэсэн аралтай, эгц дөрвөлжин хэлтэй, хэлийг нь нясалж эгшиглүүлдэг нэг зүйл төмөр хуур

төгөлдөр хуур - том хайрцагт олон чавхдас татсан даралт дээр нь дарахад, даралтын үзүүрийн жижиг алх мэт зүйл, чавхдасыг онож, дуу гаргах нэгэн зүйл хөгжмийн зэмсэг

Зөв бичихзүй

Үг хувилгах зарчим

Кирил бичгийн зөв бичихзүй

хуур нэр. морин/аман ~, хуурын, хуурт, хуураар, о.тоо хуурууд

Үндэсний бичгийн зөв бичихзүй

ᠬᠣ᠊ᡍᠣ᠊᠊ᠷ ᠤ‍᠊ᠨ
ᠬᠣ᠊ᡍᠣ᠊᠊ᠷ ᠲ᠋ᠣ
ᠬᠣ᠊ᡍᠣ᠊᠊ᠷ ᠊ᠢ
ᠬᠣ᠊ᡍᠣ᠊᠊ᠷ ᠡᠴ᠊‍᠊ᠨ
ᠬᠣ᠊ᡍᠣ᠊᠊ᠷ ᠢᠶᠡᠷ
ᠬᠣ᠊ᡍᠣ᠊᠊ᠷ ᠲ᠋‍ᠠ‍᠊ᠢ
ᠬᠣ᠊ᡍᠣ᠊᠊ᠷ ᠢᠶᠡ‍᠊ᠨ
ᠬᠣ᠊ᡍᠣ᠊᠊ᠷ ᠣ᠊ᠣ᠊᠊ᠨ

/~ын /~т /~ыг /~аас /~аар /~тай /~аа /~ууд

Хоршоо үг

• дуу хуур - дуу хөгжим

Хэлц үг

Хэвшмэл хэлц

Хууль мэдэхгүй хүн эцгийг нь эргүүлдэг

Хуур чадахгүй хүн чихийг нь мушгидаг

Хуур мэдэхгүй бол чихийг нь битгий мушгиарай

Хууль мэдэхгүй бол хэрэг битгий шүүгээрэй

Хуур мэдэхгүй хүн хулхийг нь мушгина

Хууль мэдэхгүй хүн эцгийг нь дурдана

Хуур мэдэхгүй хүн чихийг нь мушгимтгай

Хууль мэдэхгүй хүн хүнийг тархидамтгай

Хуур мэдэхгүй хүн чихийг нь мушгимтгай

Хууль мэдэхгүй хүн хүнийг шалгамтгай

Аман зохиолд орсон нь

Зүйр үг

Хуурын чих мушгисаар байтал хурим найр тарах

Тайлбар: хуураа хөглөх гэсээр хурим найр дуусах, бүтэлгүйтэх

Цэцэн үг

Хуур мэдэхгүй хүн чихийг мушгих дуртай

Хууль мэдэхгүй хүн тархидаж далайлгах дуртай

Тайлбар: ёс журам мэдэхгүй хүн зандарч аашлахаас өөрийг чадахгүй