баатар

Монголоор

Үгийн дуудлага

[ba:tar]

Үндэсний бичиг

ᠪᠠᠭᠠᠲᠤᠷ

(багатур)

Галиглах зарчим

Үгийн утга

I тэм.

1. Айж эмээхийг мэдэхгүй, эрэлхэг зоригтой

II нэр.

1. Алдар гавьяа байгуулсан хүнд хүртээх төрийн дээд цол

III нэр.зурхай.

1. Нэгэн жарны арван долоодахь жилийн нэр; тийн дарагч.

IV нэр.уран зох.

1. Зохиолын гол дүр

V нэр.нутг.аялгуу.

1. Тооно.

Нийлмэл үг

баатар хүн - эр зоригтой хүн

хүлэг баатар хуучир. - а.хааны хамгийн итгэлтэй шадар; б.алдартай баатар

баатар хуйх - малын хоёр эврийн хоорондох хэсэг газрын арьс

улсын баатар - гавьяа байгуулсан хүнд олгох төрийн дээд шагнал, цол

хөдөлмөрийн баатар - хөдөлмөрийн гавьяа байгуулсан хүнд олгох төрийн дээд шагнал, цол

зохиолын баатар - зохиолын дүр

өгүүллэгийн баатар - өгүүллэгийн дүр

Зөв бичихзүй

Үг хувилгах зарчим

Кирил бичгийн зөв бичихзүй

баа|тар нэр. баатрын, баатраас, баатарт, о.тоо баатрууд

Үндэсний бичгийн зөв бичихзүй

ᠪᠠᠭᠠᠲᠤᠷ ᠤᠨ
ᠪᠠᠭᠠᠲᠤᠷ ᠲᠦ
ᠪᠠᠭᠠᠲᠤᠷ ᠢ
ᠪᠠᠭᠠᠲᠤᠷ ᠠᠴᠠ
ᠪᠠᠭᠠᠲᠤᠷ ᠢᠶᠠᠷ
ᠪᠠᠭᠠᠲᠤᠷ ᠲᠠᠢ
ᠪᠠᠭᠠᠲᠤᠷ ᠤᠷᠤᠭᠤ
ᠪᠠᠭᠠᠲᠤᠷ ᠢᠶᠠᠨ
ᠪᠠᠭᠠᠲᠤᠷ ᠦᠳ

/~ын /~т /~ыг /~аас /~аар /~тай /~руу /~аа ᡁд

Хоршоо үг

• баатар зориг - эрэлхэг зориг

Хэлц үг

Өвөрмөц хэлц

үнхэлцэг баатар - гаднаа сүр бадруулдаг боловч цаанаа хулчгар зантай хүн

баатартаа эрдэж барсын бөгс маажих - бардаж байж биедээ гай төвөг учруулах~Баяраа хүү бардам зангаасаа болоод өөртөө гай тарьжээ. Баатартаа эрдэж барсын бөгс маажих гэж энэ дээ.

↑ өмд баатар

↑ нүүр баатар

↑ үнхэлцэг баатар

Хэвшмэл хэлц

Баатар биетэй боловч бялзуухайн зүрхтэй

Балчир биетэй боловч ихийг (томыг) өмсөх санаатай

Баатар биш матар

Матар биш загас

Баатар жанжин цэргийн эрдэнэ

Багтаамжит хөвгүүн гэрийн эрдэнэ

Баатар идтэний уур их

Охид хүүхдийн найр их

Баатар идтэний уур охор

Охид хүүхдийн найр урт

Баатар хуйх идвэл

Балчуу газар дайсантай учирна

Баатар хүн нэг суманд

Баян хүн нэг зудад

Баатар хүн нэрээрээ

Баян хүн эдээрээ

Баатар хүн тэнэг бол балмад

Баян хүн харамч бол бирд

Баатар хүн хүч их боловч

Балмад тэнэг бол нэн зүдэг

Баатар хүн цустай

Баян хүн тостой

Баатар хүү

Тугал ч хариулдаг

Туг ч барьдаг

Баатар хэдий хүчтэй боловч

Бариасанд орвол хүчгүй

Баатар ч гэсэн буурах өдөр байдаг

Баян ч гэсэн доройтох цаг байдаг

Баатар эр болгоход балчир багаас нь

Багана тулгуур болгоход нялзрай багаас нь

Баатар эрд нөхөр хэрэгтэй

Бургасан хашаанд булга хэрэгтэй

Багш сайтай шавь бардам

Баатар сайтай цэрэг бардам

Багш хүний тэргүүнд нь түмэн бодис багтдаг

Баатар хүний цээжинд төрсөн нутаг багтдаг

Бардам хүн гологдоно

Баатар хүн тоогдоно

Барс хэдий идтэй боловч нүхэнд унавал пал

Баатар хэдий хүчтэй боловч мэхэнд орвол шал

Барс хэдий хүчтэй боловч балай байвал баригдана

Баатар их жанжин боловч бардамнавал дийлэгдэнэ

Барсын зулзага ядравч

Баалын зулзагад баригдахгүй

Баатар хүн ядравч

Балмад дайсанд бууж өгөхгүй

Бат уясан алдардаггүй

Баатар ээж уйлдаггүй

Баян баянд мод баян

Баатар баатарт гар баатар

Баян би гэж бүү бардамна

Баатар би гэж бүү омогш

Баян боловч нэгэн зудыг даахгүй

Баатар боловч нэгэн сумыг даахгүй

Баян гэгч үргэлж биш

Баатар гэгч мөнх биш

Баян гэж бүү бардамна

Баатар гэж хэтэр

Баян гэж бүү сагсай

Баатар гэж бүү огсой

Баян нэг баатай

Баатар нэг шантай

Барлаг хүн шоотой

Баян нэг шуурганд

Баатар нэг суманд

Баян хүн буяныг судал

Баатар хүн шударгыг судал

Баян хүн нэгэн зудыг даахгүй

Баатар хүн нэгэн сумыг даахгүй

Баян хүн омогтой

Баатар хүн домогтой

Баян хүнд аян гэм

Баатар хүнд үхдэл гэм

Баян хүнд ураг олдох

Баатар хүнд хань олдох

Баян хүний жаргал эд

Баатар хүний жаргал зэвсэг

Баян хүний зовлонтой газар тэнс

Баатар хүний аюултай газар тэнс

Баян хүний сэтгэл нь өлөн чоно адил

Баатар хүний сэтгэл нь хүрэл чулуу адил

Баян хүний сэтгэл хөлгүй ус

Баатар хүний сэтгэл ургаа хад

Баян хүнтэй заргалдах бэрх

Баатар хүнтэй барилдах бэрх

Нутгийн аялгуу

Тооно

Аман зохиолд орсон нь

Зүйр үг

Баатартаа эрдэж барсын бөгс маажих

Тайлбар: бардаж байж биедээ гай төвөг учруулах

Цэцэн үг

Баатар хүн нэг суманд

Баян хүн нэг зуданд

Тайлбар: эд хөрөнгө, ид чадал мөнхийн түшиг болж чадахгүй учир эрдэм боловсрол эзэмших нь чухал