өмд

Монголоор

Үгийн дуудлага

[цmdц̆]

Үндэсний бичиг

ᠡᠣ᠊᠊ᠢ᠊᠊ᠮᠣ᠊ᠳ᠋ᠣ

(өмүдү)

Галиглах зарчим

Үгийн утга

нэр.

1. Биеийн доод хэсгийг бүсэлхий хүртэл бүрхэх салтаатай хувцас

Нийлмэл үг

дотуур өмд - нүцгэн биендээ өмсдөг нимгэн өмд

гадуур өмд - дотуур өмдний дээр давхарлан өмсөх өмд

богино өмд - богино гуявчтай өмд

даавуун өмд - даавуугаар хийсэн өмд

ноосон өмд - ноосон эдлэлээр хийсэн өмд

өмдний тэлээ - өмдний захыг даран бүслэдэг бүс

өмдний зах - өмдний хамгийн дээд буюу бүсэлхийгээр ороогдох хэсэг

өмдний гуя - хүний гуяны хэсгээр таарах өмдний хэсэг

өмдний шуумаг/өмдний шурхнаг - өмдний гуяны доод хэсэг

өмд хийж өгөх хүнгүй боловч өмчийг нь идэх төрөлтэй хуучир. - элбэрэлгүй атлаа өв хөрөнгийг нь эзэмших дуртай садан төрөл олонтой

Зөв бичихзүй

Үг хувилгах зарчим

Кирил бичгийн зөв бичихзүй

өмд нэр. өмдийг, өм­дөнд, өмднөөс, о.тоо өмднүүд

Хоршоо үг

• өмд гутал - бүсэлхийнээс доош өмсдөг хувцас болон хөлд угладаг хэрэглэл
• өмд цамц - биеийн өмсгөл

Хэлц үг

Өвөрмөц хэлц

өмд баатар яриа. - том өмд өмссөн хүн

өмд баатар - (шог) өмд нь томдсон хүн~Өмд баатар чиний амь надад хэрэггүй гэж заналтайяа хэлээд тэрэг бүрийн дэргэд очиж нохойн уяаг морины дээрээс тас огтлон хаяж... (Л.Түдэв, Бүгд найрамдах улсын он).

өмдгүй хаан байх/болох - муруй гажуугаар мугуйлан, бусдыг айлган чойжин бууж зоргоороо савах болох~Өвгөндөө өмдгүй хаан байгаа бэрх хөгшин чинь ингэж агсарч аашлаад хүүгийнхээ хойноос сэмхэн дагаж явлаа (Баяндалай, Гологдсон бэр).

↑ модон өмд өмсчихсөн юм шиг

↑ нэг өмд өмсөх

Хэвшмэл хэлц

Өглөө идвэл оройгүй

Өмд хийвэл хантаазгүй

Өглөө идвэл оройгүй

Өмд хийвэл цамцгүй

Өмд хийвэл хантаазгүй

Өглөө идвэл оройгүй

Өмд хийж өгөх хүнгүй байтлаа

Өмчийг нь идэх төрөл олон

Үлгэрээ хийгээд

Өмд эсгэх

Эрт идвэл оройгүй

Өмд хийвэл хантаазгүй

Аман зохиолд орсон нь

Зүйр үг

Өмдгүй байж

Өвдөг цоорхойг шоолох

Тайлбар: өөрт байхгүй атлаа хүнд байгаа зүйлийг элэглэн шоолох