үнэг(эн)

Монголоор

Үгийн утга

үнэг(эн) I нэр 1амьт. Үс сайхан, зүс улаавтар, нохойн намын, хөхөөр өсөх нэгэн зүйл араатан: үнэг хайчлах (төрөөд удаагүй байгаа хүүхдэд эсгий үнэг хайчилж дом хийх), мэхт үнэг (Ардын аман зохиолд үнэгийг арга мэх ихтэй амьтан хэмээн өгүүлдэг), *үнэг гүйцэх (ихэд өлсөх), *үнэг шинших юмгүй (хов хоосон, ядуу), *үнэг шиг мартамхай (амархан мартдаг зантай), *үнэгний нүд залгих (унтахаа болих), *үнэгний сүүлээр даллах (хуурах, мэхлэх, залилах), *үнэгний сүүлээр гуядах (залилах, мэхлэх), үнэгч нохой (үнэг барьдаг нохой, үнэг агнахдаа чадмаг нохой), үнэг үсэндээ хүн үгэндээ үхнэ зүйр. (үгээ цэнэж байх, үгээ бодолтой хэлж байх хэрэгтэй), үнэг сүүлээрээ хууравч үйл лай төөргөөрөө ирдэг цэцэн. (хийсэн үйлээс бултах газаргүй), арслан үнэгний чуулганд үзэсгэлэнгүй цэцэн. (зэрэг зиндаа нийлэхгүй байх); 2Үнэг шиг: үнэгэн заль (үнэг мэт заль, үнэг шиг зальтай), үнэгэн зоо (морины шинжийн нэр; толгой бяцхан, шувуун хошуутай, хүзүү урт, үүрсэх дуу их, бие нарийн хавирга матаастай, үнэгэн чихтэй, нүд бүлтгэр, хазгай амтай, дөрвөн хөл чанга, үргэлж толгойгоороо дохилж бөхийн шогшиж явах, жижиг гишгэдэлтэй, шүдний үзүүр дөрвөлжин, нарийн судастай гэх мэт), үнэгэн харц (зальтай харц); 3Үнэгний арьсаар хийсэн: үнэгэн лоовууз (үнэгний арьсаар хийсэн нэгэн төрлийн малгай), үнэгэн харанхуй (шөнийн харанхуй), үнэгэн шогшоо (а.морины нэг зүйл явдал; б.бүжгийн нэгэн зүйл хөдөлгөөн), үнэгэн сүүл урга. (нуга, чийгтэй газраар ургадаг үет ургамлын язгуурын олон наст ургамал, Монгол орны Хангай нутгаар ургана).

'

'

'

'

'

'

Холбоо үг

• үнэг хайчлах - төрөөд удаагүй байгаа хүүхдэд эсгий үнэг хайчилж дом хийх
• мэхт үнэг - Ардын аман зохиолд үнэгийг арга мэх ихтэй амьтан хэмээн өгүүлдэг
• үнэг гүйцэх - ихэд өлсөх
• үнэг шинших юмгүй - хов хоосон, ядуу
• үнэг шиг мартамхай - амархан мартдаг зантай
• үнэгэн заль - үнэг мэт заль, үнэг шиг зальтай
• үнэгэн зоо - морины шинжийн нэр толгой бяцхан, шувуун хошуутай, хүзүү урт, үүрсэх дуу их, бие нарийн хавирга матаастай, үнэгэн чихтэй, нүд бүлтгэр, хазгай амтай, дөрвөн хөл чанга, үргэлж толгойгоороо дохилж бөхийн шогшиж явах, жижиг гишгэдэлтэй, шүдний үзүүр дөрвөлжин, нарийн судастай гэх мэт
• үнэгэн харц - зальтай харц

Зүйр цэцэн үг

үнэг үсэндээ хүн үгэндээ үхнэ - үгээ цэнэж байх, үгээ бодолтой хэлж байх хэрэгтэй

Зөв бичих зүй

• м.к.б
• м.б