үнс(эн)

Монголоор

Үгийн утга

үнс(эн) нэр 1Шатсан бодосоос үлдэх органик биш нунтаг зүйл: аргалын үнс (аргал түлсний дараа гарах хаягдал), үнсний сав (тамхины үнс хийх сав), үнсний хутгуур (үнс хутгах зүйл), үнсэн өнгө (цагаавтар өнгөнд харавтар өнгө хольцсоныг нь), үнсэн саарал (үнс мэт зэвхий саарал өнгө), үнсэн самбар хуучир. (тогооны хөөг тостой хольж жижиг банзан хавтсанд наалдуулан дээр нь үнс түрхэн мод, хулсан үзгээр бичдэг бичгийн хэрэглэл), үнсэн хөх (а.сааралдуу хөх өнгө, хөх саарал өнгө, б.шилж. айх, сандрах, тэвдэх, уурлах, дургүйцэхэд нүүрний өнгө хувирах), үнс нүүрс хорш. (шатаж дууссанаас үлдэх зүйл), үнс тоос хорш. (шатаж дууссанаас үлдэх зүйл болон түүнээс гарах шороо), үнс шороо хорш. (тоос тортог, хир буртаг), үнс нурам хорш. (ямар нэгэн зүйл шатсаны дараа үлдэх нунтаг саарал зүйл), үнс хог хорш. (шатаж дууссанаас гарах хаягдал), үнс чандруу хорш. (гал түймэр зэргээс үлдэх зүйл), *үнс ч үгүй болох (юу ч үгүй болох), *үнс нь хийсч, өрх нь харлах (мөхөх, сүйрэх, үндэс угсаа тасрах), *үнсийг нь хийсгэх (гэр орон гал голомтыг нь бусниулах), *үнсэн буу тавих (а.болгоомжгүйгээс осолдож гал руу ус оруулан үнс бургиу-лах; б.шоодсон. орон гэр бохир муухай байдалтай байх), *үнсэн дээр (их ойрхон, маш ойр), *үнсэн товрог (дайн тулаан, гал түймэрт дайрагдаж бүрмөсөн эвдэрч сүйдсэн зүйлийн үлдэгдэл), *үнсэн чандруу болох (а.юу ч үгүй болтлоо шатах, сүйрэх; б.шилж. устах, үгүй болох), *үнсэн товрог болгох/үнсэн чандруу болгох (юу ч үлдээлгүй эвдэлж сүйтгэх, хүйс тэмтрэх), *үнсэнд хаясан шалз (юу ч үгүй болж ганцаар хаягдах), *үнсээр хийсгэх (юу ч үгүй болгох, хүйс тэмтрэх, устгах), *үнсээр чөдөр зангидах (бүтэшгүй зүйл мөрөөдөх, үл бүтэх зүйл санах), *үнсэн овооноос шоргоолж хайх (үл бүтэх зүйл санах, мөрөөдөх), *үнсэн царайлах (дургүйцсэн болон ихэд айснаас царай нь зэвхийрэх), *үзвэл үнс, харвал хальс болох (харж үл болох), үнс гэдэг шатсаных, сүнс гэдэг шүтсэнийх зүйр. (бурхан, буг аль нь шүтэх сэтгэлээс үүдэлтэй), үнс ихэдвэл тулганд багтахгүй, хүүхэн ихэдвэл гэрт багтахгүй зүйр. (юм хэмжээндээ байвал сайн; олон хүүхэн эвтэй байдаггүй); 2Өнгө зүс, урам: үнс муу байх (сэтгэл санаа муу байх, урамгүй байх), үнс муутай харагдах (урамгүй харагдах, царай зүс муу харагдах).

'

'

'

'

'

'

Шилжсэн утга

• айх, сандрах, тэвдэх, уурлах, дургүйцэхэд нүүрний өнгө хувирах
• устах, үгүй болох

Холбоо үг

• аргалын үнс - аргал түлсний дараа гарах хаягдал
• үнсний сав - тамхины үнс хийх сав
• үнсний хутгуур - үнс хутгах зүйл
• үнсэн өнгө - цагаавтар өнгөнд харавтар өнгө хольцсоныг нь
• үнсэн саарал - үнс мэт зэвхий саарал өнгө
• үнс муу байх - сэтгэл санаа муу байх, урамгүй байх
• үнс муутай харагдах - урамгүй харагдах, царай зүс муу харагдах.

Хоршоо үг

• айх, сандрах, тэвдэх, уурлах, дургүйцэхэд нүүрний өнгө хувирах
• устах, үгүй болох

Зүйр цэцэн үг

үнс гэдэг шатсаных, сүнс гэдэг шүтсэнийх - бурхан, буг аль нь шүтэх сэтгэлээс үүдэлтэй үнс ихэдвэл тулганд багтахгүй, хүүхэн ихэдвэл гэрт багтахгүй - юм хэмжээндээ байвал сайн

Зөв бичих зүй

• м.к.б
• м.б

Хуучирсан үг

• - тогооны хөөг тостой хольж жижиг банзан хавтсанд наалдуулан дээр нь үнс түрхэн мод, хулсан үзгээр бичдэг бичгийн хэрэглэл