үйл баримт тогтоох

Монголоор

үйл баримт тогтоох (эрх зүйн ач холбогдол бүхий)

Хадмал үг

[англ. fixing/determination of juridical facts/facts carrying legal importance]

[ор. установление фактов (имеющих юридическое значение]

Тайлбар

хууль.

иргэний байцаан шийтгэх ажиллагаанд онцгой ажиллагааны хэргийн нэгэн төрөл. Эрх зүйн ач холбогдол бүхий дараахь үйл баримтыг шүүх хэрэг хянан шийдвэрлэх ажиллагааны журмаар тогтооно: 1) садан, төрлийн холбоо; 2) бусдын асрамжид байгаа эсэх; 3) төрөлт, үрчлэлт, гэрлэлт, гэрлэлт цуцлалт, нас баралтыг бүртгүүлсэн байдал; 4) эрх олгосон ямар нэгэн баримт бичиг (иргэний үнэмлэх, гэр бүлийн байдлыг бүртгэх байгууллагаас олгосон гэрчилгээнээс бусад)-т дурдсан овог, эцгийн нэр, нэр, төрсөн он, сар, өдөр нь иргэний үнэмлэх, төрсний гэрчилгээнд бичигдсэнтэй тохирохгүй байвал түүний жинхэнэ эзэмшигч нь мөн эсэх; 5) осол гэмтэл гарсан эсэх; 6) хүний ажиллаж байсан байдал; 7) хүүхдийн эцэг, эхийг тогтоох; 8) хүүхдээ тэжээн тэтгэх; 9) тэтгэлгийн хэмжээг өөрчлөн тогтоох; 10) гэрлэлтийг хүчин төгөлдөр бус, гэрлэлт цуцлалтыг хүчин төгөлдөр бус гэж тооцох; 11) хүүхэд асран хүмүүжүүлэх байгууллагад болон асран хүмүүжүүлэгчид шилжсэн хүүхэд, нийгмийн халамжийн байгууллагад шилжсэн хүний эд хөрөнгийг эрхлэн хамгаалагчид хариуцуулах; 12) эцэг, эх байх эрхийг хязгаарлах, хасах, сэргээх; 13) нас тогтоох; 14) тогтоох журмыг нь хуульд заагаагүй эрх зүйн ач холбогдол бүхий бусад үйл баримт. Эдгээр үйл баримтыг батлах баримт бичгийг өөр журмаар олж авах боломжгүй буюу үрэгдсэн баримт бичгийг сэргээх боломжгүй болсон тохиолдолд шүүх хянан шийдвэрлэнэ.

Creative Commons