чимэх үгс

Чимэх үг нь өгүүлбэр ба өгүүлбэрийн аль нэг гишүүний ерийн утгыг төрөл бүрийн баймж утгаар нэмж дэлгэрүүлэх үүрэгтэй.

1. Маш, нэн, тун, тас, тэс, час.
2. Хага, хуга, цоо, цөм, бяц, дэлбэ.
3. Сэр, чар, над, пэд, жир, пэр.
4. Шүү дээ, бэ, уу, биз, үл, эс, бүү.
5. Лав, магад, ялангуяа, ер, мэдээж, үнэхээр

гэх мэт туслах үгсийг чимэх үгс гэнэ.

Угтан чимэх үг: Өгүүлбэр ба өгүүлбэрийн гишүүний өмнө орж төрөл бүрийн баймж утга илтгэх маш, нэн, тун, улам, үлэмж, хага, хуга, цоо, пад, ер, бүү, битгий, яг, үнэхээр, үнэндээ гэх мэт үгсийг угтан чимэх үг гэнэ.

Даган чимэх үг: Өгүүлбэр ба өгүүлбэрийн гишүүний дараа орж төрөл бүрийн баймж утга илтгэх шүү, даа, даг, мөн, ёстой, юу, уу, биз, шив, маягтай, төлөвтэй, үгүй, дамжиггүй, вэ, ёсгүй гэх мэт үгсийг даган чимэх үгс гэнэ.

Гишүүнийг даган чимэх үг: Өгүүлбэр ба өгүүлбэрийн гишүүний дараа орж утгыг нэмэн дэлгэрүүлэх үүрэгтэй ч, л, биш гэх мэт үгсийг гишүүнийг даган чимэх үгс гэнэ. Жишээ нь: Танай сумын Батаа сайн хүн шүү.