цагдаагийн байгууллагын бүтцийн талаарх онолыг нотлох нотолгоо

Хадмал үг

[англ. evidence supporting these theories of police organizations]

Тайлбар

Сүүлийн жилүүдэд эмперик судалгаагаар орчин нөхцөлийн болон институцийн онолыг нотлох сонирхол ихээхэн бий болсон. Эдгээр оролдлогын үр дүнг товчхон багцлахад, эдгээр эмперик судалгаагаар харилцан адилгүй үр дүн гарсан учраас аль ч онолыг бүрэн нотолж чадаагүй юм.

Товчхондоо байгууллагын бүтэц нь орчин нөхцөлөөс шалтгаалан өөрчлөгдөж, түүнтэй ихээхэн хамааралтай байдаг гэдгийг зарим судалгаа нь тогтоосон Zhao’s (1996) (Langworthy 1986; Maguire 2003).

Мөн байгууллагын бүтэц нь институцийн буюу гадаад хүчин зүйлээс үүдэлтэйгээр өөрчлөгддөг гэдгийг бусад судалгаа ч тогтоосон юм Katz’s (2001).

Дээрх онолууд нь тодорхой цагдаагийн байгууллагуудын тухайд үнэн болох нь нотлогдсон. Цагдаагийн байгууллагын удирдах албан тушаалтан, улс төрчид гэх мэт бусад гадаад хүчин зүйлс нь цагдаагийн байгууллагын бүтэц, зохион байгуулалтын хэлбэрийг сонгоход тодорхой хэмжээнд нөлөө үзүүлдэг гэдгийг холбогдох судалгааны үр дүн харуулсан. Гэсэн хэдий ч бүтэц зохион байгуулалтын тодорхой асуудлыг шинэчлэхэд зөвхөн гадаад хүчин зүйлд тулгуурлах бус, харин илүү хариуцлагатай хандах хэрэгтэй гэдгийг шинэтгэл өрнүүлж буй хүмүүс нь анхаарах хэрэгтэй хэмээн зарим эрдэмтэд дүгнэсэн юм.