цааш

Монголоор

Үгийн дуудлага

[ʦa:ʃĭ]

Үндэсний бичиг

ᠴ‍ᠠ‍ᡍ‍ᠠ‍‍ᠰ‍᠊ᠢ

(чагаси)

Галиглах зарчим

Үгийн утга

дай.

1. Нааш гэдгийн эсрэг утга, чанагш
2. Товлосон хугацаанаас хойш, дараа
3. Өөр, бусад
4. Үйл үгийн захирах хүсэх төлөвийн ард орж хүч нэмэгдүүлэх, шургуу шаардах утга илэрхийлнэ

Нийлмэл үг

цааш бай! - чанагш, хол бай!

цааш бол! - эндээс холд!

цааш болох - а.хол болох; б.хойшлогдох, сунжрах

аравдаас цааш - арав хоносны дараагаар

маргаашаас цааш - маргааш өдрөөс хойш

үүнээс цааш - үүнээс хойш

үүнээс цааш юмгүй - үүнээс өөр юмгүй

тогловол тоглог цаашаа - тогловол тоглог яадаг юм

үхэг цаашаа - үхвэл үхэг, яавал яаг

хэлэг цаашаа - яршиг төвөг хэлэг

яваад үзэг цаашаа - яршиг, явна биз

Зөв бичихзүй

Үг хувилгах зарчим

Кирил бичгийн зөв бичихзүй

цааш орон. цаашхан

Үндэсний бичгийн зөв бичихзүй

ᠴ‍ᠠ‍ᡍ‍ᠠ‍‍ᠰ‍᠊ᠢ᠊ᢉᠢ᠋
ᠴ‍ᠠ‍ᡍ‍ᠠ‍‍ᠰ‍᠊ᠢ᠊‍ᠠ‍‍ᠠ‍‍ᠠ‍᠊ᠨ

/~х /~хан

Хоршоо үг

• цааш нааш - чанагш нааш
• нааш цааш - а.урдуур хойгуур; б.ийш тийш

Эсрэг үг

#нааш

Хэлц үг

Өвөрмөц хэлц

цаашаа ч үгүй, наашаа ч үгүй - гацах

цааш[аа] харах - (хар яриа) үхэх, нас барах~Түүний чинь дараа Өлзийт чи бид хоёрыг их сэжиглэсэн гэдэг. Тэр ашгүй эрлэгийн авралаар цаашаа харсан юм (П.Хорлоо, Говийн хүү). ~Эндэхийн хэдэн зөнөгийг цааш харахаар энэ юмнууд бидний гар дээр сул ирнэ (Х.Зандраабайдий, Цаг бусын хувилгаад).

цааш [нь] харуулах - (хар яриа) хүн, амьтныг алах, хороох~Тэр хоёр талийгч хүн Хятадад элэгтэй тул тэднийг цааш нь харуулах явдал Сайн Ноён ханы зэрэг хүнд ашигтай байжээ (Б.Ринчен, Үүрийн туяа).

цааш нь хийх - (хар яриа) хүний амь насыг бүрэлгэх~Дээрх хэргээр шалтгаалж, намайг цааш нь хийх зорилготой үйлдэл байсан гэж бодож байна. Харамсалтай нь тэд амжсангүй.

↑ хамраасаа цааш хардаггүй

↑ хүйтний ам наашаа, хөхүүрийн ам цаашаа

↑ хянган хамрыг нь цааш хийх

Хэвшмэл хэлц

Нааш харагсдын магнайд тос

Цааш харагсдын борвинд сүх

Хүн сайн ч хэлэхээс нааш санадаггүй

Цааш нимгэн ч чичихээс нааш цоордоггүй

Цаг мөчийг эрдэнэ шиг үз

Цааш чармайхаа үүрд бод