хөөрөх

Монголоор

Үгийн дуудлага

[xц:rә]

Үндэсний бичиг

ᠬᠥ᠊ᠭᠡ᠊ᠷᠬᠥ

(хөгэр)

Галиглах зарчим

Үгийн утга

I үйл.

1. Агаарт дээшлэх, дэгдэх
2. Сүү зэрэг шингэн буцлан даргих, хөөсрөх
3. Малын үс ноос хөндийрөх

II үйл.

1. Сэтгэл хөгжих, баярлах, бах болох

III үйл.

1. Хүүрнэн ярих, хэлэлцэх

IV үйл.анагаах.

1. Хүний биед жигд тэнцүү тархсан байвал зохих зүйл ямар нэгэн шалтгааны улмаас тэнцүүртэй байдлаа алдах

Нийлмэл үг

онгоц хөөрөх - онгоц газраас хөндийрөн дээш нисэх

нар хөөрөх - нар өндөрт гарах

манан хөөрөх - манан дэгдэж алга болох, манан дээшлэх

үүл хөөрөх - үүл дэгдэх, дээшлэх

сүү хөөрөх - сүү буцлан хөөсөрч дээш гарч ирэх

малын ноос хөөрөх - малын үс ноос суларч хөндийрөх

сэтгэл хөөрөх - сэтгэл хөгжих, баярлах

хөөрөх дуртай хүн - яриа хүн

хууч хөөрөх - өнгөрснийг дурсан ярилцах

хий хөөрөх - хий хөдлөх, хуян хөдлөх

хуян хөөрөх - шар ус хурах

цус хөөрөх - даралт ихдэх

шар хөөрөх - а.шар хөдлөх, шар хусах; б.шилж. хорсох, хор буцлах, хорсон уурлах

Зөв бичихзүй

Үг хувилгах зарчим

Кирил бичгийн зөв бичихзүй

хөө|р/өх үйл. ~ баярлах хорш., хөөрнө, хөөрчээ, хөөрч; хөөрцгөөх, хөөрчих

Хоршоо үг

• баярлах/баярлах хөөрөх - хүний сэтгэл хөгжин догдлох, бах болох
• хөөрөх хөхөх - хүний сэтгэл догдлон баясах
• ярих хөөрөх - санаа бодлоо солилцох

Хэлц үг

Өвөрмөц хэлц

цөс нь хөөрөх - аархах, уурлах

хөөрүүлбэл хаваасгүй оргих - хүсэж хөхвөл гэмгүй болох, тэнэг нь хөдлөх, бодлогогүй аашлах~Муусайн хүүхэд гэж дээ, хөөрүүлчихвэл хаваасгүй оргино. Таануус хүний өмнө хөлөө усттал гүйх дуртай бол та нарыг нэг гайгүй сайн хашрааж авъя (Б.Содномцэрэн, Манлай хүү).

↑ цөс нь хөөрөх

↑ шар хөөрөх

Аман зохиолд орсон нь

Зүйр үг

Үүл хөөрвөл бороо орох

Үг хөөрвөл хэрүүл болох

Тайлбар: хүний яриаг тэвчээртэй сонсож сур, хэтэрвэл хэрүүл болдог