хөшиг

Монголоор

Үгийн дуудлага

[xцʃig]

Үндэсний бичиг

ᠬᠥ᠊‍ᠰ‍᠊ᠢ᠊ᠭᠡᠡ᠋
ᠬᠥ᠊‍ᠰ‍᠊ᠢ᠊᠊ᠢ᠊ᠡ᠋

(хөсигэ)

Галиглах зарчим

Үгийн утга

I нэр.

1. Юмыг далдлах, салхи жавар зэргийг хаахаар хийсэн халхавч
2. Театрын тайзны өмнүүр татсан халхавч
3. хөшгөн ургамал (уриншилсан талбайд цас тогтоох, хөрсийг нь салхинд хийсэхээс хамгаалахын тулд тарьдаг наранцэцэг, гич, эрдэнэ шиш зэрэг ургамал), хөшгин уринш (хөшгин ургамал тариалсан талбай).

II нэр.

1. Суман онгоцны ёроолын хөндөл мод.

Нийлмэл үг

хөшиг татах - юмны урдуур халхлах юм татах

бурхны хөшиг - бурхны өмнүүр халхлах халхавч

гэрийн хөшиг - гэрийн дотуур татах халхавч

орны хөшиг - орны урдуур татах халхавч

утаан хөшиг - ялаа, шумуулаас хамгаалах зэрэгт их утаа май тавих нь

хөшиг хаах - хөшгөөр халхлах

хөшиг нээх - халхалсан хөшгийг нээх, тайзыг ил болгох

Зөв бичихзүй

Үг хувилгах зарчим

Кирил бичгийн зөв бичихзүй

хө|шиг нэр. утаан ~ (утаа май тавих) (тайзны халхавч) ~ хаах/нээх, хөшигний, хөш­гөнд, хөшигнөөс, о.тоо хөшигнүүд

Хоршоо үг

• хөшиг лавир - хаалт халхавч
• хөшиг манжлага - өргөө гэр, ор дэр зэрэг эд зүйлийн гоёлын халхавч

Хэлц үг

Өвөрмөц хэлц

хөшигний ард байх - өөрийн үнэн санаагаа нуух, далд байх