хүнс(эн)

Монголоор

Үгийн утга

хүнс(эн) нэр 1Хүний бэлтгэсэн хоол ундны зүйл: хүнс залгуулах (хоол ундны зүйл ойртуулах, бэлтгэж өгөх), хүнсний үйлдвэр (хүн амын хүнсний хэрэгцээг хангадаг үйлдвэрийн салбар), хүнсний дэлгүүр (идэх, уух юм зардаг дэлгүүр), хүнсний мөөг (хатаах, давслах, дарах зэргээр боловсруулж хүнсэнд хэрэглэдэг мөөг), хүнсний ногоо (төмс, байцаа, лууван, манжин гэх мэт хүнсэнд хэрэглэж болох бүх ногоо), хүнсний нөөц (хоол ундны хүрэлцээ), хүнсний хордлого (нян, түүний ялгаруулсан хороор хордож муудсан хүнсний зүйлээс үүсэх цочмог хордлогот өвчин), хүнсний чанарыг сайжруулах (хоол ундны амин дэмийг чанаржуулах), хүнсний эрүүл ахуй анагаах. (анагаах ухааны нэг салбар ухаан), хоол хүнс хорш. (идэх уух зүйл), хүнс тэжээл хорш. (хүн, амьтны хэрэглэх хоол ундны зүйл), хүнс голбол хоолгүй, хүн голбол нөхөргүй зүйр. (голж шилсэн хүн юу ч үгүй хоцордог), хүнсээр гэдсээ тэжээж, хүүгээр голомтоо сахиулах зүйр. (эрэгтэй хүүхэд голомтоо сахидаг); 2Аян замд авч явах идэш уушны зүйл: хүнс базаах (идэш хоолоо төхөөрөх), хүнс бэлтгэх (замд авч явах идэх, уух юмаа төхөөрөх), хүнс төхөөрөх (идэх уух зүйлээ бэлтгэх), хүнс сайтай явах (идэж уух юмаа сайтар базаан авч явах), замын хүнс (аяны идэш ууш), хоол хүнс хорш. (а.хүний өдөр дутмын идэш ууш; б.аян замд хэрэглэхээр бэлдсэн идэх юм), хүнс хэрэглэл хорш. (хоол хүнс болон түүнийг боловсруулах тогоо шанага зэрэг хэрэглэл).

'

'

'

'

Холбоо үг

• хүнс залгуулах - хоол ундны зүйл ойртуулах, бэлтгэж өгөх
• хүнсний үйлдвэр - хүн амын хүнсний хэрэгцээг хангадаг үйлдвэрийн салбар
• хүнсний дэлгүүр - идэх, уух юм зардаг дэлгүүр
• хүнсний мөөг - хатаах, давслах, дарах зэргээр боловсруулж хүнсэнд хэрэглэдэг мөөг
• хүнсний ногоо - төмс, байцаа, лууван, манжин гэх мэт хүнсэнд хэрэглэж болох бүх ногоо
• хүнс базаах - идэш хоолоо төхөөрөх
• хүнс бэлтгэх - замд авч явах идэх, уух юмаа төхөөрөх
• хүнс төхөөрөх - идэх уух зүйлээ бэлтгэх
• хүнс сайтай явах - идэж уух юмаа сайтар базаан авч явах

Зүйр цэцэн үг

хүнс голбол хоолгүй, хүн голбол нөхөргүй - голж шилсэн хүн юу ч үгүй хоцордог хүнсээр гэдсээ тэжээж, хүүгээр голомтоо сахиулах - эрэгтэй хүүхэд голомтоо сахидаг