хурд хэтрүүлэх тээврийн хэрэгслийг мөрдөн хөөх үүргээ гүйцэтгэхэд үүсэх эрх зүйн хариуцлага

Хадмал үг

[англ. liability and high speed chases]

Тайлбар

Замын хөдөлгөөний зөрчил үйлдэгдсэн бол, эсхүл сэжиг бүхий хүн, тээврийн хэрэгслийг цагдаагийн алба хаагч зогсох дохиог өгнө. Ихэнх тохиолдолд цагдаагийн алба хаагчийн дохио буюу зогсох шаардлагыг жолооч нар биелүүлдэг боловч цөөн тохиолдолд зогсохоос татгалзаж зугатаах оролдлого хийдэг. Энэ тохиолдолд цагдаагийн алба хаагч тухайн тээврийн хэрэгслийг мөрдөх хөөх эсэхийг өөрийн байгууллагаас гаргасан үйл ажиллагааны журам, сургалтаар эзэмшүүлсэн мэдлэг, чадвартаа үндэслэн шийдвэрлэх шаардлага гардаг. Энд дурдсан үйл ажиллагааны журам, сургалтаар зайлшгүй мөрдөн хөөх шаардлага, тэнд үүссэн эрсдлийг тооцох нөхцөл, чадварыг алба хаагчид олгосон байх ёстой. Эрдэл гэдэг зөвхөн цагдаагийн алба хаагчийн өөрийн болон зугатаасан сэжигтний аюулгүй байдлаас гадна олон нийтийн аюулгүй байдлын асуудал хамаарна.

Энд 1) сэжигтнийг баривчлах цагдаагийн алба хаагч; 2) цагдаагийн тээврийн хэрэгсэл; 3) сэжигтний зугатааж байгаа байдал, замын хөдөлгөөний нягтрал, явган зорчигчдын байдал зэргийг оролцуулан орчин нөхцөл; гэсэн гурвалжин үүсгэж авч үзэж болно. Сэжигтний хувьд баривчлагдахгүйгээр сул чөлөөтэй байх зорилготой, өөрөө аюул осол гаргахгүй зугатааж чадна гэсэн итгэл үнэмшилтэй байгаа, цагдаагийн ажилтны хувьд сэжигтнийг зогсоох, баривчлах үүрэг хариуцлага байгаа бөгөөд энэ хооронд явган зорчигч зэрэг бусад хүмүүст хохирол учруулахааргүйгээр тооцох шаардлага гардаг.

Цагдаагийн дарга нарын олон улсын холбооны Үйл ажиллагааны судалгааны төвөөс тээврийн хэрэгсэл мөрдөн хөөх ажиллагааны журмын загвар, тайлбарыг гаргасан байдаг.

Тээврийн хэрэгслийг мөрдөн хөөх ажиллагаанд тусгай дуут болон гэрэл дохио хэрэглэх, тээврийн хэрэгсэл албадан зогсоох хэрэгсэл хэрэглэх, галт зэвсэг хэрэглэх зэрэг ажиллагаанууд явагдаж болно.