хуй

Монголоор

Үгийн дуудлага

[xui]

Үндэсний бичиг

ᠬᠣ᠊᠊ᠢ

(хуи)

Галиглах зарчим

Үгийн утга

I нэр.

1. Хутга сэлэм зэргийг агуулах гэр, сав

II нэр.

1. Эргэн мушгирч, хоролзон нөөлгөлөх салхи

III нэр.

1. Торго, цаас зэргийн нэгэн бүхэл ороомог буюу бүхэл толгой, бүхэл хуйлаас

IV.

1. хурал хуй хорш. (олон хүмүүсийн хэрэг зөвлөлдөх цуглаан).

V нэр.

1. Хавтгайдуу урт биетэй нэг зүйл загас;
2. зэвэг загасны зулзага

VI.

1. хуй хуй (Хотон ястан).

Нийлмэл үг

бууны хуй - бууны гэр

хутганы хуй - хутганы гэр

хуй салхи - хэсэгхэн газрыг хамран эрчилсэн агаарын хуйлрал

хуй босох/хуй дэгдэх - хуй салхи хөдлөх

усан хуй - а.ус бороо бүхий агаарын хуйлрал; б.тэнгис далайн гадаргын агаарын хуйлрал, давалгаа

цасан хуй - цас бүхий агаарын хүчтэй хуйлрал

элсэн хуй - элс хуйлран босох

хуй хуйд хөөгдсөн юм шиг/хуй хуйд намнуулсан юм шиг - салхинд хөөгдсөн юм шиг

нэг хуй торго - нэг толгой торго

хоёр хуй цаас - хоёр боодол цаас

хуй алаг нугас амьт. - толгой нугастай адил болоод цагаан эрээн нэгэн зүйл шувуу

ахуй булаг нугас амьт. - хуй алаг нугастай адил болоод эрээн нэгэн зүйл шувуу

хуй шаазгай амьт. - шаазгайтай адил, үнсэн өнгөтэй, урт сүүлтэй, хэрээний язгуурын нэг зүйл шувуу

Зөв бичихзүй

Үг хувилгах зарчим

Кирил бичгийн зөв бичихзүй

хуй нэр. хуйн, хуйд, хуйг, хуйнаас, хуйгаар, о.тоо хуйнууд

Хоршоо үг

• хуй хуй - салхи
• хурал хуй - олон хүмүүсийн хэрэг зөвлөлдөх цуглаан

Хэлц үг

Өвөрмөц хэлц

хуй салхи шиг - маш хурдан

хуй татуулах - маш хурдан явах

хуй салхи шиг/мэт - маш хурдан~Олон дайсны суманд оногдолгүй, хуй салхи шиг хурдан давхиж байжээ (Н.Батбаяр, Өндөрт хатгасан туг). ~Бэлтрэг ийнхүү хуй салхи мэт эргэлдэн давхихад хажууханд нь харж зогссон Чэнь Жэнь түүнийг төвөөс зугтах хүчиндээ дийлдэн бөөрөнцөг мэт шидэгдээд аглаг уул руу зугатан улсын хил даваад явчих вий дээ хэмээн битүүхэн зовнино (Зян Рун, Чонон сүлд).

хуй татуулах - маш хурдан:

~ Хүлээ охин минь дурлал хайрыг - '

Хүлээснийхээ хэрээр чи жаргах болно - '

Хуй татуулан өнгөрөх салхинд - '

Хэнд ч хэлээгүй үгээ шивнээрэй.

- '

Хэвшмэл хэлц

Ганга – жалган дотроос

Хуй – салхин дотроос

Зан муут – хүн дотроос

Зусар – зальхай дотроос

Жалга ганганы дотроос

Хуй салхины дотроос