хорт

Монголоор

Үгийн дуудлага

[xortŏ]

Үндэсний бичиг

ᠬᠣ᠊ᠣ᠊᠊ᠷ‍ᠠ‍ᠳ᠋ᠣ
ᠬᠣ᠊ᠣ᠊᠊ᠷᠳ᠋ᠣ

(хоурату) ~ бодис (хоурту) ~ санаа

Галиглах зарчим

Үгийн утга

I тэм.

1. Хор бүхий юм

II тэм.

1. Гэм, хөнөөл бүхий

Нийлмэл үг

хорт бодос - хордуулах бодос

хорт могой - а.хор боловсруулах булчирхай хор бүхий могой; б.шилж. хорон санаатай хүн

хорт мөөг - хортой бодос агуулсан мөөг

хорт өвс - хортой өвс

хорт сум - хор шингээсэн сум

хорт утаа - амьсгал боогдуулах утаа

хорт уур - хүнд хор болох муу уур амьсгал

хорт хий - хоромхон зуур амьсгал боогдуулах хий

хорт эм - үхэлд хүргэх эм, хордуулах эм

хорт цоор урга. - үндэслэг иш нь бүдүүн, голдоо хөндий, өдлөг нийлмэл навчтай шүхэр хэлбэрт цагаан баг цэцэгтэй олон наст өвслөг хорт ургамал

хорт бор урга. - цувран ургадаг сондгой өдлөг нийлмэл жижиг навчтай, цагаан цэцэгтэй, бөөрөнхий улаан жимстэй тураг мод, жимсээр нь архи нэрдэг

хорт бодос - бие махбодын хэвийн үйл ажиллагааг өөрчлөн эрүүл мэндэд хөнөөл учруулдаг химийн нэгдэл

хорт дайсан - хөнөөл ихт дайсан

хорт сэтгэл - гэм хор агуулсан, муу сэтгэл

хорт ургамал - хүн, амьтны бие махбодын хэвийн үйл ажиллагааг хямруулах, өөрчлөх үйлчилгээ бүхий бодос агуулсан ургамал

хорт хавдар анагаах. - эрхтэн, эдийн үүсвэр залуу эсээс тогтсон, орчныхоо эрүүл эд рүү шургалан орж эвдэн сүйтгэж, судас гэмтээн түүгээр хавдрын эс нэвтрэн тархаж, өөр эрхтний эдэд үсэрхийлэн хоёрдогч голомт үүсгэдэг, дахидаг, эсийн хэт үржлийн шинэ тогтоц

хорт чоно - хөнөөл учруулдаг чоно

Зөв бичихзүй

Үг хувилгах зарчим

Кирил бичгийн зөв бичихзүй

хорт тэм..

Товчилсон үг

ХҮХБ Хүчтэй Үйлчилгээтэй Хорт Бодис

Хэлц үг

Хэвшмэл хэлц

Горьч хүн тавлахгүй

Хорт мал таргалахгүй

Муу үг бүү дуул

Муухай өнгө бүү үз

Хорт сэтгэл бүү агуул

Хоосон үг бүү чалч

Туст явдлыг олон хэмээн битгий сандар

Хорт үйлсийг өчүүхэн хэмээн бүү сэд

Харамч хүнд үгүй олон

Хорт хүнд мэх олон

Хов үгэнд хол ойр гэж үгүй

Хорт могойд бүдүүн нарийн гэж үгүй

Ховдог хүнд хоолгүй

Хорт санаанд үзүүргүй

Ховдог хүний санаа ханахгүй

Хорт хүний сэтгэл буцахгүй

Ховдог хүний сэтгэл хангалуунгүй

Хорт хүний сэтгэл энэрэнгүй

Ховч үгийг сонсвол

Хорт могойгоор таяг хийсэнтэй адил

Хоёр тэнэг айл болохгүй

Хорт могойд хүрч болохгүй

Хонжоо харагч

Хорт мэхч

Хоргодог тэмээний бөгс нь бөх

Хорт хүний нүүр нь бөх

Хорт дайсантай ойр суувал сэрэмжээ

Холчиргон хүнтэй хавь суувал сэрэхийгээ

Хорт идээнд дурлаж биеэ битгий бар

Хууль бусаар явж хүнээ битгий бар

Хорт могой шиг хяхарч

Ховдог чоно шиг архирах

Хорт могойг нарийн гэж бүү барь

Хулгай худлыг өчүүхэн гэж бүү бас

Хорт могойд нарийн бүдүүн ялгаагүй

Хортон дайсанд хол ойр ялгаагүй

Хорт могойд ойр суувал хормой хотоо сэрэмжил

Холчиргон мууд ойр нутаглавал хороо хотоо дээшлүүл

Хорт могойн дэргэд гэрэл тодрохгүй

Хорт атаатны дэргэд эрдэмтэн тодрохгүй

Хорт могойн хэл урт

Ховч хүний хоншоор урт

Хорт могойн хэл хурц

Ховдог хүний шүд хурц

Хорт могойн хэлний үзүүр хурц

Хорт хүний хоншоорын үзүүр хурц

Хорт өвсийг үндсээр нь зулгаахгүй бол

Хойдын хавар дахиад ургана

Хорт сумаар нэгийг алдаг

Хорон үгээр мянгыг алдаг

Хорт хүнд нөхөргүй

Хулчгар хүнд итгэлгүй

Хорт хэл могой адил

Ховдог санаа чоно адил

Хортон дайсныг бага гэж

Хорт могойг нарийн гэшгүй

Хуурамч нүд

Хорт сумнаас аюултай

Аман зохиолд орсон нь

Зүйр үг

Хорт могойд нарийн бүдүүн ялгаагүй

Хортон дайсанд хол ойр ялгаагүй

Тайлбар: дайсан л бол хол ч байсан, ойр байсан ч хор хүргэдэг

Хорт өвсийг үндсээр нь зулгаахгүй бол хойтон хавар дахиад ургана

Тайлбар: муу юмыг үндсээр нь арилга

Хорт сумаар нэгийг

Хорон үгээр мянгыг

Тайлбар: муу үгээр олон хүнийг шархлуулж болно

Хорт үг хутга

Хорон санаа жад

Тайлбар: муу үг мэснээс ч илүү шархлуулдаг