хомоол

Монголоор

Үгийн гарал

Толь бичгийн толгой үгсийн жагсаалт энэ тэрийг сонирхоход, тэмээний “хом”буюу тэмээнд нуруу ачаа ачихад зоо нурууг нь хамгаалж бамбайлан нөмөргөдөг эсгий хөлсөвч – “хом”, бас тэргэнд хөллөх малын хүзүүнд өмсгөн, оосроор тэрэгний аралд холбодог “хом” буюу “хомут”, мөн тэрчлэн тарган тэмээний хоёр бөхний хажуу зурааг дагаж гардаг хэсэг талбайн бөөн өөх буюу “хом” өөх зэрэг нь “хом” гэсэн нэг язгуурт үгсийн үүрийг үүсгэдэг байна.

Үгийн дуудлага

[xomo:l]

Үндэсний бичиг

ᠬᠣ᠊᠊ᠮᠣ᠊ᠯ

(хомул)

Галиглах зарчим

Үгийн утга

нэр.

1. Адууны хатсан баас

Нийлмэл үг

хар хомоол - нар салхинд сайтар хатсан, түлэхэд тохиромжтой хомоол

хөх хомоол - нар салхинд удаж өгөршсөн хомоол

дааган хомоол - хялгасаар холбогдсон хоёр хомоол

Зөв бичихзүй

Үг хувилгах зарчим

Кирил бичгийн зөв бичихзүй

хо|моол нэр. хомоолын, хомоолд, хомоо­лоос

Хоршоо үг

• аргал хомоол - түлшинд хэрэглэх адуу, үхрийн хатсан баас

Хэлц үг

Өвөрмөц хэлц

хомоол дээр гарсан бор бялзуухай - ялихгүй атлаа дээгүүр санаат хүн

хомоол хамах - уралдсан морь сүүлдэж ирэх

хомоол хамах - (мууш.) уралдсан морь сүүлдэж ирэх~Дургүйд хүчгүй гэгчээр хүн албадаж сохор зоосны үнэгүй уяулсан морьд хомоол хамахаас өөр яах билээ (Ч.Лодойдамба, Тунгалаг тамир).

↑ хяруу даахгүй өвс, хамаглахыг даахгүй хомоол

Хэвшмэл хэлц

Хов зөөсөн хүний ам завгүй

Хомоол түүсэн хүний гар завгүй