хов

Монголоор

Үгийн дуудлага

[xow]

Үндэсний бичиг

ᠬᠣ᠊ᠪ

(хоб)

Галиглах зарчим

Үгийн утга

I нэр.

1. Бусдыг муушаан эв эвдрэлцүүлэх муу үг

II сул.

1. Хүч нэмэгдүүлэх үг

Нийлмэл үг

хов зөөх - бусдын тухай элдэв муу үгийг хоёр этгээдэд дамжуулах, хов хэлэх

хов үг - хү-мүүсийг хооронд нь муутгах сул үг

ховын тулам болох - хов ярих, хов зөөхдөө гаргуун болох

ховын хэрээ ёгт. - ховч хүн

хов хөөцөлдөх - а.дэл сул үг яриаг хэн нэгнээс дуулснаа нөгөөд ярих; б.хэн хов хутгаж явааг олох гэж улайрах

хов хэлэх - нэгийг нөгөөд нь муу хэлэх, хүний хэлсэн ярьныг нөгөөд дамжуулан хэлэх

хов хийтэл - бушуухан, шууд

хов хоосон - огт юу ч үгүй

Зөв бичихзүй

Үг хувилгах зарчим

Кирил бичгийн зөв бичихзүй

хов нэр. ~ жив хорш., ховыг, ховд

Хоршоо үг

• хов жив - хүмүүсийг хооронд нь муудуулах үг, яриа
• хов шив - хов жив
• хов хач - хүмүүсийг хооронд нь муутгах хов үг

Этгээд үг

БОР ШУВУУ н. улс төрийн хов жив

• Онц Их хурлын хөдөлгөөнийг тойрсон бор шувуу арай өөрөөр жиргээд байна.
• Тус засгийн газрыг удахгүй бууна гэсэн бор шувуу нисч эхэллээ.

БОР ШУВУУ НИСГЭХ хэл. улс төрийн зорилго бүхий хов жив тараах

• Тэд болох болохгүй зүйлийн ард намайг байна гээд бор шувуу нисгэж байна. Үнэндээ тийм зүйл байхгүй.
• Сөрөг хүчнийхэн эвслийн засгийн газар удахгүй бууна гэсэн бор шувуу нисгэж байна.

БОР ШУВУУ НИСЭХ хэл. улс төрийн хов жив тарах

• Төрийн ордноор намууд албан тушаал хэрхэн хуваахаа тохирсон тухай бор шувуу нисэж эхэлжээ.
• Засгийн газар удахгүй огцорно гэсэн бор шувуу нисэж эхэллээ.

БӨГС УХАХ хэл. бусдыг эзгүйд ховлох

• Тэр үргэлж хүний бөгс ухаж байдаг юм.
• Би чиний бөгсийг ухсан ч чадна.

МАТААС н. хов жив

• Би түүнийг матаас хүн гэдгийг мэднэ.
• Чи надад матаас хэлэх гэж байна уу?

МАТАХ тү. ховлох, мэдээлэх

• Хуучин цэрэг: –Чи дахиж намайг ротын даргад матах уу? Шинэ цэрэг: –Үгүй, матахгүй.
• Чи намайг багшид матсан байсныг би мэдсэ н.

МЕССЕЖ НИСГЭХ тбү. хов цуу тараах

• Би ийм мессеж нисгээгүй, чи андуурч байна.
• Хэн засгийн газрыг огцорно гэсэн мессеж нисгэдэг байна.

МЕССЕЖ НИСЭХ тбү. хов цуу тарах

• Ерөнхий сайд ирэх сард огцорно гэсэн мессеж нисэж байна.
• Ирэх сард бидний цалин нэмэгдэнэ гэсэн мессеж нисэж байгааг чи сонссон уу?

МЭС ЗАСАЛ ХИЙХ хэл. сонгуулийн саналыг засаж өөрчлөх. О.хирургическое вмешательство(мэс заслын оролцоо)

• Намууд ард түмний саналаа засаж өөрчлөх аргаа мэс засал хийх гэдэг байна.
• Энэ удаагийн сонгуулийн олон тойрогт мэс засал хийсэн гэсэн яриа гараад байна.

ОЛИОЧ н. хов жив зөөх хүн

• Би түүн шиг олиоч биш.
• Би түүний олиочийг сайн мэднэ.

ОЛИОШИК н. хов зөөж олих хүнМ.олио-О.-шик(нэр үг бүтээх дагавар)

• Чиний найз шал олиошик юм. Манай ээжид намайг ажлаа тасалсан гэж ольсон байса н.
• Түүнийг би олиошик гэдгийг мэдэхгүй.

ОЛИХ тү. хов хэлэх

• Чи шар сонинд намайг бусдад үргэлж ольж ажил хийлгэдэггүй гэж гомдолжээ.
• Хэн чамайг хулгай хийсэн гэж цагдаад ольсон юм бэ?

ШУРГАА н. бусдад хов зөөгч

• Тэр хүн шургаа юм. Болгоомжлоорой.
• Би түүнийг шургаа гэдгийг мэдээгүй юм.

ШУРГАХ тү. хоёр этгээдийн завсар хов зөөх

• Чи хоёр хүний хооронд битгий шургаад бай.
• Тэр бид хоёрын завсар шургасныг би мэдээгүй байжээ.

Хэлц үг

Хэвшмэл хэлц

Зөв үгийг авбал бүтнэ

Хов үгийг итгэвэл эвдэрнэ

Үг хөөхөөр үхэр хөө

Хов хөөхөөр хонь хөө

Хов жив хэлсээр үнээ барна

Ховх цөм идсээр юмаа барна

Хов жив хэлсээр хүнээ барна

Ховдоглож сувдаглаж идсээр юмаа барна

Хов зөөсөн хүний ам завгүй

Хомоол түүсэн хүний гар завгүй

Хов толгой хонины бэлчээр

Хожгор толгой батганы бэлчээр

Хов туухаар

Хонь туу

Хов үг идсэн хүний санаа нь амрахгүй

Хоёр эхнэр авсан хүний сэтгэл нь амрахгүй

Хов үг тусгүй

Хонины бүлх шөлгүй

Хов үг үнэн үгүй

Домон мод хатуу үгүй

Хов үгэнд үнэн үгүй

Худал үгэнд сайн үгүй

Хов үгэнд үнэн цөөхөн

Худал үгэнд сайн цөөхөн

Хов үгэнд хол ойр гэж үгүй

Хорт могойд бүдүүн нарийн гэж үгүй

Хов хорноос дор

Хор галаас дор

Хов хортой

Хонзон муухай

Хов хот эвддэг

Хонь хороо нураадаг

Хов хутга

Хор жад

Хог ихэдвэл лай болно

Хов ихэдвэл хэрүүл болно

Хоёр үзүүрт зүүгээр оёдол оёж болохгүй

Хов хоншоорт хүнд хэрэг сонсгож болохгүй

Хойшоо урагшаа гүйгээч

Хов жив зөөгөөч

Хонь гэхэд хойшоо ухардаг

Хов гэхэд урагшаа сугардаг

Хоосон үг цаг барна

Хов үг эе эвдэнэ

Хоосон үг цагаа барна

Хов үг нөхрөө барна

Худал үг хуурай худаг

Хов үг хурц хутга

Аман зохиолд орсон нь

Зүйр үг

Хов жив хэлсэнээр хүнээ барна

Ихэр ш идсэнээр хүнсээ барна

Тайлбар: хов жив хөөцөлдвөл нэр хүндгүй болно

Хов үг ёртой

Хутганы үзүүр шортой

Тайлбар: хов үг хөөцөлдөх нь муу, ёр дагуулдаг