хар тамхи, мансууруулах бодисноос хамгаалах боловсрол

Хадмал үг

[англ. drug abuse resistance education (d.a.r.e)]

Тайлбар

Хар Тамхи, Мансууруулах Бодисноос Хамгаалах Боловсролын хөтөлбөр нь хүүхэд багачуудад хар тамхи, мансууруулах бодис болон согтууруулах ундааны талаар мэдлэг олгодог хамгийн шилдэг стратегиудын нэг юм. Америкийн Хар Тамхи, Мансууруулах Бодисноос Хамгаалах Боловсролын хөтөлбөрийн Шинжлэх Ухааны Зөвлөлийн дарга, доктор Херб Клеберийн мэдээлэлснээр тус хөтөлбөр нь жилдээ 26 сая хүүхдэд хүрдэг бөгөөд нийт сургуулийн дүүргүүдийн 75 хувийг хамруулдаг байна. Тус хөтөлбөрийг одоогоор 50 гаруй улс оронд хэрэгжүүлээд байгаа.

Хар Тамхи, Мансууруулах Бодисноос Хамгаалах Боловсролын хөтөлбөрийн гол утга санаа нь хүүхэд багачуудад хар тамхи, мансууруулах бодис болон согтууруулах ундааны талаар мэдлэг олгож, үүнийг нь өөрсдийгөө хүндэтгэх болон шийдвэр гаргах ур чадвартай хослуулснаар тэд өсвөр насандаа тэдгээр бодисыг ашиглаж, туршиж үзэх магадлал эрс буурна гэсэн санаа юм. Уг боловсролын хөтөлбөр нь хүүхэд багачуудын амьдралыг хууль сахиулах байгууллагууд, сургуулиуд, эцэг эх болон орон нутгийн хамтын ажиллагаагаар сайжруулах зорилготой.

Хар Тамхи, Мансууруулах Бодисноос Хамгаалах Боловсролын хөтөлбөрийг анх Лос Анжелес хотын цагдаагийн хэлтсийн дарга Дарил Гейтс (1979-1992) өөрийнх нь хүүхэд мансууруулах бодисонд донтсоноос болж Лож Анжелес Мужийн Сургуулиудын Зөвлөлд санал тавьснаар бий болгож байсан түүхтэй. Тус хөтөлбөрийг 1983 онд хамгийн анх тус Лос Анжелес Мужийн Сургуулийн Дүүргийн 5 дугаар ангийн суралцагчдад зааж эхэлсэн байдаг.

Хүн ам зүйн шинж –demographic factors

Судалгааны үр дүн хохирогчдын хүн ам зүйн шинжээс шалтгаалан тэдний цагдаад хандах сэтгэл ханамж харилцан адилгүй байдаг гэж дүгнэсэн бол зарим судлаачид энэ үр дүнг үгүйсэгдэг байна . Зарим судалгаа нь хохирогчдын нийгэм, эдийн засгийн байдал цагдаад үзэх хандлагад чухал нөлөөтэй гэж дүгнэдэг. Тухайлбал гэмт хэргийн хохирогч өндөр орлоготой байх тусам хэргийг хэрхэн шийдвэрлэсэнээс үл хамааран цагдаад сэтгэл ханамж муутай байдаг гэж үзэж байхад Их Британид явуулсан судалгаагаар ядуу болон орлого багатай бүсийн оршин суугчид цагдаад сэтгэл ханамж туутай байдаг гэж үзжээ. түүнчлэн өндөр настай гэмт хэргийн хохирогчид залуу хүмүүстэй харицуулахад цагдаад сэтгэл ханамж өндөр байдаг бол хохирогчдын хүйс, арьсны өнгө, цагаач иргэд эсэхээс хамааран мөн цагдаад хандах хандлага харилцан адилгүй байдаг байна.