харгалзан дэмжилт

Монголоор

Хадмал үг

[англ. guardianship]

[ор. попечительство]

Тайлбар

хууль.

иргэний амин хувийн ба эд хөрөнгийн эрх, ашиг сонирхлыг хамгаалах эрх зүйн хэлбэрийн нэг. Иргэний ба гэр бүлийн хуулиар зохицуулагдана. Х.д.-ыг 14-өөс 18 хүртэл насны насанд хүрээгүй иргэнд тогтооно. Насанд хүрээгүй иргэн хуулиар зөвшөөрснөөс бусад хэлцлийг харгалзан дэмжигчийн зөвшөөрлөөр хийнэ. Тэрчлэн МУ-ын ИХ-ийн 19 дүгээр зүйлд заасны дагуу мансууруулах болон сэтгэцэд нөлөөлөх бодис, согтууруулах ундаа байнга хэрэглэж, гэр бүлээ эдийн засгийн талаар хүнд байдалд оруулсан насанд хүрсэн этгээдийн иргэний эрх зүйн чадамжийг сонирхогч этгээдийн хүсэлтээр, шүүх хуулиар тогтоосон журмаар хязгаарлаж, харгалзан дэмжигч томилж болно. Иргэний эрх зүйн чадамж нь хязгаарлагдсан этгээд хязгаарлагдаагүй чадамжийнхээ хүрээнд, харгалзан дэмжигчийн зөвшөөрлөөр хэлцэл хийнэ.

Creative Commons