харвах

Монголоор

Үгийн дуудлага

[xarwă]

Үндэсний бичиг

ᠬᠠᠷᠪᠤ‍ᠠ‍‍ᠠ‍ᠣ

(харбу)

Галиглах зарчим

Үгийн утга

үйл.

1. Нумын хөвчийг татан сум үсэргэх
2. Чавх буюу хуруугаар нясалж, шагай харвуулын сумыг үсэргэх
3. Сум, пуужин, тэргүүтнийг хөөргөх
4. Зарим юмыг юмаар шидэж онох
5. шилж. Шингэн зүйл олгойдон цацах
6. шилж. Од унах, мөхөх
7. шилж. Нарны хурц илчинд дайрагдах, цохигдох, шарагдах
8. шилж. Зарим амьтны биеэ хурааж байгаад үсрэх
9. шилж. Маш хурдан давхих, хар хурдаараа явах
10. шилж. Ямар бодол санаа ухаан санаанд түргэн орж ирэх, хурдан ухаарах, ойлгох
11. Гэрэл чийг зэрэг юманд цохигдох

Нийлмэл үг

сум харвах - сум тавих

өдөр хоног харвасан сум шиг өнгөрөх - өдөр хоног маш хурдан өнгөрөх

шагай харвах - Монгол үндэсний наадам шагай тоглох; шагайлцах

мина харвах - мина буудах

пуужин харвах - пуужин хөөргөх

хушга харвах - хушгийг ямар нэгэн зүйлээр онох

бай харвах - ямар нэгэн зүйлийг шидэж байг онох

цус харвах анагаах. - хүн амьтны цусны даралтад өөрчлөлт орж, судасны хана задрах

од харвах - од унах

солир харвах - солир унах

нар харвах - наранд цохигдох, нарших

могой харвах - могой үсрэх

ухаан харвах - түргэн ухаарах

бодол харван орж ирэх - юм бодож байтал санаандгүй нэгэн бодол орж ирэх

чийг харвах - чийгэнд нэрвэгдэх

Зөв бичихзүй

Үг хувилгах зарчим

Кирил бичгийн зөв бичихзүй

хар|ва/х үйл. пуужин ~ (хөөргөх) шилж. цус ~ (судасны хана задрах), харвана, харважээ, харвая, харваж; харвалцах, харвазнах, харвацгаах, харвачих

Хоршоо үг

• харвах намнах - ан амьтныг мориор хөөж харвах

Хэлц үг

Өвөрмөц хэлц

сумаа харваад нумаа нуух - бусдыг далдуур хатган өдөөж ямар нэгэн муу зүйл хийлгээд биеэ нууж үлдэх

сур харвах - гэдэс гүйлгэх

од нь харвах - аз нь хаях, ажил үйлс нь бүтэхээ байх

харвасан сум шиг - маш хурдан

харвасан сум шиг - маш хурдан~Хээр морь Хонгор, Галсан хоёрын дундуур харвасан сум шиг чавхдан дайрч өнгөрөв (Ч.Лодойдамба, Тунгалаг тамир). ~Цэв цэнхэр тэнгэрийн мандлаар цагаан утас сүвлэн харвасан сум мэт тийрэлтэт онгоц шуумайн нисэхийг үзээд... (С.Эрдэнэ, Ихэр толгодын дунд). ~Хурдлахын хувьд бүр ч онцгой, харвасан сум шиг сунайна. Иймд энэ өлөгчин ёстой үзэсгэлэн гоо өлөгчин юм (Д.Намдаг, Хөгшин чоно ульсан нь).

↑ нар харвах

↑ од нь харвах

↑ өдөр хоног харвасан сум шиг өнгөрөх

↑ сумаа харваад нумаа нуух

↑ сур харвах