хань

Монголоор

хань барисаа

Үгийн дуудлага

[xȧnĭ]

Үндэсний бичиг

ᠬᠠ‍ᠨᠢ

(хани)

Галиглах зарчим

Үгийн утга

нэр.

1. Хүний аж амьдрал, аян замд бараа болох, ажил албанд хамт ажилладаг, хамт байх нөхөр
2. Дэр нийлсэн янаг амраг
3. Санал зөвлөгөө өгч харилцан тусалж дэмжих нөхөр

Нийлмэл үг

хань болох - а.аян замд хамт явах; б.түшиг хамжаа болох

хань сайтай - а.аян замд, ажил хэрэгт түшиг сайтай; б.олон сайхан найз нөхөртэй; в.ханилсан нөхөр нь хүн чанартай

хань муутай - а.ажил хэрэг, аян замд явахад түшиг муутай; б.сайн найз нөхөр байхгүй буюу цөөн; в.ханилсан нөхөр нь хүн чанар муутай

хань татах - бусдыг хань нөхөр болгохын тулд биедээ татах, хамтрах

хань хамсаатан - нэг зорилготой хүмүүс

хань хийх - хүн, амьтныг өөрийн хань бараа болгох

замын хань - а.аян, явдалд нөхөр болон явагч; б.шилж. үйл ажилдаа түр ашиглах хүмүүс

сайн хань - а.сайн нөхөр; б.сайн эхнэр

үнэнч хань - а.үнэнч нөхөр; б.үнэнч эхнэр /нөхөр/

хайрт хань - хайрлаж дурлан гэрлэсэн хүн

дотнын хань - дотно нөхөр, маш итгэмжилсэн нөхөр

Зөв бичихзүй

Үг хувилгах зарчим

Кирил бичгийн зөв бичихзүй

хань нэр. б.түшиг болох), ха­нийн, ханьд, ханиас

Үндэсний бичгийн зөв бичихзүй

ᠬᠠ‍ᠨᠢ  ᠶᠢ‍᠊ᠨ
ᠬᠠ‍ᠨᠢ ᠳ᠋ᠣ
ᠬᠠ‍ᠨᠢ ᠊ᠢ᠊᠊ᠢ
ᠬᠠ‍ᠨᠢ ᠡᠴ᠊‍᠊ᠨ
ᠬᠠ‍ᠨᠢ ᠪᠡ᠊ᠷ
ᠬᠠ‍ᠨᠢ ᠲ᠋‍ᠠ‍᠊ᠢ
ᠬᠠ‍ᠨᠢ ᠡᠣ᠊᠊ᠷᠣ᠊ᡍᠣ
ᠬᠠ‍ᠨᠢ ᠪᠡ᠊ᠨ

/~ийн /~д /~ийг /~аас /~аар /~тай /~ руу /~аа

Хоршоо үг

• хань хамсаа - хамтрагч
• хань бүл - а.гэр бүлийн хүн, гэрлэсэн хүн; б.хүн хүч
• хань ижил - гэр бүлийн хүн, эхнэр, нөхөр
• хань нөхөр - а.анд нөхөр, хамтрагч; б.амьдралаа холбон дэр нэгтгэсэн эр

Хэлц үг

Өвөрмөц хэлц

ханийн тэнгэртэй - сайн ханьтай учрах хувь тавилантай

Хэвшмэл хэлц

Морины сайнтай хүн зам мэдэхгүй

Хань сайнтай хүн зовлон мэдэхгүй

Морь сайтай хүн зам мэдэхгүй

Хань сайтай хүн зовлон мэдэхгүй

Халтар морио догшин гээд хардаж битгий ташуурд

Хань нөхрөө халамжгүй гээд муу битгий хэл

Хань нөхрөөсөө салбал

Харь хүнд дарлагдана

Хань ханьдаа

Хайр элсэндээ

Хашаа муутай бол малаа алдахын тэмдэг

Хань муутай бол хүнээ гээхийн тэмдэг

Хувирдаг зантай хүнд

Хань нөхөр тогтохгүй

Хуучин дээл охордвол харганы бутанд торно

Хань нөхрөөсөө салбал харийн хүнд дарлагдана

Хуучин дээл урагдвал харганын бутанд торно

Хань нөхрөө гомдоовол харийн хүнд шоглогдоно

Аман зохиолд орсон нь

Зүйр үг

Хашаа муутай бол малаа алдахын тэмдэг

Хань муутай бол хүнээ гээхийн тэмдэг

Тайлбар: сайн найз нөхөр эрхэм, муу хүнтэй нөхөрлөх хэрэггүй

Хань даа хайр элгэндээ

Тайлбар: нэг нэгэндээ тус дэм болох