хана(н)

Монголоор

Үгийн утга

хана(н) II нэр 1Монгол гэрийн туурга босгон барих зориулалт бүхий торлон үдэж бэхэлсэн савханцар яс мод: ханын толгой (унины бөгсийг сагалдаргаар бэхлэн тавьж тогтоох жижиг ацнууд), ханын үдээр (ханын моднуудыг товчлон үдэх бэхлээс), ханын үдээс (ханыг үдэх сур), ханын шийр (ханын газарт суурилан тулж тогтох доод хэсэг), хана амлах (монгол гэрийн ханыг амаар нь нийлүүлж угсрах), ханын ам (монгол гэрийн ханыг нийлүүлэн боох уулзвар), ханын нохой ам (хоёр ханын нийлдэггүй буруу ам), ханын нүд (дэлгэсэн ханын дөрвөлжин нүхнүүд), ханын цаг (хананд хадахад тохируулсан том цаг), *ханын нүдээр харах (хайхрамжгүй байх, тоохгүй байх гэсэн санаа), *хана үдмээр (маш туранхай, туйлын эцэнхий), *хаалгаар багтахгүй байх (их зан гарган айлчилж ирэхээ болих), *хана мөргүүлэх (залилах, хууран мэхлэх), *хананд харваад оготно онох (санаандгүй аз завшаан тохиолдох), *хананд шахах (гарах газаргүй болгох, аргагүй байдалд оруулах), ханын нүдээр шургаад хаалгаар багтахгүй бүдүүрэх зүйр. (эд хөрөнгө идэж завшиж баяжих), ханан гэр холдож, хадан гэр ойртох зүйр. (өтлөх, үхэх дөхөх), ханан гэрээсээ холдож, хадан гэртээ очих зүйр. (үхэх, нас эцэслэх), ханын ёроолд төрж, хадны ёроолд үхэх зүйр. (жамтай юм жамаараа); 2Барилга байшингийн туурга: байшингийн хана (байшингийн туурга), хана туурга хорш. (байшин барилгын хажуу тал), ханын зураг (байшингийн ханан дээр хадсан буюу зурсан зураг), ханын сонин (байгууллагын дотоод үйл ажиллагаа, холбогдох хууль дүрмийг сурталчилсан хананд хадаж нийтэд үзүүлэх самбар), ханан гүрвэл амьт. (өнгө бор, бор эрээн, бие нь жижиг хайрстай дөрвөн мөч богино, савартаа соруултай, түүгээрээ ханан дээрх ялаа батганыг барьж иддэг амьтан, бүхэл биеийг хатааж эмэнд хэрэглэнэ); 3Барилгыг шавардахад шаврыг тогтоохын тул туурганд барьж хадах сараалж: хана хадах (сараалж хадах); 4Сур, шагай харвахад өрөх өндөр өрөг: хана сур (нэгэн зүйл өрсөн хасааны нэр), хана харвах (өрөг харвах); 5Дотоод эрхтний дотор тал: гэдэсний хана (гэдэсний дотор тал); 6Хананы дүрстэй буюу үйлдэлтэй зүйл; ханан бөх (тэмээний бөх нэг тийшээ эсвэл хоёр тийшээ яльгүй хэвийсэн нь), ханан дуганцаг (хадан оромж), ханан мөргүүлэг (ханан хад), ханан ташаалавч (ханын мод мэт жишүү нарийн модоор хийсэн ташаалавч), ханан хад (эгц өндөр хад), ханан хээ (ханын нүд мэт дөрвөлжин нэгэн зүйл хээ), ханан цонх (нарийн урт модоор ханын нүд мэт дөрвөлжлөн нүх гарган үйлдээд цаас наадаг байсан хуучны цонх).

'

'

'

'

Холбоо үг

• ханын толгой - унины бөгсийг сагалдаргаар бэхлэн тавьж тогтоох жижиг ацнууд
• ханын үдээр - ханын моднуудыг товчлон үдэх бэхлээс
• ханын үдээс - ханыг үдэх сур
• ханын шийр - ханын газарт суурилан тулж тогтох доод хэсэг
• хана амлах - монгол гэрийн ханыг амаар нь нийлүүлж угсрах
• байшингийн хана - байшингийн туурга
• хана туурга хорш. - байшин барилгын хажуу тал
• ханын зураг - байшингийн ханан дээр хадсан буюу зурсан зураг
• ханын сонин - байгууллагын дотоод үйл ажиллагаа, холбогдох хууль дүрмийг сурталчилсан хананд хадаж нийтэд үзүүлэх самбар

Зүйр цэцэн үг

ханын нүдээр шургаад хаалгаар багтахгүй бүдүүрэх - эд хөрөнгө идэж завшиж баяжих ханан гэр холдож, хадан гэр ойртох - өтлөх, үхэх дөхөх ханан гэрээсээ холдож, хадан гэртээ очих - үхэх, нас эцэслэх ханын ёроолд төрж, хадны ёроолд үхэх - жамтай юм жамаараа ханан цонх (нарийн урт модоор ханын нүд мэт дөрвөлжлөн нүх гарган үйлдээд цаас наадаг байсан хуучны цонх).

Зөв бичих зүй

хана(н) нэр 1 (гэрийн мод) ханын толгой, ~ амлах (угсрах), *~ мөргүүлэх (залилах), *~нд шахах (аргагүй байдалд оруулах), хананы, хананд, хананаас (+3ханаас), о.тоо хананууд (+3ханууд) 2 (туурга) байшингийн ~, ~ын сонин 3 (дотор тал) гэдэсний ~, ~н хад (эгц хад)