хамаарах эрх

Монголоор

Хадмал үг

[англ. allied right]

[ор. смежные права]

Тайлбар

хууль.

зохиогчийн эрх зүйд зохиогчийн эрхээс үүсмэл боловч түүнтэй бүрэн хэмжээгээр нийцэж тохирдоггүй онцгой эрхийн нэгэн өвөрмөц төрөл. Х.э.-ийн эрхийн эрх зүйн хамгаалалт зайлшгүй болох нь шинжлэх техникийн дэвшлийн хөгжилт зохиогчийн ба зохиогчийн эрхийн бусад эзэмшигчид төдийгүй бүтээлийн зохиогчийн эрхээр хамгаалагдах ашиглалттай холбогдсон үйл ажиллагааг хөндөж байгаагаар нөхцөлджээ. Тухайлбал, (тоглолтын хувьд) тоглолт хийгч, (анх бичлэг хийсэн, нийтэлсэн) фонограмм бүтээгч, (дамжуулсан программын хувьд) нэвтрүүлэг дамжуулагч байгууллага. Х.э.-ийн үндсэн агуулга нь фонограмм, радио ба теле программ, түүнчлэн тоглогчдын бүтээлийн үр дүнг гуравдагч этгээд ашиглахад тоглолтыг хийсэн жүжигчин эсхүл дуу бичлэг хийсэн байгууллага эсхүл радио, телевизийн байгууллагын зөвшөөрөл шаардлагатай байдагт оршино. Уран бүтээлчийн тоглолтын эрхийг хамгаалах хугацаа нь тоглолт болсон болон бичлэг хийсэн хугацаанаас хойш 50 жилийн хугацаанд хүчин төгөлдөр байна. Фонограмм бүтээгчийн эрхийн хамгаалалтын хугацаа нийтэлснээс хойш, нийтлээгүй бол бичлэг анх хийсэн хугацаанаас хойш 50 жил байна. Радио, телевизийн байгууллагын нэвтрүүлгийн эрхийн хамгаалалтын хугацаа уг нэвтрүүлгийг анх нэвтрүүлсний дараа жилийн 1 дүгээр сарын 1-нээс эхлэн 50 жилийн хугацаанд хүчин төгөлдөр байна. Х.э.-ийн субъектэд хуулиар олгосон онц эрхийг гэрээний үндсэн дээр бүрэн буюу хэсэгчлэн бусад этгээдэд шилжүүлж болно.

Creative Commons