хад(ан)

Монголоор

Үгийн утга

хад(ан) I нэр Уул нуруунд байх асар том ургаа чулуу: хадан агуй (хадан доторх хөндий зай), хадан хавцгай (эгц өндөр элгэн хад, хадан хясаа бүхий газар), хадан хошуу (уулын шувтрах хадан үзүүр), хадны давс (далай тэнгисийн ус ширгэснээс дэлхийн цардсанд давхарга болж тогтсон давс), хадны дууриан (уул хаданд мөргөж эргэж сонсогдох цуурай), хадны зураг (агуйн хана, хад, чулуунд зосоор зурсан, хонхойлгон сийлсэн хуучин чулуун зэвсгийн доод үеэс дундад зуун хүртэлх үед хамаарах эртний дүрс зураг), хадны мангаа (хүүхдийг хууран айлгаж хэлэх үг), хадны хаг (хаданд наалдаж ургасан өнгөр мэт зүйл), хадны хайлмал (нэгэн зүйл бодос, барагшин), хад асга/асга хад хорш. (уул нурууны чулуурхаг газраас булгарч нурсан хэсэг), хад чулуу хорш. (чулуурхаг хад цохио), хад бартаа хорш. (зорчих замд тохиолдох хад чулуун саад), хад цохио хорш. (том том хадан чулуутай газар), уул хад хорш. (уул болон чулуун гарш), *хадны цуурай (шиг) (хөнгөн хийсвэр, хүний хэлсэн хийснээр даган дуурайх), *хадан гэр ойртох/хадан гэрт гарах (нас өндөр болох, үхэх цаг ойртох), *хадан гэртээ очих/хадан гэртээ харих (нас барах, үхэх), *хад мөргөх (хэрэг явдал мухардах, аргагүйдэх), *өндгөөр хад цохих (бүтэхгүй, биелэгдэхгүй юм мөрөөдөх, хийхийг санаархах), хад мөргөсөн ишгэн толгой зүйр. (хэрээ мэдэхгүй аашилж байгаад хохирсон этгээд), хад сайтын үнэг бардам, хадам сайтын хүргэн бардам зүйр. (бусдын хүчинд дулдуйдан ихэрхэх), хаданд яваа үнэгийг хараад, хар хурган малгайгаа тайлж хаях (гэх шиг) зүйр. (өрөөлийн юмыг хараад өөрийнхийг голж, өөрийн юм ч үгүй, өрөөлийн юм ч үгүй болох), хадны болжмор амьт. (чандрын өнгө хятруу бялзуухайгаас баахан өөр, уул хадны ан завсарт үүрээ засдаг болжмор), хадны гүрвэл амьт. (хадан хайрга газар орших нэгэн зүйл гүрвэл), хадны харагчин амьт. (толгой бие нь ногоовторхон, хөмсөг их, ихэд жиргэдэг нэгэн зүйл бялзуухай), хадан өвс урга. (хаданд ургадаг нэгэн зүйл өвс), хадан хайлс урга. (цайвар хүрэн холтостой, хөрөөн шүдэт навчтай, цэцэг нь навч гарахаас өмнө дэлгэрдэг, зууван хавтгай жимстэй, тураг мод), хадны саримсаг урга. (иш нь бөөрөнхий махлаг, боровтор хүрэн хальстай, навч нь махлаг хөхөвтөр ногоон өнгөтэй, улаан, цагаан цэцэгтэй, хайрслаг иш нь хортой эмийн найрлаганд ордог, олон наст өвслөг ургамал), хадны хүж урга. (уул хаданд ургах хөрөөний ир мэт хөвөөтэй, уртлаг навчтай, хатан үнэртэй ургамал).

'

'

'

'

Холбоо үг

• хадан агуй - хадан доторх хөндий зай
• хадан хавцгай - эгц өндөр элгэн хад, хадан хясаа бүхий газар
• хадан хошуу - уулын шувтрах хадан үзүүр
• хадны давс - далай тэнгисийн ус ширгэснээс дэлхийн цардсанд давхарга болж тогтсон давс
• хадны дууриан - уул хаданд мөргөж эргэж сонсогдох цуурай

Зүйр цэцэн үг

хад мөргөсөн ишгэн толгой - хэрээ мэдэхгүй аашилж байгаад хохирсон этгээд хад сайтын үнэг бардам, хадам сайтын хүргэн бардам - бусдын хүчинд дулдуйдан ихэрхэх хаданд яваа үнэгийг хараад, хар хурган малгайгаа тайлж хаях (гэх шиг) - өрөөлийн юмыг хараад өөрийнхийг голж, өөрийн юм ч үгүй, өрөөлийн юм ч үгүй болох

Монгол бичиг

Heda - Hedea