тэмцэл

Монголоор

Үгийн дуудлага

[temʦel]

Үндэсний бичиг

ᠲ᠋‍ᠠ‍᠊ᠮ‍ᠠ‍ᠴ‍ᠠ‍ᠯ

(тэмэчэл)

Галиглах зарчим

Үгийн утга

нэр.

1. Тэмцэх үйлийн нэр, тэмцэх явдал

Нийлмэл үг

тэмцэл хийх - хүч чадлаа үзэн тулалдах, өрсөлдөх, сөргөлдөх

тэмцэл явуулах - тэмцэл хийх

тэмцэл хариулах - а.цохилтод хариу өгөх; б.хуучир. маргалдагч, сөргөлдөгчдөөсөө татгалзах

тэмцлийн шүтээн - тэмцлийн зорилго

тэмцлийн ухаан - а.тэмцэл явуулах арга ухаан; б.байлдах арга ухаан, байлдах урлаг

амьдралын төлөө тэмцэл - аж төрөхөөр чармайн зүтгэх

олон түмний тэмцэл - олон түмний эсэргүүцэл, үзэл бодлоо илэрхийлсэн бослого хөдөлгөөн

үзэл суртлын тэмцэл - үзэл суртлын номлол, өрсөлдөөн

зэвсэгт тэмцэл - зэвсэг ашиглах тэмцэл

сонгуулийн өмнөх тэмцэл - сонгуулийн өмнөх өрсөлдөөн

ширүүн тэмцэл - хүчтэй тэмцэл

Зөв бичихзүй

Үг хувилгах зарчим

Кирил бичгийн зөв бичихзүй

тэм|цэл нэр. тэмцлийн, тэмцэлд, тэмцлээс, о.тоо тэмцлүүд

Хоршоо үг

• атаа тэмцэл - бусдын давуу байдалд мөчөөрхсөн өрсөлдөөн
• тэмцэл хөдөлгөөн - ямар нэг үзэл бодол, үйл хэргийн төлөө нигмийн тодорхой санал зорилго бүхий хүмүүс хамтран зүтгэх нь
• байлдаан тэмцэл - амь өрссөн зэвсэгт тулаан
• мөргөлдөөн тэмцэл - сөргөлдөөн, эмх замбараагүй байдал
• хэрүүл тэмцэл - маргалдаан, үймээн шуугиан
• хямрал тэмцэл - харилцан ойлголцохгүй зөрчилдөн тэмцэх явдал, зөрчилдөөн
• эвдрэл тэмцэл - улс орон, хүн зон эв найрамдалгүй болж хагаран бутарсан байдал
• тэмцэл довтлол - зорилгодоо хүрэхээр тууштай давших нь
• тэмцэл зөрөлдөөн - үл ойлголцсон байдал, сөргөлдөөн
• тэмцэл самуурал - эмх замбараагүй байдал, эх толгойгүй байдал
• тэмцэл самуун - а.сөргөлдөөн, зөрчил; б.дайн дажин
• зарга тэмцэл - ямар нэг үйл хэргийн төлөө заргалдан тэмцэх нь
• зөрчил тэмцэл - үзэл бодол, үйл хэргээ хамгаалан тэмцэх явдал

Хэлц үг

Хэвшмэл хэлц

Тэмцэл дотроос баатар төрөх

Тэнэг дотроос цэцэн гарах

Аман зохиолд орсон нь

Зүйр үг

Тэмцэл дотроос баатар төрөх

Тэнэг дотроос цэцэн гарах

Тайлбар: тэмцэж байж ялалт байгуулдаг