товч(ин)

Монголоор

Үгийн утга

товч(ин) I нэр 1Дээл хувцасны шилбэний нүх болон тусгай гаргасан нүхэнд оруулж, торгох бяцхан зүйл: товч зангидах (эмхэрдсэн шилбэнд бөөрөнхий орой гарган зангидах), товч хадах (товчийг хувцсанд оёж бөхлөх), дээлийн товч (дээлийн энгэр заам болон бусад газрыг торгоон тогтоох зүйл), модон товч (модоор хийсэн товч), мөнгөн товч (мөнгөөр хийсэн товч), сувдан товч (сувдаар хийсэн товч), товч бүч хорш. (хувцасны энгэр заам хийгээд задгай хэсгийг эмхлэн тогтоох зүйлс), товч шилбэ хорш. (монгол дээлийн товч болон түүнийг дээлэнд оёж бэхлэх хэсэг); 2Хүний хөхний бяцхан шөмбөгөр орой: хөхний товч (хөхний оройд байх сүү гарах сүв бүхий жижиг ургацаг); 3Цахилгаан болон электрон төхөөрөмжийн үйлдлийг удирдах жижиг товх: компьютерийн гарын товч (компьютерт мэдээлэл оруулах тусгай төхөөрөмжид суурилуулсан жижиг товхнууд), хонхны товч (дээр нь дарж хонхыг дуугаргах зүйл); 4Товч мэт зүйл: замагны товч (бууны замагны бариулын үзүүр дэх бөөрөнхий зүйл).

'

'

'

'

'

'

Холбоо үг

• товч зангидах - эмхэрдсэн шилбэнд бөөрөнхий орой гарган зангидах
• товч хадах - товчийг хувцсанд оёж бөхлөх
• дээлийн товч - дээлийн энгэр заам болон бусад газрыг торгоон тогтоох зүйл
• модон товч - модоор хийсэн товч
• мөнгөн товч - мөнгөөр хийсэн товч
• хөхний товч - хөхний оройд байх сүү гарах сүв бүхий жижиг ургацаг

Зөв бичих зүй

• м.к.б
• м.б