товч

Монголоор

Үгийн дуудлага

[tofʧĭ]

Үндэсний бичиг

ᠲ᠋ᠣ᠊ᠪᠴ᠊ᠢ

(тобчи)

Галиглах зарчим

Үгийн утга

I нэр.

1. Дээл хувцасны шилбэний нүх болон тусгай гаргасан нүхэнд оруулж, торгох бяцхан зүйл
2. Хүний хөхний бяцхан шөмбөгөр орой
3. Цахилгаан болон электрон төхөөрөмжийн үйлдлийг удирдах жижиг товх
4. Товч мэт зүйл

II нэр.хуучир.

1. Эртний хаадын гарал язгуур, угсаа залгамж хийгээд тэдгээрийн үйл хэргийг хураангуйлан тоочсон түүхэн зохиол; товчоо

III тэм.

1. Хураангуй, тойм

Нийлмэл үг

товч зангидах - эмхэрдсэн шилбэнд бөөрөнхий орой гарган зангидах

товч хадах - товчийг хувцсанд оёж бөхлөх

дээлийн товч - дээлийн энгэр заам болон бусад газрыг торгоон тогтоох зүйл

модон товч - модоор хийсэн товч

мөнгөн товч - мөнгөөр хийсэн товч

сувдан товч - сувдаар хийсэн товч

хөхний товч - хөхний оройд байх сүү гарах сүв бүхий жижиг ургацаг

компьютерийн гарын товч - компьютерт мэдээлэл оруулах тусгай төхөөрөмжид суурилуулсан жижиг товхнууд

хонхны товч - дээр нь дарж хонхыг дуугаргах зүйл

замагны товч - бууны замагны бариулын үзүүр дэх бөөрөнхий зүйл

Алтан товч - Монголын нууц товчооны сурвалж мэдээг үндэслэн 1634 онд Лувсанданзан гүүшийн зохиосон Монголын төр ёсны түүхэн эх сурвалж бичиг

товч бичих - хураангуй бичих

товч дүгнэлт - тухайн нөхцөл байдал, үйл явдал, ном зохиолын утга агуулга зэргийг цөөн үг, өгүүлбэрээр ерөнхийлөн дүгнэсэн зүйл

товч мэдээ - тухайн цаг үеийн үйл явдлыг хурдан шуурхай, хураангуй тойм байдлаар уншигчдад хүргэдэг хэвлэл мэдээллийн бичлэгийн төрөл зүйл

товч өгүүлбэр - зөвхөн өгүүлэгдэхүүн, өгүүлэхүүн хоёроос бүтсэн өгүүлбэр

товч тайлбар - тухайн зүйлийг хураангуй бөгөөд оновчтой тайлбарласан нь

товч түүх - хураангуй түүх, товчилсон түүх

товч намтар - хүний бүх насны хэргийн хураангуй бичиг

товч нэр - товчилсон нэр, хураасан нэр

товч тэмдэглэх - уг зүйлийн гол утга санааг оновчтой хурангуйлан бичих

Зөв бичихзүй

Үг хувилгах зарчим

Кирил бичгийн зөв бичихзүй

товч I.нэр. товчийг, товчны, товчинд, товчноос, товчоор, товчхон

Үндэсний бичгийн зөв бичихзүй

ᠲ᠋ᠣ᠊ᠪᠴ᠊ᠢ  ᠶᠢ‍᠊ᠨ
ᠲ᠋ᠣ᠊ᠪᠴ᠊ᠢ ᠳ᠋ᠣ
ᠲ᠋ᠣ᠊ᠪᠴ᠊ᠢ ᠊ᠢ᠊᠊ᠢ
ᠲ᠋ᠣ᠊ᠪᠴ᠊ᠢ ᠡᠴ᠊‍᠊ᠨ
ᠲ᠋ᠣ᠊ᠪᠴ᠊ᠢ ᠪᠡ᠊ᠷ
ᠲ᠋ᠣ᠊ᠪᠴ᠊ᠢ ᠲ᠋‍ᠠ‍᠊ᠢ
ᠲ᠋ᠣ᠊ᠪᠴ᠊ᠢ ᠡᠣ᠊᠊ᠷᠣ᠊ᡍᠣ
ᠲ᠋ᠣ᠊ᠪᠴ᠊ᠢ ᠪᠡ᠊‍᠊ᠨ
ᠲ᠋ᠣ᠊ᠪᠴ᠊ᠢ ᠨᠣ᠊ᡍᠣ᠊ᠣ᠊᠊ᠨ

/~ийн /~д /~ийг /~оос /~оор /~той /~ руу /~оо /~ууд

Хоршоо үг

• товч бүч - хувцасны энгэр заам хийгээд задгай хэсгийг эмхлэн тогтоох зүйлс
• товч шилбэ - монгол дээлийн товч болон түүнийг дээлэнд оёж бэхлэх хэсэг
• товч хураангуй - дэлгэрэнгүй биш
• тойм товч - хэрэг явдлын мөн чанар, ном зохиолын утга агуулга зэргийг ерөнхийлөн хураасан байдал

Товчилсон үг

МОҮУЗТТ Монголын Орчин Үеийн Уран Зохиолын Товч Түүх

МХТТТ “Монгол Хэлний Товч Тайлбар Толь” [толь бичиг]

Хэлц үг

Хэвшмэл хэлц

Тотго үүдгүй гэрийг гэр гэж үл тоолж

Товч шилбэгүй хувцсыг дээл гэж үл тооцдог