таслах

Монголоор

Үгийн дуудлага

[taslă]

Үндэсний бичиг

ᠲ᠋‍ᠠ‍‍ᠰ‍ᠣ᠊᠊ᠯ‍ᠠ‍‍ᠠ‍ᠣ

(тасул)

Галиглах зарчим

Үгийн утга

үйл.

1. Бүрэн бүтэн юм буюу хамт байх зүйлийг хэсэг бусаг болгох, хэсэглэн салгах, тасдах
2. Зогсоох, болиулах
3. Байнга байх, заавал хийх зүйлийг орхих, зогсоох
4. Үл биелүүлэх
5. Хэрэг заргийг шийдвэрлэж дуусгах, нэг тийш болгох
6. Байнга хангадаг зүйлээ нийлүүлэхийг болих
7. Цахилгаан, шугам холбоог нь салгах
8. шилж. Амийг нь егүүтгэх
9. шилж. Устгах, үгүй хийх

Нийлмэл үг

товч таслах - оёсон товчийг салган унагаах

утас таслах - утсыг хэсэглэн салгах

огтлон таслах - ямар нэг зүйлээр зүсэн салгах

дипломат харилцаагаа таслах - дипломат харилцаагаа зогсоох

горьдлого таслах - горьдож найдах зүйлгүй болгох

үг таслах - ярьж байсан яриаг нь болиулах

ураг таслах - ургийн хөгжлийг зогсоох

уг язгуураар нь таслах - аливаа хэрэг явдлыг үндсээр нь байхгүй болгох, зогсоох

яриа таслах - бусдын ярианы дундуур орж яриаг нь зогсоох

ажил таслах - а.ажилдаа ирэхгүй байх, өнжих; б.даалгасан үүргийг үл биелүүлэх

хичээл таслах - түр хугацаагаар хичээлд оролцохгүй эзгүй байх

хурал таслах - хуралд суулгүй орхих

төлөвлөгөө таслах - төлөвлөгөө үл биелэгдэх)

таслан шийтгэх - хэргийг нэг тийш болгох

зарга таслах - зарга шийдэх, заргыг хоёр тийш нь болгох

хэрэг таслах - хэрэг шийдэх, хэргийг нэг тийш нь болгох

шүүн таслах - шүүн хэлэлцэж дуусгах

маргаан таслах - маргааныг хоёр тийш болгон шийдвэр гаргах

сүүгээр таслах - сүүгээр тогтмол хангаж чадахгүй байх

махаар таслах - махаар сайтар хангаж чадахгүй байх, махны хангалт муу хийх

тог таслах - тоггүй болгох

залгуур таслах - ямар нэг тогоор ажилладаг зүйлийг тэжээлээс нь салгах

утас таслах - утсаа салгах

амийг нь таслах - алах

голыг нь таслах - алах

Зөв бичихзүй

Үг хувилгах зарчим

Кирил бичгийн зөв бичихзүй

тас|л/ах үйл. таслан шийтгэх, тасал, таславч; таслагдах, тасалцгаах, тасалчих

Товчилсон үг

ХМТК Хөдөлмөрийн Маргаан Таслах Комисс

ШТХБЗШЯ Шүүн Таслах Хэргийг Бүгд Захиран Шийтгэх Яам