сэтгэл зүйн стандарт

Хадмал үг

[англ. psychological standards]

Тайлбар

хууль.

Цагдаагийн алба хаагч олон талд үүрэг гүйцэтгэхийн хэрээр олон янз бүрийн хүнтэй харилцах шаардлагатай тулгардаг. Цагдаагийн алба хаагч торгууль оногдуулах, эс оногдуулах, баривчлах эс баривчлах, галт зэвсэг, тусгай хэрэгсэл, биеийн хүч зэрэг албадлага хэрэглэх, эс хэрэглэх зэрэг шийдвэрийг бие даан, маш богино хугацаанд, урьдаас төлөвлөгдөөгүй, сургалтаар заагдаагүй ч тохиолдолуудад гаргах чадвартай байх болдог. Ийм учраас албан үүргээ гүйцэтгэснээс үүсэх сэтгэл зүйн нөлөөллийн талаар байгууллагын удирдлага гүнзгий ойлголттой болж, алба хаагчдын дагаж мөрдөх сэтгэл зүйн стандартыг гаргаж ёстой. Энэ нь цагдаагийн байгууллага хэнийг сонгон авч ажиллуулах, хэнийг авч ажиллуулахгүй байхыг тодорхойлох арга, дэг горимыг тогтоосон байх ёстой.Сэтгэл зүйн эмгэгүүдээс цагдаагийн алба хаагчдад ихэвчлэн тохиолддог нь стресс, амиа хорлолт, хээл хахуульд автах, зожигрох, нийгмийн эсрэг үзэл тээх, бусадтайгаа хамт ажиллах чадваргүй болох, согтууруулах ундаа, мансууруулах бодист донтох зэрэг байна. Цагдаагийн байгууллага ийм эмгэгтэй хүнийг авч ажиллуулах юм бол, эсхүл алба хаагчдаа ийм зан үйлийн хандлага руу оруулах юм бол, бүр үүргээ зохих ёсоор гүйцэтгэх чадамжгүй болгон юм бол сүйрлийн хэмжээнд очлоо гэсэн үг.Олон улсад цагдаагийн байгууллага бүр л хамгийн сайныг нь сонгон авахын тулд боловсролын, эрүүл мэнд, бие бялдарын, хувь хүний тодорхойлолт хийх, полиграфийн шинжилгээний зэрэг стандартыг тогтоосон байдгийн нэг нь сэтгэл зүйн стандарт юм.Цагдаагийн маш олон байгууллагууд хууль сахиулах ажиллагааны гүйцэтгэх үүрэгт тохирсон сэтгэл зүйн стандартыг тогтоосон байдаг бол ихэнх нь сул орон тоог нөхөхөөр сонгон шалгаруулалт явуулах үедээ сэтгэл зүйн шалгалт, сорил авч шалгадаг. Хүнийг ажилд авах эсэхээ шийдвэрлэх хамгийн сайн арга бол сэтгэл зүйн стандарт.